شىنخۇا ئاگېنتلىقى،موسكىۋا،11-فېۋرال تېلېگراممىسى: روسىيە ئاگېنتلىقى تۈنۈگۈن ئېلان قىلغان خەۋەردە مۇنداق دېيىلدى: ئالىملار «ئۇچار تەخسە» گە ئوخشايدىغان بىر خىل ئۇچقۇنى تەتقىق قىلىپ ياساشقا كىرىشتى، بۇ خىل ئۇچقۇ ئوڭۇشلۇق ياسالسا ۋە ئىشقا كىرىشتۈرۈلسە، روسىيە ھاۋا ئارمىيىسىنىڭ جەڭگىۋارلىقى، ھاۋا ترانسپورت ۋە ھاۋا ھۇجۇمى قىلىش كۈچى زور دەرىجىدە ئاشىدۇ.

   خەۋەردە يەنە مۇنداق دېيىلدى: بۇ ئۆزگىچە ئۇچقۇ كىشىگە باشقا پلانېت ئادىمىنىڭ «ئۇچار تەخسە» سىنى ئەسلىتىدۇ. ئۇنىڭ دىئامېتىرى 250 مېتىر، ئېگىزلىكى 100 مېتىر بولىدىكەن، 1500 توننا يۈك كۆتۈرەلەيدىكەن؛ ئۇ تىك ئۇچۇپ، ھەرقانداق جايغا تىك قونالايدىكەن؛ چۆگلىيەلەيدىكەن، بوشلۇقتا مۇئەللەق تۇرالايدىكەن.