سىنۇس دالانچە يەتكۈزۈشى توسۇلۇش سىنۇس دالانچە تۈگۈنى چىقارغان قوزغىتىشنىڭ سىرتقا چىقالماسلىقى ياكى يەتكۈزۈلۈشى ئاستىلاشنى كۆرسىتىدۇ. يەتكۈزۈشى توسۇلۇش سىنۇس دالانچە تۈگۈنى ۋە ئۇنىڭ ئەتراپىدىكى مۇسكۇللار ئارىسىدا يۈز بېرىدۇ. بەدەن يۈزى ئېلېكتروكاردىئوگراممىسىدا سىنۇس دالانچە تۈگۈنىنىڭ قوزغىلىش دولقۇنىنى خاتىرىلىگىلى بولمايدۇ. پەقەت يۈرەك دالانچىسىنىڭ قۇتۇپسىزلىشىش دولقۇن ( P دولقۇن )ى ئىپادىلىنىپ، سىنۇس دالانچە تۈگۈنىنىڭ ھەرىكىتى ۋاسىتىلىك پەرەز قىلىنىدۇ.

سىنۇس دالانچە يەتكۈزۈشى توسۇلۇشنى كەلتۈرۈپ چىقىرىدىغان ئامىللار تۆۋەندىكىچە:
1) يۈرەكنىڭ ئۆزىدە بار كېسەللىكلەر: جىددىي خاراكتېرلىك يۈرەك مۇسكۇل ياللۇغى، يۈرەك مۇسكۇل تىقىلمىسى، يۈرەك مۇسكۇل كېسىلى، كېسەللىك ھالىتىدىكى سىنۇس دالانچە تۈگۈنى ئۈنىۋېرسال كېسىلى قاتارلىقلار.
2) ئاداشقان نېرۋىنىڭ كەرەڭلىكى ئېشىپ كېتىش: ئاداشقان نېرۋىنىڭ كەرەڭلىكى ئېشىپ كېتىش كەلتۈرۈپ چىقىرىدىغان سىنۇس دالانچە يەتكۈزۈشى توسالغۇغا ئۇچراش كۆپىنچە ۋاقىتلىق ياكى ئاندا-ساندا قوزغىلىشچان سىنۇس دالانچە يەتكۈزۈپ بېرىش توسالغۇغا ئۇچراشتۇر.