ئورۇقلاش ناھايىتى جاپالىق جەريان ، بۇ جەريان قىزلاردىن قاتتىق ئىرادە ۋە غەيرەت تەلەپ قىلىدۇ . ئۇنداقتا ، بۇ ئۆتكەلدىن قانداق قىلغاندا ئوڭۇشلۇق ئۆتكىلى بولىدۇ ؟ ئورۇقلاۋاتقان ھەم ئورۇقلاشنى ئويلاۋاتقان قىزلار تۆۋەندىكىلەرنى سىناپ باقسا بولىدۇ :
    1. ھەر كۈنى ئاز - ئازدىن ، بەش - ئالتە ۋاخ تاماق يەڭ . بۇنداق بولغاندا ، شېكەر ماددىڭىز يۇقىرىلاپ كېتىشىدىن ھەمدە قورسىقىڭىزنىڭ بەك ئېچىپ كېتىشىدىن ساقلانغىلى بولىدۇ .
    2. كۆپرەك سۇ ئىچىپ بېرىڭ ، ئەڭ ياخشىسى ھەر قېتىم تاماقتىن بۇرۇن سۇ ئىچىش ئادىتىنى يېتىلدۈرۈڭ .
    3. ناشتىدىن بۇرۇن ھەرىكەت قىلىپ بېرىڭ .
    4. ھەر كۈنى 30 مىنۇت ئاستا يۈگۈرۈڭ .
    5. كەچلىك تاماقتىن كېيىن سەيلە قىلىڭ .
    6. ئىچىڭىز پۇشقان ۋاقىتلاردا بىر نەرسە يېمەڭ .
    7. ساياھەتكە چىققان ۋاقىتتا تۇخۇم دېگەندەك ئاقسىل تۈرىدىكى يېمەكلىكلەرنى ئېلىۋېلىڭ .
    8. كۆكتاتلارنى كۆپ يەپ بېرىڭ .
    9.ئورۇقلىتىش توغرىسىدىكى ئېلانلارغا ئىشىنىپ كەتمەڭ .
    10. قورسىقىڭىز ئاچقاندا نەرسە - كېرەك سېتىۋالماڭ .
    11. ئولتۇرۇشلاردا كۆپ نەرسە يەۋېلىشتىن ، ھاراق ئىچىشتىن ساقلىنىڭ .
    12. تاماقنى بەك تېز يەۋەتمەڭ .
    13. ئۆزىڭىز تاماق ئېتىڭ ، ئەمما ياغ تەركىبى يۇقىرى تاماقلارنى ئەتمەڭ .
    14. ناشتىغا سەل قارىماڭ، ياخشى ناشتا قىلىڭ .
    15. شېكەر تەركىبى يوق ئىچىملىكلەرنى ئىچىڭ .
    16. بىر جايدا بەك ئۇزۇن ئولتۇرۇۋەتمەڭ .
    17. بىر ھەپتىدە بىر قېتىم ئۆزىڭىز ئەڭ ئامراق نەرسىلەرنى يەپ قويۇڭ .
    18. تېز ئورۇقلاش خىيالىدا بولماڭ .
    19. سىزگە ئوخشاش ئورۇقلاۋاتقان بىرەر دوستىڭىز بىلەن پىكىر ئالماشتۇرۇڭ .
    20. ئورۇقلىغاندىن كېيىنكى كۈنلىرىڭىزنى تەسەۋۋۇر قىلىپ تۇرۇڭ . بۇنىڭ ئىرادىڭىزنى چىڭىتىشتا رولى چوڭ .