ئاقيول تورىنىڭ خەۋىرى:

شىنخۇا ئاگېنتلىقى خەۋىرى، «بازا»تەشكىلاتىنىڭ رەھبىرى زاۋاھىرى 11-سېنتەبىر ئىسلام تور بېكىتىدە ئېلان قىلغان بىر كۆرۈنۈشتە بۇ تەشكىلاتنىڭ 2-نومۇرلۇق كاتتىۋېشى ئابۇ يەھيا لىبىنىڭ ئامېرىكا ئارمىيىسى بۇندىن بۇرۇن قوزغىغان ھاۋا ھۇجۇمىدا قازا قىلغانلىقىنى دەلىللىدى. بۇ «بازا»تەشكىلاتىنىڭ تۇنجى قېتىم لىبىنىڭ ئۆلۈم خەۋىرىنى جەزملەشتۈرۈشى ھېسابلىنىدۇ.
ئامېرىكا ئاق ساراي بۇ يىل ئىيۇندا لىبىنىڭ شۇ ئاينىڭ 4-كۈنى پاكىستاننىڭ شىمالى ۋەزىرىستان رايونىدا ئامېرىكا ئۇچقۇچىسىز ئايروپىلانىنىڭ ھۇجۇمىغا ئۇچراپ قازا قىلغانلىقىنى ھەمدە لىبىنىڭ ئۆلۈمىنىڭ «بازا»تەشكىلاتىغا نىسبەتەن قاتتىق زەربە بولغانلىقىنى چۈنكى «بازا»تەشكىلاتى مۇۋاپىق ئورۇنباسار تاپالمىغانلىقىنى ئېيتقانىدى. لىبى 1963-يىلى تۇغۇلغان بولۇپ، لىۋىيەلىك، «بازا»تەشكىلاتىنىڭ تاشقى ھەرىكەتلىرىنى باشقۇرۇشقا مەسئۇل. ئامېرىكا تەرەپ ئۇنى «بازا»تەشكىلاتىنىڭ غەربكە قاراتقان ھۇجۇم پىلانىدا مۇھىم رول ئوينىدى دەپ قارىغان. لىبى بىر دىننى ئالىم بولۇپ، ئامېرىكا تەرەپ ئۇنى ئۆزىنىڭ دىننى بىلىملىرىدىن پايدىلىنىپ، «بازا»تەشكىلاتىنى تەشۋىق قىلىش بىلەن بىر ۋاقىتتا بۇ تەشكىلاتنىڭ تېررورلۇق ھۇجۇمى ئۈچۈن ئاساس ئىزدىمەكتە دەپ قارىدى.
لىبى 2002-يىلى ئەسىرگە چۈشكەن ھەمدە ئافغانىستاننىڭ باگرامدىكى ئامېرىكا ئارمىيىسىنىڭ بازىسىدا قامالغان. ئۇ 2005-يىلى مۇۋەپپەقىيەتلىك ھالدا تۈرمىدىن قاچقاندىن كېيىن، بىر قانچە«بازا»تەشكىلاتىنىڭ تەشۋىقات سىنلىرىدا پەيدا بولغان. ئامېرىكا تەرەپ لىبى يەر شارى تېررورىزمنىڭ مۇھىم قۇتراتقۇچىسى، ئۇ تارقاتقان ئۇچۇرلار ئامېرىكىلىقلار ۋە ئامېرىكىنىڭ يەر شارىدىكى مەنپەئەتىگە تەھدىت پەيدا قىلدى دەپ قارىدى.
باشقا بىر خەۋەردىن قارىغاندا، يەمەن دۆلەت مۇداپىئە مىنىستىرلىقى 10-سېنتەبىر يەمەن ھۆكۈمەت ئارمىيىسىنىڭ بۇ دۆلەتنىڭ سەرقى جەنۇبىدىكى ھادراماۋ ئۆلكىسىدىكى ھەربىي ھەرىكىتىدە «بازا»تەشكىلاتىنىڭ ئەرەب يېرىم ئارىلى تارمىقىنىڭ 2-نومۇرلۇق كاتتىۋېشى سەيىدنى ئېتىۋەتكەنلىكىنى جاكارلىغان.