تىخنىكا ۋە كەشپىيات-دۇنيا بويىچە ئەڭ بۇرۇنقى كونسېرۋا يېمەكلىكى

نۆۋەتتىكى ئورنىڭىز : باش بەت > ئوقۇتۇش بايلىقى > تىخنىكا ۋە كەشپىيات > تولۇق مەزمۇنى

دۇنيا بويىچە ئەڭ بۇرۇنقى كونسېرۋا يېمەكلىكى

ۋاقىت : 2014-02-25 21:38 | مەنبەسى : 未知 | ئاپتۇر : سەپەر | تەھرىر : سەپەر | كۆرۇلىشى : قېتىم

دۇنيا بويىچە ئەڭ بۇرۇنقى كونسېرۋا يېمەكلىكى

كىشىلەرنىڭ يېمەكلىكنى ساقلاپ يېيىشنى باشلىغىنىغا نەچچە مىڭ يىل بولدى، بېلىق ياكى كالا گۆشىگە ئوخشاش بەزى يېمەكلىكلەرنى تۇز سېپىپ ياكى قۇرۇتۇپ ساقلىغىلى بولىدۇ. بەزى ئاقسۆڭەك ئائىلىلىرىدە مۇز ئىسكىلاتا بار بولۇپ گۆش ۋە بېلىقلارنى ساقلىغان.

18-ئەسىرنىڭ 90 - يىللىرىدا ناپولېئون پونابا قوشۇنلىرى ياۋروپاغا يۈرۈش قىلغان. ئۇزۇن سەپەر جەريانىدا يېمەكلىكلەر ئاسان بۇزۇلۇپ قالىدىغان بولغاچقا، ھەربىي قوشۇندا دائىم تەمىنات ئۈزۈلۈپ قېلىش ئەھۋالى كۆرۈلگەن. شۇنىڭ بىلەن 1795 - يىلى ناپالېئون يېمەكلىكنى يېڭى پېتى ساقلاش ئۇسۇلى بىلەن تەمىنلىگۈچىلەرنى 12 مىڭ فرانك بىلەن مۇكاپاتلايدىغانلىقىنى ئېلان قىلدى.

پارىژدىكى قەنت-كېزەك سودىگىرى ۋە بولكا ئۇستىسى نىكۇلاي ئالبېرت بۇ خەۋەرنى ئاڭلىغاندىن كېيىن 14 يىل قايتا قيتا تەجرىبە قىلىش ئارقىلىق ئەڭ ئاخىرىدا قاينىتىپ پىشۇرۇلغان كۆكتاتقا ئوخشاش سۇيۇق ھالەتتىكى يېمەكلىك ۋە مالىناغا ئوخشاش ئۇششاق مېۋىلەرنى ھاراق قۇتىسىغا سېلىپ ئېغىزىنى ھىم ئېتىپ قايناق سۇدا قىزدۇرغاندا ئۇزۇن ۋاقىت ساقلىغىلى بولىدىغانلىقىنى بايقىغان.

فرانسىيە قۇرۇقلۇق ۋە دېڭىز ئارمىيىلىرى بۇ خىل ئۇسۇلدا ساقلانغان يېمەكلىكلەرنى ياقتۇرۇپ قالغان. نىكۇلاي ئالبېرت مۇكاپاتلانغان ۋە فرانسىيە قوراللىق قىسىملىرىنى قۇتىلىق شورپا ۋە كۆكتات بىلەن تەمىنلەش ھەققىدىكى چوڭ سوممىلىق توختامغا ئېرىشكەن. شۇنىڭدىن باشلاپ نىكۇلاي ئالبېرت ۋە ئۇ تەتقىق قىلىپ ياسىغان يېمەكلىك قاچىلانغان قۇتىلار پارىژنى زىل - زىلىگە كەلتۈرگەن، ئۇنىڭ يېمەكلىك قاچىلانغان قۇتىلىرى دۇنيا بويىچە ئەڭ بۇرۇنقى كونسېرۋا يېمەكلىكى ھېسابلىنىدۇ. كېيىن يوھان خول ۋە بلايىن دونكىن قاتارلىق ئىككى ئەنگلىيىلىك ئەينەك قۇتىنىڭ ئورنىغا نېپىز بىر قەۋەت قەلەي بىلەن قاپلانغان تۆمۈر قۇتا ئىشلىتىپ قۇتىدىكى ھاۋانىڭ چىقىپ كېتىشىدىن ساقلىنىش ئۈچۈن قۇتىنىڭ ئاغزىنى قەلەي بىلەن ھىملىغان.

(تەھرىر : سەپەر)

ئېسىلكەن

(0)

ناچاركەن

(0)