* چىرايلىقلىق پەيدا قىلىدىغان ھەددىدىن زىيادە ئەۋزەللىك تۇيغۇسى .
بىزدە چىرايلىقنىڭ تەلىيى تەتۈر ، دەيدىغان گەپ بار . تالانت نۇقتىسىدىن ئېيتقاندا ، چىرايلىق ئاياللارنىڭ تالانت ئېگىسىگە ئايلىنىش نىسبىتى ھەقىقەتەن تۆۋەن . ( سەنئەت ساھەسىدە بار دىيىشكە بولىدۇ ) .
پىسخىك نوقتىدىن قارىغاندا ، ئەرلەر ۋە ئاياللارنىڭ مۇۋەپپەقىيەت تەلىپى ئوخشىمايدۇ . ئەرلەرنىڭ مۇۋەپپەقىيەتنى قوغلىشىشىنى قوزغىتىدىغان پىسخىك ھالقا « رىقابەت » ، ئاياللارنىڭ ھەرىكەتلەندۈرگۈچ كۈچى بولسا « جەمئىيەتنىڭ قوبۇل قىلىشى » . ئەمما ، بەزى چىرايلىق ئاياللار ئۆزىنى تۇغۇلىشىدىنلا جەمئىيەتنىڭ قوبۇل قىلىشىغا ئېرىشىدىغان بايلىققا ئىگە ، يەنە كۈچەپ « رىقابەتلىشىش » نىڭ ھاجىتى يوق ، دەپ قاراپ ئالغا ئىلگىرلەشنى ئويلىمايدۇ .
* مۇۋەپپەقىيەتنىڭ مۇھەببەتنىڭ ئورنىنى ئىگىلىۋېلىشىدىن قورقۇش .
جەمئىيەتتە مۇنداق بىر ھادىسە بار ، ئاياللارنىڭ ئوقۇش تارىخى قانچە يۇقىرى بولغانسېرى لايىق تاپمىقى شۇنچە تەس . بىر جەھەتتە مۇۋەپپەقىيەت قازانغان ئاياللار ئەرلىرىنىڭ ئۆزىدىن تۆۋەن تۇرمۇشىنى كۆڭلىگە سىغدۇرالمايدۇ ؛ يەنە بىر جەھەتتىن نۇرغۇن كۆڭۈلدىكىدەك ئەرلەرمۇ ئاسانلىقچە بۇنداقلارنى ئىزدىمەيدۇ ، « كۈچلۈك ئايال » لارنى ياقتۇرمايدۇ .
شۇڭلاشقا ، نۇرغۇن ئاياللار مۇۋەپپەقىيەت قازانسا جەمئىيەتنىڭ چەتكە قېقىشىغا ئۇچراپلا قالماستىن ، يەنە بۇ مۇۋەپپەقىيەت ئەر - ئاياللار ئوتتۇرىسىدىكى مۇھەببەتنىمۇ ئېلىپ كېتىدۇ ، دەپ ئىشىنىدۇ .
* رىقابەتلىشىش ئارزۇسى كەمچىل بولۇش .
مۇۋەپپەقىيەت قازىنىشنىڭ ئامىللىرى ئىچىدە رىقابەتلىشىش ئېڭىنىڭ مۇھىملىقى ھەرگىزمۇ ئىقتىدارنىڭ مۇھىملىقىدىن تۆۋەن تۇرمايدۇ . ئەپسۇسلىنارلىقى ، ئاياللار پىسخىك جەھەتتە دائىم ئۆزىنى باشقىلارغا يەتمەيمەن ، دەپ قاراش بىلەن بىللە ، رىقابەتكە تايىنىپ ئۆز ئارزۇسىغا يېتىشنى خالىمايدۇ . دائىملا _ « ئەگەر مەن پالانچىدەك بولغان بولسام قانداق ياخشى بولاتتى ~ ھە » دېيىش بىلەن ئۆزىگە تەسەللىي بېرىدۇ .
* باشقا ئاياللارغا ھەسەت قىلىش پىسخىكىسى .
ئاياللار باشقىلار بىلەن رىقابەتلىشىشنى خالىمىغان بىلەن ، مۇھەببەتتە ۋە باشقا ئاياللارغا بولغان مۇئامىلىدە « رىقابەت ئېڭى » تولۇپ تاشقان بولىدۇ . ئەپسۇسلىنارلىقى بۇ خىل رىقابەت ئۇلاردىكى ئەۋزەللىكنى يوقۇتۇپ قويىدۇ . بەزى ئاياللارنىڭ يېتەرسىزلىكى دەل ئۇنىڭ ھەددىدىن زىيادە ھەسەتخورلۇقى ، ئۆزىدىكى پايدىلىق ئامىللانى تەڭشەشكە ماھىر بولمىغانلىقى ، رىقابەتلىشىشكە تېگىشلىك بولمىغان ئوبيېكىتلار بىلەن قارغۇلارچە رىقابەتلىشىپ ، ئاخىرىدا ئوڭۇشلۇق ۋەزىيەتنى قولدىن بېرىپ قويغانلىقىدا .
