بەزى كونا ئاشقازان كېسىلى بارلار كۈندە ئۇماچ ئىچىشكە ئادەتلىنىپ كەتكەن، گەرچە ئۇماچ بىر قەدەر ئاسان ھەزىم بولسىمۇ ، بىراق ئۇنىڭ زىيىنى بار.
ئۇماچنى ئۇزاق قاينىتىپ تەييارلىغاندىن كېيىن، تەركىبىدىكى بىر قىسىم ئوزۇقلۇق ماددىلار يوقاپ كېتىدۇ، ئۇنىڭ ئۈستىگە ئۇماچنى چايناشنىڭ ھاجىتى بولمىغاچقا، شۆلگەي بېجىنىڭ ئاجرىلىپ چىقىشى ئاستىلايدۇ. يەنە ئۇماچنىڭ تەركىبىدە سۇ مىقدارى كۆپ بولغاچقا، ئاشقازان سۇيۇقلۇقىنى تېخىمۇ سۇيۇلدۇرىۋېتىدۇ، بۇنداق بولغاندا باشقا يېمەكلىكلەرنىڭ ھەزىم قىلىنىپ، بەدەنگە سۈمۈرۈلۈشىگە پايدىسىز بولىدۇ.
كۈتۈنۈشتە كونا، ئەنئەنىۋى ئۇسۇللارنى قوللىنىشقا بولمايدۇ. ئاشقازىنىئاغرىيدىغان كېسەللەرنىڭ ئۇماچ ئىچسە بولىدىغان -بولمايدىغانلىقى كېسەللىك ئەھۋالىغا قاراپ بېكىتىلىدۇ. ئاشقازان كىسلاتاسى كۆپ ئاجرىلىپ چىقىدىغان كىشلەر موما، چۆچۈرە قاتارلىق ئۇن تائاملىرىنى كۆپ يەپ بەرگەندە، ئاشقازان كىسلاتاسى تەڭشىلىپ، ئاشقازان كېسىلىنىڭ قوزغىلىش ئېھتىماللىقى تۆۋەنلەيدۇ.
