يۈرەك، مېڭە قان تومۇر كېسىلى بارلار، يۇقىرى قان بېسىم كېسىلى بارلار، سوزۇلما خاراكتېرلىك كاناي ياللۇغى، ئۆپكە مەنبەلىك يۈرەك كېسىلى، ئۆپكە تۇبېركۇليوز كېسىلىگە گىرىپتار بولغانلار مۇچنى ئىستېمال قىلماسلىقى كېرەك، چۈنكى مۇچ يۈرەكنىڭ رىتىمىنى تېزلىتىۋېتىپ، كېسەلنى ئېغىرلاشتۇرۇۋېتىدۇ.
سوزۇلما خاراكتېرلىك ئاشقازان ياللۇغى، ئاشقازان يارىسى، قىزىلئۆڭگەچ ياللۇغى قاتارلىق كېسەلگە گىرىپتار بولغانلار مۇچنى ئىستېمال قىلسا بولمايدۇ، چۈنكى مۇچ سۇلۇق ئىششىق، شەلۋەرەشنى كۈچەيتىۋېتىپلا قالماي، ئاشقازان - ئۈچەينىڭ ھەرىكىتىنى تېزلىتىپ، قورساق ئاغرىش، ئىچ سۈرۈش پەيدا قىلىدۇ.
      سوزۇلما خاراكتېرلىك ئۆت ياللۇغىغا گىرىپتار بولغانلار، ئۆتىدە تاش بارلار، ئاشقازان ئاستى بېزى ياللۇغى بارلار مۇچنى ئىستېمال قىلسا بولمايدۇ. چۈنكى مۇچ ئاشقازان ۋە ئۆتنىڭ خىزمىتىگە تەسىر يەتكۈزىدۇ. بوۋاسىر كېسىلى بارلارمۇ مۇچنى ئىستېمال قىلىشقا بولمايدۇ، چۈنكى مۇچ يىرىڭلىق ئىشىقنى پەيدا قىلىپ، كېسەلنى تېخىمۇ ئېغىرلىتىۋېتىدۇ. كۆز كېسەللىرىمۇ مۇچنى ئىستېمال قىلماسلىقى كېرەك، مۇچ كۆز كېسىلىنى ئېغىرلاشتۇرۇۋېتىدۇ. تۇغۇتلۇق ئاياللار ۋە ھامىلىدارلار مۇچنى ئىستېمال قىلسا بولمايدۇ. بۆرەك كېسەللەرمۇ مۇچنى ئىستېمال قىلسا تېخىمۇ بولمايدۇ، چۈنكى مۇچ بۆرەكنىڭ ئىقتىدارىنى ئاجىزلىتىۋېتىدۇ. تېرە ياللۇغى بارلار مۇچنى ئىستېمال قىلماسلىقى كېرەك. ئۇنىڭدىن باشقا، ئورۇقلار، جۇڭيى دورىسى بىلەن داۋالىنىۋاتقانلار مۇچنى قەتئىي ئىستېمال قىلىشقا بولمايدۇ.