ئەنگلىيە تاراتقۇلىرىنىڭ يېقىندا خەۋەر قىلىشىچە، فىرانسىيەدىكى ياش پەن-تېخنىكا شىركىتى CARMAT تەتقىق قىلىپ ياسىغان سۈنئىي يۈرەك يېقىندا پارىژدىكى GeorgesPompidou ياۋروپا دوختۇرخانىسىدا بىمارنىڭ تېنىگە مۇۋەپپەقىيەتلىك كۆچۈرۈلگەن. ئوپېراتسىيەدىن كېيىن، 75 ياشلىق بىمار ئۆيىدىكىلەر بىلەن نورمال پاراڭلىشالىغان. بۇ دۇنيادىكى تۇنجى ئۆمۈرلۈك سۈنئىي يۈرەك كۆچۈرۈش ئوپېراتسىيەسى بولۇپ، يۈرەك كېسىلى ئېغىر نەچچە مىليونلىغان بىمارغا چەكسىز ئۈمىد بېغىشلىغان. سۈنئىي يۈرەك كۆچۈرۈش ئوپېراتسىيەسىنىڭ خىراجىتىمۇ ئانچە يۇقىرى ئەمەس ئىكەن، ئاران 140 ~ 180 مىڭ ياۋرو ئىكەن.

18-دېكابىر ئېلىپ بېرىلغان بۇ ئوپېراتسىيەدە بۇ سۈنئىي يۈرەكنىڭ لايىھەلىگۈچىسى، CARMAT شىركىتىنىڭ قۇرغۇچىلىرىنىڭ بىرى − دوختۇر Alain Carpentier پىچاق تۇتقان.

ئىگىلىنىشىچە، 75 ياشلىق بۇ ئەرگە سۈنئىي يۈرەك كۆچۈرۈلگەندىن كېيىن، فىرانسىيە زۇڭتۇڭى خوللاند بۇ داۋالاش ئەترىتىگە تەبرىكنامە ئەۋەتىپ، ئۇلاردىن پەخىرلىنىدىغانلىقىنى ئېيتقان.

دوختۇرAlain Carpentier