تىل-ئەدەبىيات دەرسىدە دەرسخانا ئۈنۈمىنى يۇقىرى كۆتۈرۈشنىڭ بىر قانچە ئۇسۇللىرى
 

  1.ئوقۇتقۇچىنىڭ دەرسكە بولغان تەييارلىقى ناھايىتى پۇختا بولۇشى كېرەك .   
 2.ئوقۇغۇچىلارنىڭ ئىزدىنىش روھىنى يېتىلدۈرۈش ئۈچۈن،ئۇلارنى دەرستىن بۇرۇن دەرس مەزمۇنىغا مۇناسىۋەتلىك ماتېرىياللارنى قابىلىيىتنىڭ يېتىشىچە جۇغلاپ كېلىشكە ئورۇنلاشتۇرۇشنىڭمۇ ئۈنۈمىگە سەل قاراشقا بولمايدۇ.
 3.ئوقۇتقۇچى دەرسخانا ئوقۇتۇش لايھىسىگە ئاساسەن يېڭى ھەم قىزىقارلىق بولغان شەكىللەرنى تاللاپ، ئۇنى زامانىۋى ئوقۇتۇش ئەسلىھەلىرى بىلەن بىر گەۋدە قىلىپ،دەرس مەزمۇنىنى ئوبرازلىق ئىپادىلەشكە ئەھمىيەت بېرىشىمىز كېرەك.
 4. ئوقۇغۇچىلار دەرسخانىنىڭ ھەقىقىي خوجايىنلىرىغا ئايلىنىشى كېرەك.بۇ دەل بىزنىڭ ئوقۇتۇشىمىزدا سەل قارىلىۋاتقان ۋە ئەمەلگە ئاشۇرۇش قىيىن بولۇۋاتقان مەسىلىلەرنىڭ بىرى.مېنىڭچە،دەرسخانىدا ئوقۇغۇچى پائالىيىتىنىڭ مۇقىم شەكلى بولمايدۇ.ئوقۇتقۇقۇچى دەرس مەزمۇنىغا ۋە دەرس سائىتىنىڭ ئەمەلىي ئەھۋالىغا بىرلەشتۈرۈپ، ئوقۇش، يېزىش،ئۆز ئارا سۇئال سوراش،مۇلاھىزە قىلدۇرۇش،تەسىرات سۆزلىتىش،رول ئالدۇرۇش،سۆز ئويۇنى.....قاتارلىق شەكىللەرنى مۇۋاپىق تاللاپ قوللانساق ،ئاخىرىدا ئۆز-ئارا باھالاش، كۆرگەزمە قىلىش ئارقىلىق ئۆگىنىش ھاسىلاتلىرىنى مۇستەھكەملىگىلى ۋە ۋە خوشال- خورام بولغان دەرسخانا كەيپىياتى ياراتقىلى بولىدۇ.
 5. تاپشۇرۇققا ئورۇنلاشتۇرغاندا بولسا مەزمۇن جەھەتتىن تەكرارلىنىپ تۇرىدىغان ،ئوقۇغۇچىلار ئىشلەشتىن زېرىكىپ قالىدىغان تاپشۇرۇقلارنى بېرىشنى ئازايتىش،ئوقۇغۇچىلارنىڭ قىزىقىشىنى قوزغايدىغان ،ئىزدىنىش روھىغا باي،ئىجادى پىكىر قىلىشنى ئىلگىرى سۈرىدىغان تاپشۇرۇقلارنى بېرىشكە يۈزلىنىشىمىز كېرەك.