رېتسېپ : ئوڭدىسىغا تۈز يېتىپ ياكى ئۆرە تۇرۇپ كۆزنى يۇمۇپ ، ئىككى قولنى ئىككى يانغا يۈز قۇيۇپ ، نەپەسنى بۇرۇندىن سۈمۈرۈپ ، ئېغىزنى چوڭراق ئېچىپ تۇرۇپ ، نەپەسنى ئېغىز ئارقىلىق چىقىرىشنى 5 ~7 قېتىم داۋاملاشتۇرۇش ، ھاۋانى سۈمۈرگەندە قورساقنى ئىچىگە تارتىپ بېرىش كېرەك .
    رېتسېپ : تىزنى جۈپلەپ زوڭزىيىپ ئولتۇرۇپ ، ئىككى قول بىلەن تىز ئاستىنى قۇچاقلاپ ، ھاۋانى سۈمۈرۈپ ، كۆكرەكنى يوتىغا چاپلاشتۇرۇپ ، ئاندىن باشنىڭ پېشانە قىسمى تىزغا تەگكۈزۈلىدۇ . ئۇنىڭدىن كېيىن باشنى كۆتۈرۈپ نەپەس چىقىرىلىدۇ . بۇ ئۇسۇل 5 ~ 7 قېتىم تەكرار ئىشلىنىدۇ .
    رېتسېپ : ئاۋۋال نەپەسنى ئېغىزدىن چىقىرىپ ، ئاندىن ئىككى قولنىڭ ئالىقىنىنى تۆۋەنگە قارىتىپ ، ئاندىن بەدەننى ئارقىغا ئازراق ئېگىش بىلەن بىرگە بۇرۇندىن نەپەس ئېلىپ ، ئالدىغا ئېگىلىپ قول ئۇچى پۇتقا تەگكۈزۈلىدۇ . ئاندىن كېيىن بەدەننى رۇسلاپ ئارقىغا ئازراق ئېگىلىپ بولۇپ رۇسلىنىپ نەپەس ئاستا ئېغىزدىن چىقىرىلىدۇ . بۇ ئۇسۇل 5 ~ 7 قېتىم تەكرار ئىشلىنىدۇ .
    رولى : يۇقىرىقى ھەرىكەتنى ئۈزۈلدۈرمەي ھەركۈنى ئىككى قېتىمدىن ئىشلەپ بەرسە ، بۆرەكنى كۈچەيتىپ ، جىنسىي ئىقتىدارىنى ئەسلىگە كەلتۈرۈشتە ئۈنۈمى ناھايىتى چوڭ بولىدۇ .