تونۇش: بۇ ھەرخىل سەۋەبلەر تۈپەيلىدىن روھىي- ئەپسانىينىڭ ئايلىنىشى توسقۇنلۇققا ئۇچراپ، مېڭە ۋە نېرۋىلارنىڭ خىزمىتى قالايمىقانلىشىش بىلەن ئۇخلىغاندا قورقۇنچلۇق چۈشلەرنى كۆرۈپ، قاتتىق قورقۇش، ۋارقىراش، چۆچۈپ ئويغىنىش، يۈرەك سېلىش، نەپەس قىيىنلىشىش قاتارلىق ئالامەتلەر بىلەن ئىپادىلىنىدىغان مىزاج بۇزۇلۇش خاراكتېرلىك كېسەللىك.

 پەرۋىش: مېڭىنى تىنچلاندۇرۇش، بالىنى قورقىدىغان نەرسىلىرىگە يولۇقتۇرماسلىق ۋە ئېسىگە سالماسلىق، قۇۋۋەتلىك ئوزۇقلاندۇرۇپ، مۇھىتى گۈزەل بولغان جايلارغا ئاپىرىش، بالا ياخشى كۆرىدىغان ئويۇنلارنى ئوينىتىش، زىيادە ھېرىپ چارچاش، روھىي جىددىيلىك، ئاچچىقلىنىش، قايغۇرۇش، زىيادە تويۇپ تاماق يېيىش قاتارلىقلاردىن ساقلىنىش، مۇۋاپىق ئارام ئېلىش بىلەن بىرگە ھەرىكەت قىلدۇرۇپ تۇرۇش، روھىي جەھەتتىن خاتىرجەم بولۇشقا ئىلھاملاندۇرۇش، تۇرمۇشنى تەرتىپلىك ئورۇنلاشتۇرۇش.

پەرھىز: تەستە ھەزىم بولىدىغان، قىيمىلىق تاماق، غىدىقلىغۇچى، يەل پەيدا قىلغۇچى، زىيادە سوغۇق يېمەك- ئىچمەكلەردىن پەرھىز قىلىنىدۇ.