ئامېرىكىنىڭ ئەڭ يېڭى تەتقىقاتىدا كۆرسىتىلىشچە،دائىم قەھۋە ئىچىپ بېرىش بويۇن راكى بولۇپ قېلىشنىڭ خەتىرىنى تۆۋەنلىتىدىكەن.
بويۇن راكى ئاساسەن ئېغىز بوشلۇقى راكى ،بۇرۇن راكى ،بۇرۇن كاۋاكلىرى راكى ،شۆلگەي بېزى راكى ۋە لىمفا راكىنى ئۆزئىچىگە ئالىدۇ . ئامېرىكا يۇتا شىتاتى ئونۋېرسىتىتىنىڭ تەتقىقاتچىسى ژورنالدا ئېلان قىلىپ ، ئۇلار خەلقئارالىق بويۇن راكى يۇقۇملۇق كېسەللىكلىرى ئىلمى بىرلەشمىسى تەمىنلىگەن 9 تۈرلۈك تەتقىقات نەتىجىسىنى ئانالىز قىلىش ئارقىلىق ،دائىم قەھۋە ئىچىدىغان ئادەملەرنىڭ ئېغىز بوشلۇقى راكى بىلەن كاناي راكىغا گىرىپتار بولۇش نىسبىتى دائىم قەھۋە ئىچمەيدىغان ئادەملەردىن %39 تۆۋەن بولىدىغانلىقىنى بايقىغان. ئەگەر ھەر كۈنى تۆت ئىستاكاندىن جىق قەھۋە ئىچىپ بەرسە ئۈنۈمى تېخىمۇ ياخشى بولىدىكەن .
تەتقىقاتچى چۈشەندۈرۈپ : قەھۋەنىڭ تەركىبىدىكى ئوكسىدلارغا قارشى ماددا قاتارلىق كۆپ خىل خىمىيلىك ماددىلار نىڭ راكقا قارشى تۇرۇش رولىنىڭ بولغانلىقى سەۋەبىدىندۇر ،لېكىن راكقا قارشى تۇرۇش مېخانىزىمىنى تەپسىلىي ئىگەللەش ئۈچۈن يەنىمۇ چوڭقۇر تەتقىق قىلىشقا توغرا كېلىدۇ ،دېدى.
ئىلگىرى ئامېرىكا بىلەن ئەنگىلىيەنىڭ تەتقىقاتلىرىمۇ ،قەھۋە ئېچىپ بېرىش مەزى بېزى راكى ،نېرۋا يىلىم ماددىسى ئۆسمىسى ۋە نېرۋا ئۆسمىسىگە گىرىپتار بولۇشنىڭ خەتىرىنى تۆۋەنلىتىدىغانلىقىنى كۆرسەتكەن .
