كۆپىنچە ئاتا - ئانا تاتلىق يېمەكلىكلەرنى ھەدىدىن زىيادە ياخشى كۆرىدىغان بالىلىرىنى ئالدىدا ئامالسىز قالىدۇ . ئامېرىكا ئالىملىرىنىڭ بىر تۈرلۈك تەتقىقاتىدا كۆرسىتىلىشچە ، تاتلىق يېمەكلىكلەرگە ۋە قەنت تەركىبلىك ئىچىملىكلەرگە ئامراق ئۆسمۈرلەرنىڭ ئۆسۈشى ئوخشاش ياشتىكى باشقا بالىلارغا سېلىشتۇرغاندا بىر قەدەر تېز بولىدىكەن .
بۇنىڭ سەۋەبى ، بەدەن تېز ئۆسۈش ھالىتىدە تۇرغاندا ، ئىسسىقلىق ئېنېرگىيىسىگە بولغان ئېھتىياج تېخىمۇ ئاشىدىكەن . قەنت مىقدارى يۇقىرى يېمەكلىك ۋە ئىچىملىكلەر ئېنېرگىيە مەنبەسىگە ئايلىنىپ ، ئۆسۈشتىكى فىزىئولوگىيىلىك ئېھتىياجنى قامدايدىكەن . ياشنىڭ ئارتىشىغا ئەگىشىپ ، سۆڭەكنىڭ ئۆسۈشىدىن دېرەك بېرىدىغان خىمىيىۋى ماددىلار تەدرىجى ئاجىزلايدىغان بولغاچقا ، بالىلارنىڭ تاتلىق يېمەكلىك ۋە ئىچىملىكلەرگە بولغان <<خۇمارى>> مۇ تەدرىجى بېسىلىدىكەن . شۇڭا ئاتا - ئانىلارنىڭ ئارتۇقچە ئەنسىرىشىنىڭ ھاجىتى يوق ئىكەن .
