Apple Watch سائەت بېغىنى كۆگەزمە قىلىش ئۇسۇلى پاتېنت ھوقۇقىغا ئېرىشتى

تۈرى : تېخنىكا يوللىغۇچى : ئابلەت نۇرمۇھاممەد ۋاقتى : 2016-06-19 19:30:57

بېتا تورى 19-ئىيۇن خەۋىرى، نۇر تورى تەرجىمىسى:

ئالما شىركىتىنىڭ پارچە سېتىش ئىشلىرىغا مەسئۇل يۇقىرى دەرىجىلىك باشقۇرغۇچىسى Angela Ahrendts ۋەزىپىگە ئولتۇرغاندىن كېيىن، ئالما شىركىتىنىڭ پارچە سېتىش دۇكانلىرى ئۈچۈن يېڭى ئۇقۇم ۋە يېڭى قىياپەت ئاتا قىلدى. ئالما پارچە سېتىش دۇكانلىرىنىڭ ئىچكى قىسمىنى قايتىدىن لايىھەلىدى، بۇلار چوڭ تىپتىكى ئەينەك ئايلانما ئىشىك، كۆزنى قاماشتۇرىدىغان مەھسۇلات كۆرگەزمە قىلىش پۇكىيى قاتارلىقلارنى ئۆز ئىچىگە ئالىدۇ. بۈگۈن شىياڭگاڭ پاتېنت ۋە ماركا ھوقۇقى ئىدارىسى ئالما شىركىتى يېقىندا ئېرىشكەن بىر لايىھە پاتېنت ھوقۇقىنى ئېلان قىلدى، بۇ لايىھە پاتېنت ھوقۇقى ئاساسلىقى تەنھەرىكەت نۇسخىسىدىكى Apple Watch سائەت بېغىنى كۆرگەزمە قىلىش ئۇسۇلىغا بېرىلگەن. پاتېنت ھوقۇقى ئىلتىماس قىلىش بىلەن ئوخشىمايدىغىنى، ئامېرىكا پاتېنت ۋە ماركا ھوقۇقى ئىدارىسى تارقاتقان لايىھە پاتېنت ھوقۇقىدا مەلۇم بىر لايىھەنىڭ تەپسىلىي ئۇچۇرلىرى نامايەن قىلىنمايدۇ، بىز پەقەت بىر تۈركۈم ئاددىي ئىسخېمىلار ئارقىلىق يۈزەكى لايىھەنى چۈشىنەلەيمىز.

بۈگۈن ئېلان قىلىنغان لايىھە پاتېنتى كۆپچىلىككە ھەرگىز ناتونۇش ئەمەس، يېڭىدىن ئېچىلغان ئالما پارچە سېتىش دۇكىنىغا كىرسىڭىزلا ھەر خىل رەڭلەردىكى تەنھەرىكەت نۇسخىلىق Apple Watch ئەقلىي ئىقتىدارلىق سائەت باغلىرىنىڭ ھالقىسىمان شەكلىدە رەتلىك تىزىلغانلىقىنى بايقايسىز، بۇ خىل تىزىش ئۇسۇلى بىر قاراشتىلا خېرىدارلارنى ئۆزىگە جەلىپ قىلالايدۇ، ئاستى تەرەپتىكى مال جازىسىغا ئوراپ قاچىلانغان سائەت باغلىرى قويۇلغان.