ياپونىيە ھۆكۈمىتى 10-چېسلا چۈشتىن كېيىن يىغىن ئېچىپ دىياۋيۈ ئارىلىنىڭ «دۆلەت ئىختىيارىغا ئۆتكۈزۈۋېلىش» ئىستراتېگىيىسىنى قارار قىلىپ، ناھايىتى خەتەرلىك بولغان خاتا يولغا يەنە بىر قەدەم ئىلگىرىلىدى، ۋە شۇ سەۋەبلىك دىياۋيۈ ئارىلى مەسىلىسى خەتەرلىك «چېگرا» رايونىنى كەلتۈرۈپ چىقاردى.
       ياپونىيە ھۆكۈمىتى جۇڭگو تەرەپنىڭ قاتتىق قارشى تۇرۇشى ۋە ئېتىراز بىلدۈرۈشى، شۇنداقلا باش سېكرېتار خۇجىنتاۋنىڭ تۈنۈگۈن ئېچىلغانAPEC يىغىندىكى ئاگاھلاندۇرۇشىغا قىلچە پىسەنت قىلماي، دىياۋيۈ ئارىلىنى «سېتىۋېلىش» نى جاھىللارچە داۋاملاشتۇرۇپ، جۇڭگو خەلقنىڭ مىللىي غۇرۇرى قاتتىق دەخلى يەتكۈزدى، ھەمدە ئىككىنچى دۇنيا ئۇرۇشى ئاخىرلاشقاندىن كېيىن  جۇڭگونىڭ ئاساسى ھوقۇقىغا تۇنجى قېتىم ئوچۇق ئاشكارا دەخلى يەتكۈزدى. ياپونىيە ھۆكۈمىتى ئوتتۇرىغا «دۆلەت ئىختىيارلىقىغا ئۆتكۈزۈۋېلىش» نىڭ باھانىسى بولسا «دىياۋيۈ ئارىلىنىڭ ئەبەدى مۇقىملىقىنى ۋە باشقۇرۇلۇشىنى ئۈزلۈكسىز ساقلاش» ئىكەن.......نېمە دېگەن كۈلكىلىك ھە، دىياۋيۈ ئارىلى زادى كىمنىڭ باشقۇرۇلۇشىدا ؟ نېمىنى باشقۇرىدۇ ؟ ياپونىيە ھۆكۈمىتى زادى نېمىنى باھانە قىلىپ ئۇلۇغ ۋەتىنىمىزنىڭ زېمىنىنى «باشقۇرىدىكەن»؟ ئەمەلىيەتتە، ياپونىيە ھۆكۈمىتى دىياۋيۈ ئارىلىغا بولغان كونتروللۇقىنى كۈچەيتكەن بولۇپ، ئۇلار 40 يىلنىڭ ئالدىدىكى جۇڭگو بىلەن ياپونىيە ھۆكۈمىتى دېيىشكەن «ئۇرۇش قىلماسلىق» ئورتاق كۆز قارىشىنى چەتكە قايرىپ قويغان.
      ھەممىگە ئايان بولغىنى شۇكى، 16 ئەسىرىدىن باشلاپ دىياۋيۈ ئارىلى جۇڭگوغا تەۋە بولغان، شۇڭا ياپونىيىنىڭ بۇ تېمىدىن سۆز ئېچىش ھوقۇقى يوق. ئەمما نۆۋەتتىكى دىياۋيۈ ئارىلى ۋەقەسى بولسا پۈتۈنلەي ياپونىيىنىڭ جۇڭگو زېمىنىغا تاجاۋۇز قىلغىنىدىن پەيدا بولغان.
     2-دۇنيا ئۇرۇشى غەلىبىگە قاراپ يۈزلەنگەن ۋاقىتتا، جۇڭگو، ئامېرىكا، ئەنگىليە قاتارلىق ئۈچ دۆلەت ۋەكىللىرى يۇقىرى دەرىجىلىكلەر يىغىنى ئۆتكۈزگەن بولۇپ، ئۇلار ئالدى-كەينى بولۇپ، «قاھىرە خىتابنامىسى» بىلەن «يالتا قارارى» نى ئېلان قىلىپتۇ، بۇ ئىككى خىتابنامە ئىككىنچى دۇنيا ئۇرۇشىدىن كېيىنكى دۇنيا ۋەزىيىتىنىڭ ئاساسىنى تەشكىل قىلغان بولۇپ، ئۇرۇشتىن كېيىنكى ياپونىيىنىڭ ئاساسى ئورنىنى بەلگىلەپ بېرىپتۇ. بۇ ئىككى تۈرلۈك ماتېرىيالغا ئاساسلانغاندا ياپونىيە چوقۇم قانۇنسىز بېسىۋالغان زېمىنلارنى قايتۇرۇپ بېرىشى كېرەك، ئۇرۇشتىن كېيىن ياپونىيىنىڭ زېمىن دائىرىسى پەقەت ياپونىيە ئارىلى، سىگو، شىمالى دېڭىز كارىدورى، قاتارلىق جايلار بولۇپ، دىياۋيۈ ئارىلى مۇتلەق جۇڭگونىڭ زېمىنى شۇنىڭ ئۈچۈن ياپونىيىنىڭ دىياۋيۈ ئارىلىنى تالىشىش ھوقۇقى يوق.
     بۈگۈنكى جۇڭگو، ھەرگىزمۇ جىياۋۇ ئۇرۇشى مەزگىلىدىكى جۇڭگو ئەمەس، ھەمدە ھەرگىزمۇ ياپونىيىنىڭ تاجاۋۇزچىلىق مەزگىلىدىكى جۇڭگو ئەمەس. شۇنىڭ ئۈچۈن زېمىن پۈتۈنلۈكى مەسىلىدە جۇڭگو ھۆكۈمىتى بىلەن جۇڭگو خەلقى ھەرگىزمۇ بىر قەدەمگە يوق قويمايدۇ. جۇڭگو ھۆكۈمىتى بىلەن جۇڭگو خەلقنىڭ زېمىن پۈتۈنلۈكىنى قوغداشتىكى ئىرادىسى ھەرگىزمۇ ئۆزگەرمەيدۇ، بىزدە دۆلەتنىڭ زېمىن پۈتۈنلۈكىنى قوغدايدىغان ئىقتىدارىمۇ تۇلۇق. بىز ياپونىيىگە شۇنداق ئاگاھلاندۇرۇش بېرىمىزكى: ئوت ئوينىماڭلار! ئۇنداق بولمايدىكەن، بارلىق كېلىپ چىققان ئىشلارغا ياپونىيە ئىگە بولىدۇ دېيەلەيمىز.