تىل-ئەدەبىيات تەتقىقاتى-باشلانغۇچ مەكتەپ تىل – ئەدەبىيات

نۆۋەتتىكى ئورنىڭىز : باش بەت > ئوقۇتۇش > ئوقۇتۇش تەتقىقاتى > تىل-ئەدەبىيات تەتقىقاتى > تولۇق مەزمۇنى

باشلانغۇچ مەكتەپ تىل – ئەدەبىيات

ۋاقىت : 2011-03-04 20:51 | مەنبەسى : | ئاپتۇر : كۆك بۆرە | تەھرىر : بەشتاش | كۆرۇلىشى : قېتىم

ئوقۇتقۇچى مەكتەپتە تەلىم – تەربىيە ۋە ئوقۇتۇش، تەربىيەلەش پائالىيىتى بىلەن شۇغۇللانغۇچى. ساپا مائارىپى ئوقۇتقۇچىلارنىڭ مائارىپ قارىشى ۋە ئوقۇغۇچى قارىشىنى ئۆزگەرتىشنى تەلەپ قىلغان بولسىمۇ، بىر قىسىم ئوقۇتقۇچىلار ھېلىغىچە ئۆزلىرىنىڭ كونا ئوقۇتۇش ئۇسلۇبىدىن ۋاز كېچەلمەي، يېڭى دەرس شارائىتىدا ئۆزى بىلگەن سەنەمگە دەسسەپ يۈرۈۋاتىدۇ.

يېڭى دەرس ئىسلاھاتىنىڭ ‹‹تىل – ئەدەبىيات دەرس ئۆلچىمى››دە ئېنىق قىلىپ: ‹‹ئوقۇغۇچى ئۆگىنىش ۋە تەرەققىياتنىڭ سۇبيېكتى››، دېيىلگەن. بۇنىڭدىن كۆرۈۋېلىشقا بولىدۇكى، ئوقۇتۇش پائالىيىتىدە ئوقۇتقۇچى تەشكىللىگۈچى، يېتەكچى ئورنىدا تۇرىدۇ، ئەمما بۇ ھەرگىزمۇ ‹‹ئوقۇتقۇچى مەركەز›› دېگەنلىك بولماستىن، بەلكى ئوقۇغۇچىلارنىڭ سۇبيېكتلىق ئورنىنى مۇئەييەنلەشتۈرۈش ئالدىنقى شەرتى ئاستىدا، ئەھۋالغا قاراپ ئىش كۆرۈپ، ئۇلارنى بىلىش ۋە تەرەققىيات يۆنىلىشىگە يېتەكلەش دېگەنلىكتۇر. ئوقۇغۇچى ئۆگىنىشنىڭ خوجايىنى بولۇپ، ئوقۇتۇش پائالىيىتىدە مۇستەقىل ئورۇنغا ۋە ناھايىتى زور بىلىش يوشۇرۇن ئىقتىدارىغا ئىگە ئەمەلىيەتتىن ئۆتكۈزگۈچىدۇر. بۇ، ئۇزاقتىن بۇيان داۋاملىشىپ كەلگەن ئوقۇتقۇچى، ئوقۇغۇچىلارغا ‹‹ھەقىقەتنى تەقدىم قىلىش››تەك ئەھۋالنى ئۆزگەرتىپ، ‹‹ھەقىقەتنى بايقاش›› ھوقۇقىنى ئۆتكۈزۈپ بېرىشتىن دېرەك بېرىدۇ.

مېنىڭچە، يېڭىدىن تۈزۈلگەن دەرس ئىسلاھاتىغا ماسلىشىش ئۈچۈن:

1 . ئوقۇغۇچى ئوقۇتقۇچىنىڭ تەشكىللىگۈچىلىكىنى، ئوقۇتقۇچىنىڭ يېتەكچىلىكىنى ئېسىدە ساقلىشى كېرەك.

2 . ئوقۇتقۇچى ئوقۇغۇچىلارنىڭ ئۆگىنىشتىكى ئاڭلىقلىقى ۋە تەشەببۇسكارلىقىنى قوزغىتىشى، ئوقۇتۇش مەزمۇنىنى تاللاپ، ئوقۇتۇش تەرتىپىنى ئورۇنلاشتۇرۇشى، ئوقۇتۇش ئۇسۇلىنى تەشكىللىشى، ئوقۇغۇچىلارغا بىلىمنى ۋە ئۆگىنىش ئۇسۇلىنى ئۆگىتىشى، بارلىق ئامال بىلەن ئۆگىنىشكە ئىلھاملاندۇرۇپ، ئۇلارنى ئۆگىنىشنىڭ خۇشاللىقىدىن بەھرىمەن قىلىشى كېرەك.

3 . ئوقۇتقۇچى ئوقۇغۇچىلارنى چۈشىنىشكە ماھىر بولۇپ، ئوقۇتۇشتا خاس ئۇسلۇب يارىتىشى، كەسىپنى، جۈملىدىن ئوقۇتۇش نەزەرىيەسىنى بېرىلىپ تەتقىق قىلىپ، دەرس ئۆلچىمى، دەرسلىك، ئوقۇغۇچىلارنىڭ ئاساسى ۋە ئېھتىياجى قاتارلىقلارنى چۈشەنگەن ئاساستا ئوقۇتۇش پائالىيىتى بىلەن بىرلەشتۈرۈشى، ئوقۇغۇچىلارنىڭ خوجايىنلىق ئورنىنى گەۋدىلەندۈرۈپ، ئۆزىنىڭ يېتەكچىلىك ئورنىنى پۇختا ئىگىلەپ، دورامچىلىقتىن ۋە فورمۇلىلاشتۇرۇپ قويۇشتىن ساقلىنىشى، خاس ئوقۇتۇش ئۇسلۇبىنى شەكىللەندۈرۈشى كېرەك.

شۇنداق قىلغاندىلا ھەم ئوقۇتقۇچىنىڭ يېتەكچىلىك، ئوقۇغۇچىنىڭ خوجايىنلىق ئورنىنى گەۋدىلەندۈرگىلى، ھەم ئوقۇتقۇچىنىڭ خوجايىنلىق ئورنىنى، شۇنداقلا ئوقۇتقۇچىنىڭ تەشكىللىگۈچىلىك، ئوقۇغۇچىلارنىڭ سۇبيېكتلىق رولنى جارى قىلدۇرغىلى، ئوقۇغۇچىلارنىڭ سۇبيېكتىپ پائالىيەتچانلىقىنى ئىشقا ئاشۇرۇپ، ئوقۇتۇش نىشانىغا يەتكىلى بولىدۇ.

(تەھرىر : بەشتاش)

ئېسىلكەن

(5)

100%

ناچاركەن

(0)