جىنسىي مۇناسىۋەت بىر ئائىلىدىكى ئەر-ئايال تەرەپكە كەم بولسا بولمايدىغان مۇھىم بىر مۇناسىۋەت . ئەر-ئايال تەرەپ جىنسىي مۇناسىۋەت ئارقىلىق تۇرمۇشىنى تېخىمۇ گۈزەللەشتۈرگىلى ، بىر-بىرىگە بولغان مۇھەببىتىنى تېخىمۇ چوڭقۇرلاشتۇرغىلى بولىدۇ . لېكىن ھەر قانداق ئىش چوقۇم نورمىلىق ، تەرتىپلىك بولۇشى كېرەك . بولمىسا ، كېسەللىك ، كۆڭۈلسىزلىكلەر كېلىپ چىقىپ ، ئاخىرىدا ئائىلە بۇزۇلۇش ئەھۋالىمۇ كېلىپ چىقىدۇ .
      جىنسىي تۇرمۇشنى ساغلام قىلىش ئۈچۈن چوقۇم تۆۋەندىكى بىر قانچە نۇقتىغا دىققەت قىلىش كېرەك :

    1.بەدەندىكى بىرەر جاي ئېغىر كېسەلگە مۇپتىلا بولغاندا ، جىنسىي تۇرمۇشقا ئۆزىنى ياكى قارشى تەرەپنى زورلىماسلىق كېرەك .

    2.چارچاپ كەتكەندە جىنسىي مۇناسىۋەت ئۆتكۈزمەسلىك كېرەك ، بولمىسا زىيادە چارچاش سەۋەبىدىن تەن ساغلاملىقىغا تەسىر يېتىدۇ .

    3.كەيپىيات ناچار ۋاقتىدا جىنسىي مۇناسىۋەت ئۆتكۈزۈشكە زورلىماسلىق كېرەك ، بولمىسا قارشى تەرەپكە ئۆچ بولۇشتەك تۇيغۇ پەيدا بولۇپ،  كېيىنكى جىنسىي تۇرمۇشقا تەسىر يېتىشى مۇمكىن.

   4.ئاياللار ئادەت كەلگەندە جىنسىي مۇناسىۋەت ئۆتكۈزمەسلىك كېرەك ، ئادەت كەلگەندە ، بالىياتقۇ ئېغىزى كېڭىيىپ ، ئىچكى پەردە سويۇلۇپ چۈشۈش ، قانغا تولۇش ، بەدىنى ئاجىز ئاياللار جىنسىي مۇناسىۋەت ئۆتكۈزسە ، ئادەت قالايمىقانلىشىش ، ئادەت ئاغرىش ياكى ئادەت كەلمەسلىكتەك كۆپ خىل ئاياللار كېسەللىكلىرىنى كەلتۈرۈپ چىقىرىشى مۇمكىن .

   5.ئاياللار ھاراق ئىچكەندە جىنسىي مۇناسىۋەت ئۆتكۈزمەسلىك كېرەك ، ئەگەر بۇنداق ۋاقىتتا ھامىلدار بولۇپ قالسا ، مەيلى چۈشۈرۋەتسۇن ياكى چۈشۈرۋەتمىسۇن ، ھەممىسى ئېغىر ئاقىۋەتنى كەلتۈرۈپ چىقىرىدۇ .

   6.تازىلىقى پاكىز بولمىغان جايدا جىنسىي مۇناسىۋەت ئۆتكۈزمەسلىك كېرەك ، باكتىرىيەلەر ئىككىلى تەرەپنىڭ بەدىنى ئىچىگە كىرىپ كېتىپ ، كېسەللىك كەلتۈرۈپ چىقىرىشى مۇمكىن .

  7.قاتتىق تويۇنغاندىن كېيىن ياكى ئاچ قالغاندا جىنسىي مۇناسىۋەت ئۆتكۈزمەسلىك كېرەك .

  8.روھىي جەھەتتە قاتتىق جىددىيلەشكەندە جىنسىي مۇناسىۋەت ئۆتكۈزمەسلىك كېرەك ، بولمىسا ئايال تەرەپنىڭ ئاغرىقىنى كۈچەيتىپ قويۇشى مۇمكىن .

  9.ئوپىراتسىيىدىن كېيىن جىنسىي مۇنسىۋەت ئۆتكۈزمەسلىك كېرەك ، دەسلەپكى ھامىلدارلىق مەزگىلىدە (12 ھەپتە ئىچىدىكى ۋاقىت كۆزدە تۇتۇلىدۇ) بالىنى چۈشۈرۋەتكەنلەر 1 ئاي جىنسىي مۇناسىۋەت ئۆتكۈزمەسلىك كېرەك ؛  ھامىلدارلىق ئوتتۇرا مەزگىلىدە ( ئوتتۇرىدىكى 16 ھەپتىنى ئۆز ئىچىگە ئالىدۇ) بالىنى چۈشۈرۋەتكەنلەر 1 يېرىم ئاي جىنسىي مۇناسىۋەت ئۆتكۈزمەسلىك كېرەك ؛ تۇغۇتتىن كېيىن 2 ئاي جىنسىي مۇناسىۋەت ئۆتكۈزمەسلىك كېرەك .