ياپونىيە تاراتقۇلىرىنىڭ 11-ئىيۇندىكى خەۋىرىگە قارىغاندا ، 10-ئىيۇن ، ئامېرىكا ئالەم قاتنىشى ئىدارىسى (NASA) فىلورىدا ئىشتاتىدىكى كېنېدى ئالەم بوشلۇقى مەركىزىدە ، كېيىنكى ئەۋلاد ئالەم كېمىسى ‹‹ ئورىئون يۇلتۇز تۈركۈمى ›› نىڭ رەسىمىنى ئاشكارىلىغان .

　　خەۋەر قىلىنىشىچە ، ‹‹ ئورىئون يۇلتۇز تۈركۈمى ›› يەر شارى بىلەن مارس ياكى كىچىك سەييارىلەر ئارىسىدا ئادەملىك ئۇچۇش پىلانىنى ئەمەلگە ئاشۇرۇشتا ئىشلىتىلىدىغان ئالەم كېمىسى بولۇپ ، تۆت خىزمەتچى خادىمنى ئېلىپ يۈرەلەيدىكەن . بۇ ئادەملىك ئالەم كېمىسىنىڭ تاشقى قېپى 2000 گىرادۇسلۇق يۇقىرى تېمپېراتۇرىغا بەرداشلىق بېرەلەيدىغان قىلىپ ياسالغان .

　　‹‹ ئورىئون يۇلتۇز تۈركۈمى ›› ناملىق ئالەم كېمىسى 12-ئايدا كېنېدى ئالەم مەركىزىدە تۇنجى قېتىم ئۇچقۇچىسىز سىناق قىلىنىدىكەن . ئۇنىڭ ئوربىتىسىنىڭ ئېگىزلىكى يەر شارى يۈزىدىن 5800 كىلومېتىر ئېگىز بولۇپ ، خەلقئارا ئالەم بوشلۇقى ئېگىزلىكىنىڭ 15 ھەسسىسىگە توغرا كېلىدىكەن . ئۇ يەر شارىنى ئىككى ھەپتە ئايلانغاندىن كېيىن ، سېكۇنتىغا توققۇز كىلومېتىرلىق سۈرئەت بىلەن يەر شارى ئاتموسفېرا قاتلىمىغا كىرىپ ، ئەڭ ئاخىرىدا يەر شارىغا قايتىپ كېلىدىكەن . ئالەم كېمىسى تۇنجى قېتىم قويۇپ بېرىلگەندە ئىنژېنېرلار ئۇنىڭ قويۇپ بېرىلىشى ، ئۇچۇشى ، ئاتموسفېرا قاتلىمىغا قايتىشى ھەمدە ئەڭ ئاخىرىدا بىخەتەر ھالدا قونۇشى قاتارلىق پۈتۈن جەرياندىكى سانلىق مەلۇماتلارنى قىممەتلىك ماتېرىيال سۈپىتىدە خاتىرىلەيدىكەن . مۆلچەرلىنىشىچە ، 2020-يىل ئەتراپىدا ‹‹ ئورىئون يۇلتۇز تۈركۈمى ›› ناملىق ئالەم كېمىسى تۇنجى قېتىم ئادەملىك ئۇچۇشقا رىقابەت ئېلان قىلىدىكەن .

　 　ئىگىلىنىشىچە ، ئامېرىكا ئالەم قاتنىشى ئىدارىسى ئالەم ئايروپىلانلىرىنىڭ ھەممىسى 2010-يىلى ۋەزىپىسىدىن چېكىندۈرۈلگەن بولۇپ ، يېڭى بىر ئەۋلاد ئادەملىك ئالەم بوشلۇقى سىستېمىسى ‹‹ ئورىئون يۇلتۇز تۈركۈمى ›› 2015-يىلدىن باشلاپ ۋەزىپە ئۆتەپ ، ئامېرىكىلىقلارنىڭ ئاي شارىغا قايتىش ۋە مارستا تەكشۈرۈش ئېلىپ بېرىش ۋەزىپىسىنى قايتىدىن ئۈستىگە ئالىدىكەن .

(تەھرىر : ئىزدەن)

• ئىلگىرى دۇنيانى ئۆزگەرتكەن
• ئامېرىكا كېيىنكى ئەۋلاد ئالەم كېمىسىنى
• ئاتا-ئانىلار بوۋاقلىرىنىڭ كەلگۈسىدىكى
• كەلگۈسىنى ئالدىن پەرەز قىلالايدىغان تا
• ئەڭ بۇرۇنقى بوياق ماتېرىيالى
• دۇنيا بويىچە ئەڭ بۇرۇنقى كونسېرۋا يېمەك
• يانفوننى 3D لىق سىكانىرلاش ماشىنىسىغا ئا
• سامسۇڭ Galaxy S5 كە سۇدىن,چاڭ-توزا
• ئالىملار ئەقلىي ئىقتىدار بىل
• Mino ئەقلىي ئىقتىدارلىق بوۋاقلار كىيىمى ئ
• 2013-يىلدىكى ئون چوڭ ئالىم
• دۇنيادىكى تۇنجى سۈنئىي يۈرەك كۆچۈرۈش ئو
• شىنجاڭدىكى ئالىملار دۇنياۋىي قىيىن مەس
• بوۋاقلار ئۈچۈن لايىھەلەنگەن iPad ئورۇندۇ
• ياپونىيەدە يول ماڭغاندا يانفون ئويناپ م
• 5G تېخنىكىسى ئالاقە ساھەسىدىكى يېڭى قىزى