ئاقيول تورىنىڭ خەۋىرى:
شىنخۇا ئاگېنىتلىقى :
پەلەستىننىڭ غەززەدىكى Stay Stylish ئەتىر شىركىتى يېڭىدىن ياساپ چىققان ئەتىرگە " M75 " ئىسىم قويدى . بۇ ئەتىر ئاياللار ئىشلىتىدىغان ۋە ئەرلەر ئىشلىتىدىغان ئىككى خىل بولۇپ ، شىركەتنىڭ دىرىكتورى ئەتىرنىڭ ئىسمى توغرىسىدا توختالغاندا مۇنداق دىدى :" M75 غەززەدىكى خوشاللىق ھەم مۇۋاپىقىيەتنىڭ سىموۋولى ، بۇ ئەتىر خوشاللىقنى ئىپادىلەشنىڭ بىر خىل ئۇسۇلى "
" M75 " غەززەدىكى ئىسلام قارشىلىق ھەركىتى ( خاماس ) قۇراللىق كۈچىلىرىنىڭ بىر خىل يىراق مۇساپىلىق راكېتا بومبىسى بولۇپ ، ئېتىلىش مۇساپىسى 75 كىلومىتىر ، " M75 " خاماسنىڭ پەلەستىن خەلقىگە ئۆزىنىڭ كۈچىنى نامايەن قىلىدىغان ھەربىي ئىشلاردىكى مۇھىم قۇرالىنىڭ سىموۋولى بولۇپ قالغان . 11- ئايدىكى تۇقۇنۇشتا ، خاماس غەززەدە ئىسرائىلىيەنىڭ Tel Aviv ۋە يىرۇسالىم قاتارلىق شەھەرلىرىگە بۇ خىل راكېتا بومبىنى ئاتقان ، بىراق پەلەستىن خەلقنىڭ قازا قىلغان ئادەم سانى ، ئىسرائىلىيەنىڭ قازا قىلغان ئادەم سانىدىن كۆپ بولغان بولسىمۇ ، بىراق خاماس ئۆزىنىڭ غەلبە قىلغانلىقىنى ئېلان قىلدى ، نۇرغۇنلىغان غەززە خەلقى كوچىلارغا چىقىپ تەبرىكلىدى .
سادى مۇنداق دىدى : M75 راكېتا بومبا بىزنىڭ پەخىرلىك نەرسىمىزگە ئايلاندى ، بۇ ئىسىم بىلەن ئەتىر ياساش ئەڭ ياخشى تەشۋىقات ھىسابلىنىدۇ . پەلەستىندىكى يەنە بىر شىركەت " ئېفىل تۈمۈر مۇنارى " نى ماركا قىلغاندا ئوخشاش ، خېرىدارلارنىڭ ياخشى كۆرىشىگە ئېرىشىدۇ .
رېيتىر ئاگېنىتلىقىنىڭ 12- دىكابىردىكى خەۋىرىدە ، Stay Stylish ئەتىر شىركىتى ياساپ چىققان " M75 " ئەتىر بازارغا سېلىنغاندىن كېيىن ، غەززە خەلقىنىڭ ئەڭ ياقتۇرۇپ سېتىۋالىدىغان بۇيۇمى بولۇپ قالغان . ئەتىر ئىشلەتمەيدىغان كىشىلەرمۇ ، بۇ ئەتىرگە قۇيۇلغان ئىسىم ئۈچۈن ، " M75 " ئەتىرنى سېتىۋالغان .
" M75 " ئەتىرى ئاپلىسىن پۇراق ھەم لىمون پۇراقنى ئاساس قىلىپ 60 مىللىلىتىرلىق ياسالغان بولۇپ ، سېتىلىش باھاسى 13 ئامېرىكا دوللىرى . ئەتىر شىركىتىنىڭ باش دىرىكتورى سادى " M75 " ئەتىرى بازارغا سېلىنغاندىن بۇيان غەززەدىكى كىشلەرنىڭ تالىشىپ سېتىۋالىدىغان بۇيۇمىغا ئايلانغانلىقىنى كۆرۈپ خوشال بولدى . سادى يەنى مۇخبىرلارغا مۇنداق دىدى :" بۇ ئەتىردىن مۇۋاپىقىيەت پۇرايدۇ ، مىسىرلىق بىر ئادەم بىر قېتىمدا 30 قۇتا سېتىۋالدى ، بۇ ئەتىرنىڭ پۇرىقىنى Tel Aviv دىكى يەھۇدىلارمۇ پۇرىيالسا ياخشى بولاتتى ، چۈنكى ئۇلار بۇ پۇراق ئارقىلىق پەلەستىن خەلقنىڭ غەلبە قىلغانلىقىنى ھىس قىلغان بولاتتى ."
