چىش ئەتراپى ياللۇغى قارىماققا چوڭ كېسەل بولمىسىمۇ لېكىن ۋاقتى ئۇزىراپ كەتسە، چىش بوشاپ چۈشۈپ كېتىدۇ. جۇڭگو تېبابىتىدە چىش بەدەن ۋە قاننىڭ ئوزۇقلۇق بىلەن تەمىنلىشىگە ئېھتىياجلىق دەپ قارىلىدىغان بولۇپ، ئاشقازان ياللۇغى سەۋەبلىك بەدەن قىزىش، بۆرەك مەنپىيلىكتىن زەئىپلىشىش،بەدەن ئاجىزلىق ۋە قان ئاجىزلىق قاتارلىقلارمۇ چىش ئەتراپى ياللۇغىنى كەلتۈرۈپ چىقىرىدۇ. ھەر كۈنى زەنجىۋىل سۈيىدە ئېغىزنى چايقاپ بەرگەندە، ھەمدە بۇنى بىر ئاي داۋاملاشتۇرغاندا، كۆرۈنەرلىك ئۈنۈمگە ئېرىشكىلى بولىدۇ. ئادەتتە خىزمەت بېسىمى ئېغىر بولىدۇ، بەدىنى ئاجىز كىشىلەر بۇ ئۇسۇلنى ئىزچىل داۋاملاشتۇرۇپ بەرسە چىش ئەتراپى ياللۇغىدىن ئۈنۈملۈك مۇداپىئە كۆرەلەيدۇ.

ھەر كۈنى ئەتىگەن ۋە كەچتە مۇۋاپىق مىقداردىكى زەنجىۋىلنى سۇغا سېلىپ قاينىتىپ، سوۋۇغاندىن كېيىن ئېغىزنى چايقاپ بەرسە ياكى ئىككى-ئۈچ ياپراق زەنجىۋىلنى ئىستاكانغا سېلىپ قايناقسۇ قۇيۇپ، چاي ئورنىدا ئىچىپ بەرسىمۇ بولىدۇ، چۈنكى زەنجىۋىلنىڭ تەمى ئاچچىق، تەبىئىتى مۆتىدىل بولۇپ، ئىششىق ياندۇرۇپ ئاغرىق توختىتىش رولى بار. زەنجىۋىلنىڭ يەنە باكتېرىيىگە قارشى تۇرۇش رولى بار بولۇپ، باكتېرىيىنىڭ كۆپىيىشىنى تىزگىنلەيدۇ. ئەگەر زەنجىۋىلنىڭ تەمىگە كۆنەلمىسە، ئۇنىڭ ئورنىغا ئۈچقاتنى ئىشلەتسىمۇ بولىدۇ.