بىر تەرەپتىن يول مېڭىپ، يەنە بىر تەرەپتىن يانفون ئويناش نۇرغۇن كىشىلەرنىڭ ئادىتىگە ئايلىنىپ قالدى، ئەمما بۇنداق ئادەتنىڭ بەلگىلىك خەتىرى بار. ياپونىيە تاراتقۇسىنىڭ 6-دېكابىردىكى خەۋىرىگە ئاساسلانغاندا، ياپونىيەدىكى ئەڭ چوڭ كۆچمە ئالاقە تىجارىتى شىركىتى 5-دېكابىردىن باشلاپ ‹ماڭغاچ يانفون ئويناشنىڭ ئالدىنى ئېلىش› مۇلازىمىتى تەمىنلەپ، كىشىلەرگە يول ماڭغاندا يانفون ئوينىماسلىقنى ئەسكەرتىپ، كېلىشمەسلىك يۈز بېرىشىنىڭ ئالدىنى ئالغان.

خەۋەرگە ئاساسلانغاندا، ئەگەر سىز بىر تەرەپتىن يول مېڭىپ، يەنە بىر تەرەپتىن ئەقلىي ئىقتىدارلىق يانفونغا قارىسىڭىز، بۇ يېڭى ئىقتىدار سىزنىڭ يول مېڭىۋاتقانلىقىڭىزنى بىلىۋېلىپ، يانفوننىڭ ئېكرانىدا ئاگاھلاندۇرۇش كۆرۈنۈشى چىقىدىكەن. گەرچە ئويۇن قاتارلىق يۇمشاق دېتاللار داۋاملىق يۈرۈشىۋەرسىمۇ، ئەمما ئاگاھلاندۇرۇش كۆرۈنۈشى توسۇۋالغاچقا، مەشغۇلات قىلالماي قالىدىكەنسىز. ئەگەر سىز يول يۈرۈۋاتقاندا ئەقلىي ئىقتىدارلىق يانفوننى يانچۇقىڭىزغا سېلىپ قويسىڭىز ياكى قۇلىقىڭىزغا تۇتۇپ تېلېفون ئالسىڭىز، ئاگاھلاندۇرۇش كۆرۈنۈشى يوقاپ كېتىدىكەن. بۇ ئىقتىدارنى ئاندروئىدنىڭ 4.1 نەشرىدىن يۇقىرى نەشرى قاچىلانغان ئەقلىي ئىقتىدارلىق يانفونلاردا ئىشلەتكىلى بولىدىكەن.

خەۋەرگە ئاساسلانغاندا، بۇنىڭدىن ئىلگىرى ياپونىيەدە كىشىلەر بىر تەرەپتىن يول مېڭىپ، يەنە بىر تەرەپتىن يانفون ئويناش سەۋەبىدىن ئېھتىياتسىزلىق بېكەت سۇپىسىدىن چۈشۈپ كېتىش ياكى ۋېلىسپىتكە ئۈسۈۋېلىش ھادىسىلىرى يۈز بەرگەن. ئالاقىدار مۇتەخەسسىسلەرمۇ يول ماڭغاچ يانفون ئويناشنىڭ خەتىرىنى كۆرسىتىپ بەرگەن.

(تەھرىر : ئىزدەن)

• بوۋاقلار ئۈچۈن لايىھەلەنگەن iPad ئورۇندۇ
• ياپونىيەدە يول ماڭغاندا يانفون ئويناپ م
• 5G تېخنىكىسى ئالاقە ساھەسىدىكى يېڭى قىزى
• ئەر ئاياللارنىڭ مېڭە نېرۋىلىرى ئوخشىما
• WiFi سىگنالىنى ئۆتكۈزمەيدىغان تام قەغىزى
• يانفونغا ئىكرانى ئارقىلىق توك قاچىلاش
• نېمە ئۈچۈن ئىنسانلارلا گەپ قىلالايدۇ؟
• بېلەككە تاقىۋېلىنىدىغان ئەقلىيفون EmoPul
• ئەڭ بۇرۇنقى قۇلۇپ نەدە ئشلىتىلگەن؟
• ھاۋا تەڭشىگۈچ قانداق ئىجاد قىلىنغان؟
• ئەڭ بۇرۇنقى يۇقىرى بېسىملىق قازان
• دۇنيا بويىچە تۇنجى كىرئالغۇ
• گۇگېل شىركىتى تورداشلار بىلەن پاراڭلىش
• نوبېل مۇكاپاتى ۋە ئۇنڭىغا ئېرىشكەن بىئو
• ئەڭ ئىلغار ماشنا ئادەم ئالەم ئۇچقۇچىسى
• توك ئادەم