ھامىلدارلىقتىن ساقلىنىش دورىلىرىنى ئىشلىتىشتە دىققەت قىلىشقا تېگىشلىك ئىشلار
ھامىلدارلىقتىن ساقلىنىش دورىلىرىنى ھۆل قولدا تۇتۇشتىن ساقلىنىش كېرەك. چۈنكى بۇ خىل دورىلارنىڭ كۆپ قىسمى شېكەر يالىتىلغان تابلېتلار بولۇپ، دورا سىرتى ھۆللۈك، نەملىك بىلەن ئۇچراشسا دورىنىڭ ئۈنۈمىگە تەسىر يېتىدۇ. ئۇنىڭدىن باشقا، دورىنى قۇرۇق، قاراڭغۇ جايدا ھەم قوڭۇر رەڭلىك قۇتىدا ساقلاش كېرەك.
دورىنى چوقۇم كۆرسىتىلگەن مىقدارى بويىچە ۋاقتى قەرەلىدە ئىچىشكە ئەھمىيەت بېرىش كېرەك. بۇنىڭغا دىققەت قىلمىسا دورىنىڭ ئۈنۈمىنى تولۇق كۆرگىلى بولمايدۇ.
ھامىلدارلىقتىن ساقلىنىش دورىلىرىنى باربىتال، بوتازۇل، نېئومىتسىن، ئامپىتسىللىن، ئىنزولىن قاتارلىق دورىلار بىلەن بىر ۋاقىتتا ئىستېمال قىلماسلىق كېرەك. چۈنكى، بۇ خىل دورىلار ھامىلدارلىقتىن ساقلىنىش دورىلىرىنىڭ ئۈنۈمىنى تۆۋەنلىتىۋېتىدۇ ياكى يوقىتىدۇ.
ئۆتكۈر ۋە سوزۇلما جىگەر كېسەللىكى، بۆرەك كېسەللىكى، قالقانسىمان بەز خىزمىتى ئېشىپ كېتىش كېسەللىكى، يۈرەك زەئىپلىشىش كېسەللىكى، ئۆپكە مەنبەلىك يۈرەك كېسەللىكى، مېڭە قان تومۇرلار قېتىشىش كېسەللىكى قاتارلىقلارغا گىرىپتار بولغانلار ھامىلدارلىقتىن ساقلىنىش دورىلىرىنى ئىشلەتمەسلىك، ھامىلدارلىقتىن ساقلىنىشقا توغرا كەلسە دورا ئىشلەتمەي باشقا ئۇسۇللارنى قوللىنىش كېرەك. ئەگەر دىققەت قىلمىسا ھامىلدارلىقنى ساقلىنىش دورىلىرى يۇقىرىقىدەك كېسەللىكلەرنى ئېغىرلاشتۇرۇۋېتىدۇ.
