يانغىن

رەنجىمە

كۆيگىنىمنى بىلسە جانان دەپ ،

ئەتراپىڭدىن كەتمىدىم يىراق .

بىشارەتمۇ بەردىم كۆپ قېتىم ،

چۈشەنمىدىڭ قەلبىمنى بىراق .

شۇ يۇسۇندا ئۆتتى نەچچە يىل ،

مېنى ۋەيران قىلدى شۇ پىراق .

كۆيەلمىگەچ سەنمۇ مېنىڭدەك ،

ئاخىر كەتتىم يېنىڭدىن  يىراق .

ئەپسۇس بۈگۈن قىيناپتۇ سېنى ،

سەندىن يىراق كىتىپ قالغىنىم .

گەر رەنجىتىپ قويساممۇ سېنى ،

ئەمدى مەندىن رەنجىمە جېنىم .

قىزىق ئىكەن تەقدىر چاقچىقى ،

بەردى ماڭا غەيرىي قىسمەتنى .

تاپتىم دىسەم ئەمدى بەختىمنى .

سېلىپ قويدى ماڭا ئازابنى .

بىلىپ قالدىم ئىچكى سىرىڭنى ،

بۇلۇپ قاپسەن مېنىڭدىن خاپا .

بىلەلمىدىم ئەجەپ مەن شۇنى ،

قىلغىنىمنىڭ قايسىسى خاتا .

رەنجىمىگىن بىھۇدە مەندىن ،

ياشىغۇم يوق مېنىڭمۇ سەنسىز .

سەن بولمىساڭ يېنىمدا جانان ،
كۈنۈم ئۆتەر ھېچبىر مەنىسىز .