بىر ئايالغا نىسبەتەن ، يولدىشى بەدىنى ساغلام بولۇپ ، جىنسىي تۇرمۇشى ئەزەلدىن سۈپەتلىك ياخشى بولۇۋاتقاندا ، توساتتىن بىر ئىككى قېتىم نورمال تۇرماسلىقى ، تولۇق قاتماسلىقتەك ئەھۋاللار كۆرۈلسە ئەر تەرەپ كۆڭلى يېرىم بولۇپ ، خۇددىي ئايالىغا يۈز كېلەلمىگەندەك بولۇپ  روھىي چۈشكۈنلىشىپ كېتىشى مۇمكىن .
     ئەمەلىيەتتە ئەرلەرگە نىسبەتەن جىنسىي مۇناسىۋەت ئۆتكۈزگەندە ، قېتىش تەسكە توختاشتەك ئەھۋال دائىم كۆرۈلۈپ تۇرىدۇ . بۇ قىسمەن كېسەللىكلەرنى ئېلىپ ئېيتمىغاندا ، بەزىدە قاتماسلىق ھەرگىزمۇ جىنسىي ئىقتىداردا مەسىلە بارلىقىنى بىلدۈرمەيدۇ . بۇلار بەلكىم ، ھاراقنى زىيادە ئىستېمال قىلىش ، كەيپىياتى نورمال بولماسلىق ۋە ياكى زىيادە چارچاپ كېتىش سەۋەبىدىن بولىدۇ .
    شۇڭلاشقا ، ئەرلەر بۇ مەسىلىگە توغرا چۈشەنچە بولۇشى ھەم قوبۇل قىلىشى كېرەك .بۇ سەۋەبىدىن قورقۇپ ، دەككە -دۈككە ئىچىدە ياشىمىسىمۇ بولىدۇ . ھەرگىزمۇ دىققەتنى جىنسىي مۇناسىۋەتتىن بەھرى ئېلىشتىن جىنسىي ئورۇن نورمال بولۇش - بولماسلىقى ، ئايالىنى قاندۇرالىغان - قاندۇرالمىغانلىقىدەك مەسىلىلەردىن ئەنسىرەشكە يۆتكىمەسلىك لازىم . بولمىسا تەتۈر ئۈنۈم پەيدا بولۇپ ، مەنى بالدۇر يۈرۈپ كېتىش ، قاتماسلىقتەك ئەھۋاللار كۆرۈلۈپ قېلىشى مۇمكىن .

     بۇنداق ۋاقىتلاردا ، ئايال تەرەپ تېخىمۇ مۇھىم رول ئوينايدۇ ، بۇنداق ئەھۋال يۈز بەرگەندە ، ھەرگىزمۇ يولدىشىڭىزنى مەسخىرە قىلىش ياكى ئەيىبلەش بولماستىن بەلكى يولدىشىڭىزغا مەدەت بېرىپ ، غەمخورلۇق قىلىپ روھىي جەھەتتىكى بېسىمىنى يىنىكلىتىشىڭىز كېرەك . چۈنكى بۇنداق چاغدا ، ئەر تەرەپنى مەسخىرە مازاق قىلسڭىز ، ئەرلەرگە نىسبەتەن بۇ بىر ناھايىتى زور زەربە بولۇپ ، يۇقارىقى ئەھۋاللار تېخىمۇ ئېغىرلاپ كېتىشى مۇمكىن .

   شۇڭلاشقا ئايال تەرەپ ئەر تەرەپكە كۆيۈنۈشى ، ئەر تەرەپكە ياردەم قىلىپ ۋاقىتلىق كۆرۈلگەن بۇمەسىلىلەرنى بىرلىكتە ھەل قىلىپ ، ئۆتكەلدىن بىرلىكتە ئۆتۈشى كېرەك .