◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

100يىلدىن كىيىنمۇ كارغا كېلىدىغان ئادەم
     يېقىندا ئەنگلىيدىكى بىر ئاخبارات ئورگىنى ئالدىنقى ئەسىرنىڭ باشلىرىدا تارقىتىلغان «خىزمەتچى قوبۇللاش ئېلانى» نى ئاشكارىلىۋىدى ، ئۇ ناھايىتى تېزلا چوڭ شىركەتلەرنىڭ «تۇتىيا»سىغا ئايلاندى . جۈملىدىن ئۇ شىركەتلەر خادىم قوبۇللاشتا ئاشۇ ئېلاندىن پايدىلاندى ، ھەتتا ئۇنى ئۆز پېتى ئۆرنەك قىلدى . بۇنىڭدىن 100يىل ئىلگىرىكى بۇ ئېلان مۇنداق يېزىلغان :
شىركىتىمىزگە تۆۋەندىكى شەرتلەرگە چۈشىدىغان ئوغۇل خىزمەتچىدىن بىرنى قوبۇللىماقچى :
يۈرۈش _ تۇرۇشى راۋۇرۇس ،گەپ سۆزلىرى جايىدا ، تىرناق ۋە قۇلاقلىرى پاكىز ،كەشى ئوبدان سۈرتۈلگەن ، ئۈستىۋېشى رەتلىك ، چېچى تارالغان ،چىشلىرى ياخشى ئاسرالغان بولسۇن.
سۆھبەتتە باشقىلارنىڭ گېپىنى زېھىن قويۇپ ئاڭلايدىغان ، چۈشىنەلمىگەن نۇقتىلارنى سوراپ بىلىۋالىدىغان ، ئەمما ئۆزىگە مۇناسىۋەتسىز ئىشلارنى كوچىلاپ يۈرمەيدىغان بولسۇن.
ھەرىكىتى چەبدەس ،ئەمما سىلىق بولسۇن .
كوچا _ كويلاردا ئەركىن ئازادە ، ئەمما خەپشۈكلەنگەن سورۇنلاردا تىۋىش چىقارمايدىغان بولسۇن .
روھلۇق _ خۇشھال يۇرىدىغان ، ئادەملەرگە ئىللىق چىراي بولسۇن .
باشقىلارغا ئەدەپ بىلەن مۇئامىلە قىلىدىغان ،ئايال زاتىنى ھۆرمەتلەيدىغان بولسۇن .
تاماكا چېكىش تۈگۈل ھەتتا خىيالىغا كەلتۈرۈپمۇ باقمايدىغان بولسۇن .
ئەبجەش تىلدا ئەمەس ،ساپ ئىنگلىز تىلىدا سۆزلەيدىغان بولسۇن .
ياماندىن قورقمايدىغان ، ياۋاشنى بوزەك ئەتمەيدىغان بولسۇن .
بىلمىسە " ئۇقمايدىكەنمەن"، سەۋەنلىك ئۆتكۈزۈپ قويغاندا " كەچۈرۈڭ " دەيدىغان بولسۇن .
بىرەر ئىشنى تاپىلىغاندا " چامىمنىڭ يېتىشىچە تىرىشاي " دەيدىغان بولسۇن .
گەپ قىلغاندا راستچىل _سەمىىي بولسۇن ، يالغانچى بولمىسۇن .
ئېسىل ئەسەرلەرنى ئوقۇشقا ھېرىسمەن بولسۇن .
بوش ۋاقىتلىرىنى ئويۇن _ تاماشا ، قىمارخانىلاردا ئەمەس ،تەنتەربىيە سارىيىدا ئۆتكۈزىدىغان بولسۇن .
ئاتىكاچىلىق قىلىپ باشقىلارنىڭ دىققىتىنى تارتىشقا ئىنتىلمەيدىغان بولسۇن .
مۇبادا خىزمىتىدىن ئايرىلىپ قالغان ياكى مەكتەپتىن ھەيدەلگەن بولسا ،يوشۇرمايدىغان بولسۇن .
قىزلار بىلەن باردى _ كەلدى قىلغاندا ئۆزىنى تۇتۇۋالالايدىغان بولسۇن .
ھەدىسىلا ئۆزىنى ئاقلايدىغان ، ئۆزىنىلا ئويلايدىغان ، ئۆز گېپىنى يورغىلىتىدىغان ئىللەتلەردىن خالىي بولسۇن .
ئانىسى بىلەن سىردىشالايدىغان ، ئەڭ يىقىن كىشىم دەپ بىلىدىغان بولسۇن .
كىشىلەرنىڭ كۆڭلىنى ئۇتالايدىغان ۋە كۆتۈرەلەيدىغان بولسۇن .
سەمىمىي ، راستچىل ، تەندۇرۇس ،خۇشخۇي ۋە سەزگۈر بولسۇن .
ئەمەلىيەتتە ، ھەرقانداق ئورۇنغا مانا مۇشۇنداق ئوغۇل بالا لازىم : ئائىلىمۇ ، مەكتەپمۇ ، ئىشخانىمۇ ، قىزلارمۇ..........ھەممە ئەنە شۇنداق ئادەمگە موھتاج. قىسقىسى ، 100 يىل بۇرۇنقىلار ئاشۇنداق ئادەمگە ئىنتىلگەنىكەن :ھالا 100يىلدىن كېيىنمۇ يەنىلا ئاشۇنداق ئادەمگە تەشنا بولماقتىمىز .