ئامېرىكا پرىنستون ئۇنۋېرسىتېتىنىڭ تەتقىقاتچىلىرى ئاۋازنى قوبۇل قىلالايدىغان ھەم يەتكۈزەلەيدىغان تەقلىدىي قۇلاق ياساپ چىققان

ئامېرىكا ئاخبارات ۋاستىلىرىنىڭ يېقىندا خەۋەر قىلىشىچە، ئامېرىكا پرىنستون ئۇنۋېرسىتېتىنىڭ تەتقىقاتچىلىرى يېقىندا 3D لىق پرىنتېر، بىر يېتىلدۈرۈش پروبىركىسى ۋە كالىدىن ئېلىنغان ھۈجەيرىلەرگە تايىنىپ، ئاۋازنى قوبۇل قىلالايدىغان ھەم يەتكۈزەلەيدىغان تەقلىدىي قۇلاق ياساپ چىققان.
بۇ تەتقىقاتچىلار كالا ھۈجەيرىسىدىكى شىلىمشىق سۇيۇقلۇق ۋە مىكرو كۈمۈش دانىچىلارنى پرىنتېرغا كىرگۈزگەن، پرىنتېر ئالاھىدە پروگرامما ئارقىلىق، بۇ ماتېرىياللارنى تەقلىدىي قۇلاق شەكلىگە كەلتۈرگەن ھەم كۈمۈش دانىچىلارنى بۇرمىسىمان ئانتېنا شەكلىدە ئوراپ چىققان. بۇ بۇرمىسىمان ئانتېنا ئادەتتىكى ئانتېنىغا ئوخشاش سىمسىز رادىيو دولقۇنىنى قوبۇل قىلالايدىكەن، تەقلىدىي قۇلاق بولسا بۇ دولقۇنلارنى ئاۋاز شەكلىگە ئۆزگەرتىدىكەن.
بىراق بۇ خىل 3D لىق قۇلاقنى ياساشتىكى مەقسەد ئادەم قۇلىقىنىڭ ئورنىنى ئېلىش بولماستىن، بەلكى ئېلىكترون تېخنىكىسى بىلەن بىئو ماتېرىياللارنى بىرىكتۈرۈشنىڭ يېڭى ئۇسۇلى ئۈستىدە ئىزدىنىش ئىكەن.