ئالاھىدىن ئابدۇرېشىت: ئالمىدەك يۈرەك يېرىلدى

alahidin

ئالمىدەك يۈرەك يېرىلدى

-ئاتاقلىق شائىر، ئىجتىھاتلىق ئەدەبىي تەرجىمان ئوسمانجان ساۋۇت ئاكا ۋاپاتىغا مەرسىيە

ئالاھىدىن ئابدۇرېشىت

يۈرىكىم قان يىغلىدى، ھەسرەتتە «ئوسمانجان!» دېدى،
بۇ مۇسىبەتتىن جاھان ھەيرەتتە «ئوسمانجان!» دېدى.

كۈندە كۈنسىز، تۈندە ئايسىز ئۆرتىنىپ ئاسمان گويا،
چاقمىقى چوغدەك يورۇق خىلۋەتتە ئوسمانجان، دېدى.

سۇلىرى ياشتەك ئېقىپ تۇپراق پىچىرلاپ قايغۇدا،
خۇددى تاغنىڭ ۋەزنىدە ھېكمەتتە ئوسمانجان، دېدى.

ئالمىدەك يۈرەك يېرىلدى دەپ زەكىيلەر زىكرىدە:
سۈپسۈزۈك ئاپتاپ سۈپەت ھىممەتتە ئوسمانجان، دېدى.

توزىدى سۆزلەر گۈلى دەپ نالىسام بۇندا چىمەن،
توزىماس گۈللەر بىلەن سۆھبەتتە ئوسمانجان، دېدى.

سۇغا سۇدەك، ئوتقا ئوتتەك قېتىلىپ ئۆتتۈڭ ھامان،
ئۆتكۈلەردىن سورىسام ۋەھدەتتە ئوسمانجان، دېدى.

ھۆر-پەرىلەرنى بىھۇش ئەيلەپ نەزىمنىڭ سېھرىدە،
يەر ماڭا گۈلساي ئەمەس، جەننەتتە ئوسمانجان، دېدى!...

2013-يىلى، 10-ئاينىڭ 20-كۈنى، يېڭىسار.

ئىدرسجان

ھەقىقەتەن ياخشى يىزپسىز  قولىڭزغا دەرت كەلمىسۇن.

ئەلتبەر

ۋاخ شۇنداق ئېسل يېزپسىز قولىڭىزغا دەت كەلمىسۇن

azat007

قەلەم تۇلپارىڭىزغا  ئۇتلۇق تىلەيمەن  ئۇستاز

زۇبەيېر

ياخشى يېزىپسىز جۇمۇ

بېلىق

ياخشى يېزىپسىز

ئاسۇق

مەرھۇم شائىر ئوسمانجان ساۋۇت ئاكىمىز ئۈچۈن يېزىلغان ياخشى مەرسىيە بوپتۇ ، قەلىمىڭىز ھەرقاچان يالتىراپ تۇرسۇن ...