ئالىملار ئەقلىي ئىقتىدار بىلەن مۇناسىۋەتلىك گېننى بېكىتتى

ئالىملار بۇرۇنلا ئادەمنىڭ ئەقىلى پەرقى بىلەن ئالاھىدە مۇناسىۋەتلىك گېننى بايقىغان, ئەمما كونكىرت قايسى گېن بىلەن مۇناسىۋەتلىكى ئېنىق بولمىغان. بىر خەلقئارالىق تەتقىقات گۇرۇپپىسى 11- فېۋرال ئېلان قىلغان دوكىلاتىدا , ئۇلار تۇنجى قېتىم بىر خىل گېننىڭ چوڭ مىڭە قەۋىتىنىڭ قېلىنلىقى ئارقىلىق ئەقلى ئىقتىدارغا تەسىر كۆرسىتىدىغانلىقىنى ئېيتقان.
ئەنگىلىيە, فىرانسىيە, گېرمانىيە قاتارلىق دۆلەتلەرنىڭ تەتقىقاتچىلىرى يېڭى بىر نۆۋەتلىك ئەنگىلىيەنىڭ «موكۇلار روھىي كىسەللەر ئىلىمىي» ژۇرنىلىدا تەتقىقات دوكىلاتىنى ئېلان قىلغان. ئۇلار 1583 نەپەر 14 ياشلىق پىدائىيلارنى تەتقىقات ئوبىيىكىتى قىلىپ, ئۇلارغا قارىتا DNA ئۈلگىسىنى ئانالىز قىلغان ۋە مىڭە قىسىمى يادرو ماگىنتىك رىزونانىسىنى تەسۋىر چۈشۈرگەن ھەم بىر قاتار ئەقلىق ئىقتىدارنى تەكشۈرۈش سىنىقى ئېلىپ بارغان. تەتقىقاتچىلار چوڭ مىڭىنىڭ يىتىلىشى 54 مىڭ خىل گېننىڭ ئۆزگىرىشى بىلەن مۇناسىۋەتلىك بولىشى مۇمكىن دەپ ئانالىز قىلغان. تەتقىقات نەتىجىسىدىن بايقىشىچە, بىر خىل ئالاھىدە گېننىڭ ئۆزگىرىشى مېڭىنىڭ سول تەرەپ يېرىم شارچىسى پەردىسىنىڭ بىرقەدەر نېپىز بولۇشىنى كەلتۈرۈپ چىقىرىدىكەن, ئەمما مۇناسىۋەتلىك بولغان پىدائىيلارنىڭ ئەقىلى ئىقتىدار سىناق نەتىجىسىمۇ نىسبىي ھالدا بىرقەدەر ناچار چىققان. تەتقىقاتچىلارنىڭ دىيىشىچە, بۇ خىل گېننىڭ ئۆزگىرىشى مىڭە نېرۋا ۋىنا ئۆسۈكچىسىنىڭ ئىلاستىكىلىقىنىڭ تەسىرى كۆرسىتىدۇ, ئاندىن كىيىن مىڭە پوستىلاق قەۋىتىدىكى كۈلرەڭ ماددىنىڭ مىقدارى ۋە قېلىنلىقى بىلەن مۇناسىۋەتلىك. بۇندىن ئىلگىرىكى تەتقىقاتلاردا كۆرسىتىلىشىچە, چوڭ مىڭە پوستىلاق قەۋىتىنىڭ قېلىنلىقى ئەستە تۇتۇش ئىقتىدارى, تىل ئىقتىدارى قاتارلىق ئەقلىي ئىقتىدار سەۋىيەسى بىلەن زىچ مۇناسىۋەتلىك بولىدىكەن.