ئەرلەر 40 ياشقا كىرگەندە، قېرىشنىڭ ئالامەتلىرى كۆرۈلۈشكە باشلايدۇ، ئەگەر تۆۋەندىكىدەك ئالامەتلەر كۆرۈلسە ھۇشيار بولۇش كېرەك.
تاقىر بولۇپ قېلىش: ئەگەر 10 نەچچە ياش ۋاقتىدا چاچ چۈشۈشكە باشلىسا، بۇ 30 نەچچە ياش ۋاقتىدا چاچ شالاڭلىشىشقا باشلىسا، 50 نەچچە ياشقا بارغاندا تاقىر باش بولۇپ قېلىشتىن بىشارەت. چاچ چۈشۈش ئاۋال پىشانىنىڭ ئۈستىنكى 2 تەرىپىدە باشلىنىپ ئاندىن چوققىغا قاراپ ماڭىدۇ.
قوش ئىڭەك بولۇپ قېلىش: ئادەتتە ئورۇق ئەرلەر قوش ئىڭەك بولۇپ قالمايدۇ. لېكىن يۇمىلاق يۈزلۈك ياكى يۈزى گۆشلۈك ئەرلەر شۇنداقلا ئېغىرلىقى بىراقلا تۆۋەنلەپ كەتكەن ئەرلەر ئوڭايلا قوش ئىڭەك بولۇپ قالىدۇ. بۇ خىل ئالامەت 40 ياشتىن كېيىن كۆرۈلۈشكە باشلايدۇ.
كۆز چانىقى خالتىلىشىش: ئەگەر 25 ياشتىن ئىلگىرى كۆز چانىقى خالتىلاشمىسا بۇ ئېرسىيەتنىڭ تەسىرى ئەمەسلىكىدىن دېرەك بېرىدۇ. لېكىن 50 ياشتىن ئاشقاندا ھەر قانداق ئەر كىشى بۇنىڭدىن قېچىپ قۇتۇلالمايدۇ.
تۈك بېسىپ كېتىش: ئەرلەر يېشىنىڭ چوڭيىشىغا ئەگىشىپ، بۇرۇن تۈكى، قېشى ۋە قۇلاق تۈكلىرى ئۆسۈپ ھەم قويۇقلىشىپ كېتىدۇ.
قاپىقى بوشىشىپ كېتىش: ئەگەر كۆزى كىچىك، قاپىقى پەس بولسا، 50 ياشتىن ئاشقاندا بۇ خىل ئالامەتلەر ئوڭايلا كۆرۈلۈشكە باشلايدۇ.
