ئەرلەرنىڭ چوڭ مېڭە نېرۋا سىخېمىسى

ئاياللارنىڭ چوڭ مېڭە نېرۋا سىخېمىسى

چەتئەل تاراتقۇلىرى خەۋىرىگە قارىغاندا، ئامېرىكا ئالىملىرى يېقىندا 1000 نەپەر ئەر ئاياللارنىڭ مېڭىسىنى سكاننېرلاپ سىزىپ، مېڭە نېرۋىلىرىنىڭ ئۇلىنىش سخېمىسىنى شەكىللەندۈرگەن ھەمدە ئۇزۇندىن بۇيان تارقىلىپ يۈرگەن مۇنداق بىر سۆزنى دەلىللىگەن: ئەر ئاياللارنىڭ مېڭە نېرۋىسىدا كۆرۈنەرلىك پەرق بار.

تەتقىقات گۇرۇپپىسى سەككىز ياشتىن 22 ياشقىچە بولغان 428 نەپەر ئەر كىشى ۋە 521 نەپەر ئايال كىشىنىڭ چوڭ مېڭە نېرۋا ئۇلىنىش سخېمىسىنى سىزغان، سېكاننېرلىغان چوڭ مېڭە نېرۋىسىنىڭ قايتىش يول سخېمىسىدا كۆرسىتىلىشىچە، ئايال كىشىنىڭ سول مېڭىسى بىلەن ئوڭ مېڭىسى ناھايىتى ياخشى ئۇلانغان، ئەرلەرنىڭ بولسا ئالدى تەرەپ بىلەن كەينى تەرەپ ياخشى ئۇلانغان، سول ۋە ئوڭ تەرەپنىڭ ئەڭ ياخشى ئۇلانغان يېرى بولسا كىچىك مېڭە، بۇ دەل ئەرلەرنىڭ نېمە ئۈچۈن ھەرىكەت نېرۋىلىرىنىڭ بىر قەدەر ياخشى ئىكەنلىكىنى چۈشەندۈرۈپ بېرىشكە ئاساس بولالايدۇ.

پېنسىلۋانىيە ئۇنىۋېرسىتېتىنىڭ تەتقىقاتچىسى ۋېرما مۇنداق دېدى: بۇ قېتىملىق تەجرىبىدە ئادەمنى ئەڭ خۇشال قىلارلىق بايقاش شۇكى بۇرۇن كىشىلەر بايقىغان بىر خاسلىقنى قوللىدى، يەنى ئەرلەرنىڭ چوڭ مېڭىسى نۇرغۇنلىغان سېزىم ۋە ماسلاشتۇرۇش قىلمىشلىرىنى تاماملىيالايدۇ، ئاياللارنىڭ چوڭ مېڭىسى بولسا ئىجتىمائىي ئالاقە تېخنىكا ماھارەتلىرى ۋە ئەستە تۇتۇش ئىقتىدارىنى بىر تەرەپ قىلىشقا پايدىلىق، شۇنىڭ بىلەن بىر ۋاقىتتا يەنە خېلى كۆپ ئىشلارنى بىر تەرەپ قىلالايدۇ.

ۋېرما مۇنداق دەپ چۈشەنچە بەردى، چوڭ مېڭىنىڭ سول تەرىپى لوگىكىلىق تەپەككۇر قىلىشقا مەسئۇل، ئوڭ تەرىپى بولسا بىۋاسىتە سېزىم تەپەككۇرىگە مەسئۇل. ئەگەر مۇشۇ ئىككى تەرەپتىكى سېزىمغا چېتىلىدىغان خىزمەت بولۇپ قالسا، ئاياللارنىڭ چوڭ مېڭىسىنىڭ قايتىش نېرۋىلىرى بۇ خىزمەتنى تېخىمۇ ياخشى تاماملىيالايدۇ. «ئاياللارنىڭ بىۋاسىتە سېزىمى ناھايىتى سەزگۈر، ئەستە تۇتۇش ئىقتىدارى ياخشى. سۆزلەشكەن ۋاقىتتا ئاياللار كۆڭۈل قويۇپ ئاڭلايدۇ، پۈتۈن زېھنىنى يىغالايدۇ».

ئۇ تولۇقلاپ مۇنداق دېدى: بىزنىڭ بۇرۇنقى پەرىزىمىزگە تەجرىبە نەتىجىسىنىڭ شۇنداق ماس كەلگەنلىكىدىن بەك ھەيران قالدۇق. «ئەگەر مەن بىر ئاشپەز ياكى ساتىراش تاپماقچى بولسام، ئۇلارنىڭ سەككىز، توققۇز ئۆلۈشى چوقۇم ئەر كىشى».

بۇ چوڭ مېڭە سخېمىسى ئالىملارنى ئوخشىمىغان جىنسلار ، ئوخشىمىغان ياش پەرقى ئوتتۇرىسىدىكى ساغلاملىق ئەھۋالىنى تېخىمۇ ياخشى چۈشەندۈرەلەيدۇ. بۇ سخېما ئالىملارنىڭ مېڭە كېسىلى ۋە روھىي كېسەللىكنى داۋالىشىغا پايدىلىق.

(تەھرىر : سەپەر)

• 5G تېخنىكىسى ئالاقە ساھەسىدىكى يېڭى قىزى
• ئەر ئاياللارنىڭ مېڭە نېرۋىلىرى ئوخشىما
• WiFi سىگنالىنى ئۆتكۈزمەيدىغان تام قەغىزى
• يانفونغا ئىكرانى ئارقىلىق توك قاچىلاش
• نېمە ئۈچۈن ئىنسانلارلا گەپ قىلالايدۇ؟
• بېلەككە تاقىۋېلىنىدىغان ئەقلىيفون EmoPul
• ئەڭ بۇرۇنقى قۇلۇپ نەدە ئشلىتىلگەن؟
• ھاۋا تەڭشىگۈچ قانداق ئىجاد قىلىنغان؟
• ئەڭ بۇرۇنقى يۇقىرى بېسىملىق قازان
• دۇنيا بويىچە تۇنجى كىرئالغۇ
• گۇگېل شىركىتى تورداشلار بىلەن پاراڭلىش
• نوبېل مۇكاپاتى ۋە ئۇنڭىغا ئېرىشكەن بىئو
• ئەڭ ئىلغار ماشنا ئادەم ئالەم ئۇچقۇچىسى
• توك ئادەم
• ئىنسانلارنىڭ ئەقلىي ئىقتىدارى ئىزچىل ئ
• 3D نۇسخىلاش تېخنىكىسى شىنجاڭغا يېتىپ كەل