ئالىي مەكتەپكە ئۆتكەن قىز ئوقۇغۇچىلار ئوقۇش ياردەم پۇلىغا ئېرىشتى

تۈرى : جەمئىيەت يوللىغۇچى : ئابلەت نۇرمۇھاممەد ۋاقتى : 2016-09-06 16:19:16

تەكلىپلىك مۇخپىرىمىز غۇجىئابدۇللا مەمىتىمىن خەۋىرى ،فوتوسى :
قاراقاش ناھىيەلىك ئاياللار بىرلەشمىسىنىڭ ئالتۇن كۈز ئوقۇش ياردىمى-ئالىي مەكتەپ ئارزۇسىنى ئەمەلگە ئاشۇرۇش،«بىر يۈەن ئارقىلىق مېھىر-شەپقەت يەتكۈزۈش »ئوقۇش ياردەم پۇلىنى تارقىتىش مۇراسىمى 9-ئاينىڭ 2-كۈنى چۈشتىن كىيىن قاراقاش ناھىيەلىك پارتكوم ئىشچى-خىزمەتچىلەر يىغىن زالىدا ئېچىلدى.مۇراسىمدا ناھىيە بويىچە 16 يېزا-بازاردىكى دېھقانلارنىڭ پەرزەنىتلىرىدىن تاللانغان،بۇ يىل ئالىي مەكتەپكە قوبۇل قىلىنغان،ئائىلىسىدە ئىقتىسادىي قىيىنچىلىقى بار 30 نەپەر قىز ئوقۇغۇچىغا 2000 يۈەندىن جەمئىي 60 مىڭ يۈەن ياردەم پۇلى تارقىتىلىپ ئۇلار خۇشاللىق ئىلكىدە ئالىي مەكتەپكە ئۇزىتىلدى.ئوقۇغۇچىلار ئاتا-ئانىلىرى بىلەن بىرلىكتە ياردەمنى قوبۇل قىلدى،ئوقۇغۇچىلار ۋەكىلى ھەم ئاتا-ئانىلار ۋەكىلى سۆز قىلىپ،ئۆزلىرىگە ياردەم بەرگەن ئاياللار بىرلەشمىسىگە شۇنداقلا جەمىيەتتىكى ساخاۋەتچى كىشىلەرگە رەھمەت ئېيتتى. قاراقاش ناھىيەسىنىڭ مۇئاۋىن ھاكىمى شى خەي مۇراسىمدا سۆز قىلىپ ياردەمگە ئېرىشكەن ئوقۇغۇچىلاردىن ياخشى ئوقۇپ ۋەتەنگە جاۋاپ قايتۇرۇشنى ،ئاتا-ئانىلاردىن بالىلارنى ئالىي بىلىم يۇرتلىرىدا ئاخىرىغىچە ئوقۇتۇشقا كۈچ چىقىرىشنى تەلەپ قىلدى.
سۈرەتتە:مۇراسىمدىن كۆرۈنۈش