بوياق ماتېرىيالى باشقا ماتېرىياللارنىڭ رەڭگىنى تېخىمۇ قېنىق قىلىش ئۈچۈن ئىشلىتىلىدىغان رەڭگى ئوچۇق مۇرەككەپ ئورگانىك بىرىكمە بولۇپ، ئۇ توقۇلما بۇيۇم، قەغەز، خۇرۇم ۋە باشقا نۇرغۇن نەرسىلەرنى بۇياشقا ئىشلىتىلىدۇ. بۇياش جەريانىدا بوياق مولېكۇلىلىرى بويىلىدىغان ماتېرىياللارغا سىڭىدۇ ۋە ئەسلىدىكى بوياق ماتېرىياللىرىنى ئېرىتكۈچى سۇيۇقلۇقتىن چىقىرىۋېتەلمەيدۇ. بوياق ماتېرىياللىرى ئادەتتىكى كوكس مېيى ۋە نېفىت - خىمىيە سانائىتا مەھسۇلاتلىرىنىڭ بىرىكمىسىدىن ئايرىۋېلىنىدۇ. بوياش ھۈنەر سەنئىتى نەچچە مىڭ يىللىق تارىخقا ئىگە. قەدىمكى كىشىلەر ئىشلەتكەن ئاساسلىق بوياق ماتېرىياللىرى ئوردان ئۇرۇقدىشىغا تەۋە بىر خىل ئۆسۈملۈكنىڭ تەركىبىدىن ئايرىۋېلىنغان، بۇنىڭدىن باشقا، يەنە يۇمشاق تەنلىك ھايۋانلارنىڭ ئوكسىدلانغان ئاجراتمىلىرىدىن ئاجرىتىۋېلىنغان ترىئان بىنەپشە قىزىلمۇ بار. قەدىمكى زاماندا قوللىنىلغان بوياش ئۇسۇلى ئىچىدىكى نۇرغۇن ئۇسۇللار تا ھازىرغا قەدەر قوللىنىلماقتا. تىزاپ (بوياشقا ۋاسىتە بولغۇچى ماددا) دەپ ئاتىلىدىغان بىر خىل ئانئورگانىك خىمىيىلىك ماددا بۇنىڭ مىسالى بولالايدۇ. بۇ خىل ماددا ماتېرىيالىنى بوياشتىن ئاۋۋال ئىشلىتىلىپ، بوياق ماتېرىيالى ئېرىمەس مېتال تۇزى سۈپىتىدە ماتېرىيالغا قوندۇرۇلىدۇ ۋە بۇ خىل ئۇسۇل ئارقىلىق بوياق ماتېرىيالىنىڭ بويىلىدىغان ماتېرىيالىغا سېڭىشىگە ياردەم بېرىلىدۇ. بىرىنچى خىل بىرىكمە بوياق ماتېرىيالى ئانىلىن بىنەپشە رېڭى بولۇپ، ئۇنى 1856 - يىلى ئەنگلىيىلىك خىمىك W.H. پېركىن كەشىپ قىلغان، ئۇ بىر خىل كوكس مېيى تۇغۇندى ماددىسى رېئاكسىيىسىدە تاسادىپىي ئايرىۋېلىنغان مەھسۇلات ھېسابلىنىدۇ. 19 - ئەسىرنىڭ ئاخىرىدا چوڭ كۆلەملىك كوكس مېيى بوياق ماتېرىيالى سانائىتى گۈللىنىشكە باشلىدى.

زامانىۋى بىرىكمە بوياق ماتېرىيالىغا سېلىشتۇرغاندا تەبىئىي بوياق ماتېرىياللىرىدا نۇرغۇن مەسىلىلەر مەۋجۇت. ئۇلار ئۇزاققا بەرداشلىق بېرەلمەيدۇ، ئاپتاپتا قاقلانسا ئۆڭۈپ كېتىدۇ، يامغۇردا قالسا ئېرىپ كېتىدۇ. رەخت توقۇغۇچىلارنىڭ باشقىچە، بوياق ماتېرىياللىرىغا خىمىيىلىك دورىلار قوشۇلسا رەختنىڭ رەڭگى ئاسان ئۆڭۈپ كەتمەيدىكەن. بۇ خىل خىمىيىلىك دورا تىزاپ دەپ ئاتىلىدۇ.

(تەھرىر : سەپەر)

• كەلگۈسىنى ئالدىن پەرەز قىلالايدىغان تا
• ئەڭ بۇرۇنقى بوياق ماتېرىيالى
• دۇنيا بويىچە ئەڭ بۇرۇنقى كونسېرۋا يېمەك
• يانفوننى 3D لىق سىكانىرلاش ماشىنىسىغا ئا
• سامسۇڭ Galaxy S5 كە سۇدىن,چاڭ-توزا
• ئالىملار ئەقلىي ئىقتىدار بىل
• Mino ئەقلىي ئىقتىدارلىق بوۋاقلار كىيىمى ئ
• 2013-يىلدىكى ئون چوڭ ئالىم
• دۇنيادىكى تۇنجى سۈنئىي يۈرەك كۆچۈرۈش ئو
• شىنجاڭدىكى ئالىملار دۇنياۋىي قىيىن مەس
• بوۋاقلار ئۈچۈن لايىھەلەنگەن iPad ئورۇندۇ
• ياپونىيەدە يول ماڭغاندا يانفون ئويناپ م
• 5G تېخنىكىسى ئالاقە ساھەسىدىكى يېڭى قىزى
• ئەر ئاياللارنىڭ مېڭە نېرۋىلىرى ئوخشىما
• WiFi سىگنالىنى ئۆتكۈزمەيدىغان تام قەغىزى
• يانفونغا ئىكرانى ئارقىلىق توك قاچىلاش