ماناسلىق ياش يىگىت غايەت زور موتىسىكىلىتنى قۇراشتۇرۇپ چىقتى

　　بۇ يىل «1-ماي» ئۇيغۇر يىگىتى ئابلاجانغا ئالاھىدە بىر كۈن بولدى، ئۇ ئۆزى ياسىغان غايەت زور موتىسىكىلىتى بىلەن ماناس ناھىيەسىدىكى كىشىلەر ئارىسىدا «داڭدار» كىشى بولۇپ قالدى. «مەن جەمئىي تۆت قېتىم موتىسىكىلتنى مىنىپ سىرتقا چىقىپ باقتىم، ھەر قېتىم سىرتقا چىققىنىمدا موتىسىكىلىتنىڭ كەينىدىن بىر توپ كىشىلەر ئەگىشىۋالىدۇ» دېدى ئابلاجان.

　　30 ياشنىڭ قارىسىنى ئالغان ئابلاجان ماناس ناھىيەسى ئوۋياڭ پەن - تېخنىكا پاسكىنا سۇنى بىر تەرەپ قىلىش سېخىنىڭ بىر ئىشچىسى. 2-ماي مۇخبىر ئۇنىڭ بىلەن ئالاقىلاشقاندا، ئۇ يەنە بۇ غايەت زور موتىسىكىلتى ئۈچۈن غەم يەۋاتاتتى: ئۇزۇنلۇقى 4.3 مېتىر، ئېگىزلىكى 2.4 مېتىر، ئېغىرلىقى ئاز كەم 300 كلوگرام كېلىدىغان بۇ موتىسىكىلىتنى يولغا ئېلىپ چىقىپ قاتناش قورالى سۈپىتىدە ئىشلەتكىلى بولمايتتى.

　　ئابلاجان ئىزچىل تۈردە بۇ غايەت زور موتىسىكىلىتنى ساياھەت ئورۇنلىرىغا ئاپىرىپ، ساياھەتچىلەرنى ئۇنىڭغا مىنىپ رەسىمگە چۈشۈشكە جەلپ قىلىپ، ئازراق پۇل تېپىش خىيالى بارلىقىنى ئېيتتى.مۇخبىر ئابلاجان تەمىنلىگەن رەسىمدىن بۇ موتىسىكىلتنىڭ غايەت زور ئىككى چاقى بارلىقىنى، چاق دېئامىتىرىنىڭ ئادەتتىكى موتىسىكىلىتلارغا قارىغاندا بەش ھەسسە كېلىدىغانلىقىنى بىلدى.

　　ئابلاجان مۇنداق دېدى: ئۇ كىچىكىدىنلا بىر نەرسە كەشپ قىلىشنى ياخشى كۆرىدىغان بولۇپ، بۇلتۇر 4-ئايدىن باشلاپلا ئۇنىڭدا غايەت زور موتىسىكىلىت ياساش ئىستىكى پەيدا بولغان. «مەن بىر يىل ۋاقىت سەرپ قىلىپ، 8 مىڭ يۈەندىن ئارتۇق پۇل خەجلەپ بۇ موتىسىكىلىتنى ياساپ چىقتىم. نەچچە كۈن ئىلگىرى يولغا چىقىپ يەنە بىر قانچە جايىنىڭ تازا ياخشى قۇراشتۇرۇلماي قالغانلىقىنى ھېس قىلىپ قايتىدىن تەڭشەپ چىقتىم، ھازىر مەسىلە يوق».