ھىندىستاننىڭ داڭلىق چولپىنى ئامىرخاننىڭ باش رول ئالغان ھەم ئۆزى رېژىسسورلۇق قىلىپ ئىشلىگەن «ئۈچ ئەخمەق» فىلىمىنى كۆرمىگەنلەر ناھايىتى ئازغۇ دەيمەن. شۇ كىنودا مەكتەپ مۇدىرى يېڭى ئوقۇغۇچىلارغا لېكسىيە سۆزلەۋېتىپ، قاتتىق ھاياجان ئىلكىدە ئۆزىنىڭ ئالەم بوشلۇقى قەلىمىنى كۆز-كۆز قىلىدۇ ۋە ئالەم بوشلۇقىدا سىياھ قەلەم ئىشلەتكىلى بولمايدىغانلىقىنى، ئەمما بۇ قەلەمدە ھەرقانداق بۇلۇڭ ۋە تارتىش كۈچى يوق ھالەتتىمۇ نورمال خەت يازغىلى بولىدىغانلىقىنى ئېيتىدۇ. شۇ چاغدا كەپسىز رانچو تەپ-تارتماي مۇدىردىن نېمە ئۈچۈن ئالەم بوشلۇقىدا قېرىنداش ئىشلەتمەيدىغانلىقىنى سورايدۇ ۋە مۇدىرنى دەمال ئوسال ئەھۋالدا قويىدۇ. ئۇنداقتا بۇ كىنونى كۆرگەن سىزدىمۇ مۇشۇنداق سوئال پەيدا بولغانمۇ ؟

ئەمەلىيەتتە سوغۇق مۇناسىۋەتلەر ئۇرۇشى مەزگىلىدىمۇ ئامېرىكا ۋە سوۋېت ئىتتىپاقى ئىككى تەرەپ ئوخشاشلا دەل مۇشۇ مەسىلىگە يولۇققان. يەنى قانداق قىلغاندا ئېغىرلىق كۈچى يوق مۇھىتتا خەت يازغىلى بولىدۇ؟ كېيىن ئامېرىكا تېخىمۇ كۆپ ئىقتىساد ۋە تېخنىكا ئاجىرىتىپ مەزكۇر مەسىلىنى تەتقىق قىلغان ۋە «ئالەم بوشلۇقى قەلىمى»نى كەشىپ قىلغان. رۇسىيە بولسا ھېچ ئىككىلەنمەيلا قېرىنداش قەلەم ئىشلىتىپ بۇ مەسىلىدىن قۇتۇلغان.

لېكىن بۇ ھەرگىزمۇ ئامېرىكىلىقلارنىڭ ئەخمەقلىقىنى چۈشەندۈرمەيدۇ. NASA ئاپوللو پىلانىدا بۇ ئېغىرلىق كۈچىگە قارشى قەلەمنى ياساپ چىققان. بۇ قەلەمنى ياساپ چىقىشقا نۇرغۇن مەبلەغ كەتكەن. ئىككى يىلدىن كېيىن ئالەم قاتنىشى ئىدارىسى مەزكۇر قەلەمنى رەسمىي ئىشلىتىشكە باشلىغان.

ئۇنداقتا ئامېرىكا نېمە ئۈچۈن قېرىنداش ئىشلەتمەيدۇ؟ ئەمەلىيەتتە يۇقىرىدا تىلغا ئالغان «ئۈچ ئەخمەق» فىلىمىدە، مۇدىرنىڭ قېرىنداش قەلەم ھەققىدە بەرگەن چۈشەندۈرۈشى ناھايىتى ئورۇنلۇق بولۇپ، خۇددى ئۇ ئېيتقاندەك قېرىنداشنىڭ قالدۇقى يەنىلا ئالەم ئايروپىلانى ئىچىدە لەيلەپ يۈرىدۇ. بۇ ئۇچقۇچىلارنىڭ كۆزىگە ۋە بۇرۇن، ئېغىز تۆشۈكلىرىگە كىرىپ، ھەرخىل ئويلىمىغان ۋەقەلەرنىڭ كېلىپ چىقىشىغا سەۋەب بولۇش بىلەن بىرگە، قېرىنداشنىڭ كېسىۋېتىلگەن ياغاچ قالدۇقلىرىنىڭ ھەتتا پارتلاش كەلتۈرۈپ چىقىرىش ئېھتىمالىمۇ يۇقىرى. شۇنىڭ ئۈچۈن كېيىنچە سوۋېت ئىتتىپاقىمۇ بۇ خىل ئالەم بوشلۇقى قەلىمىنى ئىشلەتكەن.

(تەھرىر : admin)

• دۇنيادىكى ئەڭ نېپىز يانفون بارلىققا كەل
• كورېيەدە شوپۇرسىز تاكسى بارلىققا كەلدى
• ئاندىرويىد سىستېمىسى ئەسلى سىفىرلىق كا
• غۇۋا ئىنىرگيە دىگەن نىمە؟
• دېھقان كەشپىياتچى
• ئامېرىكا تەتقىقاتچىلىرى تەقلىدىي قۇلاق
• دۇنيا بويىچە ئەڭ كىچىك تىك ئۇچار ئايروپ
• قورساقتىكى ھامىلىنىڭ 3D پىرىنتلىق مودىل
• شېۋىتسارىيە شىركىتى توك تارقىتالايدىغا
• بالىلارنىڭ سۇدا تۇنجۇقۇپ قېلىش خەۋپى با
• تۇلۇق ئوتتۇرا مەكتەپ ئوقۇغۇچىسى پەۋقۇل
• «سۈنئىي يۈرەك» سىلىنغان قوينىڭ ھايات تۇ
• تىك تۇرۇپ ئۇخلايدىغانلارنىڭ سىرلىق ئەس
• ياۋروپا ئالىملىرى ئادەم مېڭىسىنى كومپى
• ماناسلىق يىگىت غايەت زور موتىسىكىلىتنى
• سېفىرلىق ئۇچۇرلارنىمۇ DNA غا ساقلىغىلى ب