شياڭگاڭ «مەدەنىيەت جۇغلانمىسى» نىڭ 9-ئاينىڭ 11-كۈنى ئېلان قىلغان ماقالىسى، ئەسلى تېما: ياپونىيىنىڭ «ئارال سېتىۋېلىش ھەرىكىتى» چوقۇم قايتۇرما ھۇجۇمنى كەلتۈرۈپ چىقىرىدۇ، ياپونىيە ھۆكۈمىتى 10-چېسلا دىياۋيۈ ئارىلىغا نىسبەتەن «دۆلەت ئىختىيارغا ئېلىش» لايىھىسىنى مۇقىملاشتۇرغان بولۇپ، رەسمىي ھالدا دىياۋيۈ ئارىلىنى سېتىۋالىدىغانلىقىنى قارار قىلغان، ئۇنىڭغا قارىتا جۇڭگونىڭ دىپلوماتىيە مىنىستىرلىقى تەرەپ قاتتىق ئېتىراز بىلدۈرگەن، ئۇلارنىڭ دېيىشىچە جۇڭگو تەرەپ چوقۇم بۇنىڭغا قارىشى تۇرىدىكەن ۋە كۈچلۈك ئېتىراز بىلدۈرىدىكەن. جۇڭگو تەرەپ يەنە ياپونىيىنىڭ قانداق ئۇسۇلنى قوللىنىپ «ئارىلىنى سېتىۋېلىش» ى پۈتۈنلەي قانۇنسىزلىق ۋە ئۈنۈمسىزلىك دەپ كۆرسەتكەن. ئاساسى ھوقۇق ۋە زېمىن پۈتۈنلۈكى مەسىلىدە، جۇڭگو ھۆكۈمىتى بىلەن جۇڭگو خەلقى بىر قەدەممۇ يول قويمايدىكەن، ھەمدە چوقۇم قايتۇرما ھۇجۇم بېرىدىكەن. ياپونىيە تەرەپ ئەگەر جۇڭگونىڭ ھەربىي كۈچىنى ۋە ئاساسى ھوقۇقىنى قوغداشتىكى قارارىنى سەل چاغلىسا، ئۆز پۇتىغا ئۆزى پالتا چاپقان بولىدىكەن.
      ياپونىيە باش ۋەزىرى نودانىڭ بايانات ئېلان قىلىپ دېيىشىچە، دىياۋيۈ ئارىلىنى سېتىۋېلىپ «دۆلەت ئىختىيارلىقىغا ئۆتكۈزۈۋېلىش» بولسا دىياۋيۈ ئارىلىنىڭ «ئۈزلۈكسىز تەرەققىياتى ۋە ئەبەدى مۇقىملىقى» ئۈچۈن ناھايىتى مۇھىم ئىكەن............ بۇ پۈتۈنلەي قانۇنسىزلىق ۋە ئالدامچىلىق. ئەمەلىيەتتە، ياپونىيە تەرەپنىڭ ئارالنى سېتىۋېلىپ «دۆلەت ئىختىيارلىقىغا ئۆتكۈزۈۋېلىش» ى جۇڭگونىڭ زېمىنىنى تالان-تاراج قىلغانلىق، دىياۋيۈ ئارىلىنىڭ مۇقىم باشقۇرۇلۇشىغا توسقۇنلۇق قىلغانلىق بولۇپ، ئۇلارنىڭ بۇنداق قىلىشى ئەكسىچە دىياۋيۈ ئارىلىنىڭ ۋەزىيىتىنى تېخىمۇ جىددىيلەشتۈرۈپ، ئاخىرىدا جۇڭگو ياپونىيە مۇناسىۋىتىگە تەسىر يەتكۈزۈپ ئىككى دۆلەت ئوتتۇرىسىدا ھەربىي توقۇنۇش پەيدا قىلىدىكەن، ھەتتا ئاسىيانىڭ مۇقىم ۋەزىيىتىگە زور تەسىر يەتكۈزىدىكەن. ياپونىيە تەرەپ ھېچ ئىش بىلەن كارى يوق، ئۈزلۈكسىز ھالدا «ئارالنى سېتىۋېلىش»  ھەرىكىتى ئېلىپ بارغان ، ھەمدە بۇ ئىشتا جۇڭگونىڭ قاتتىق غەزىپىنى كەلتۈرگەن  ، ۋە ئەتراپتىكى باشقا دۆلەتلەرگە ئەندىشە ئېلىپ كەلگەن، شۇنىڭ تۈپەيلى ياپونىيە خەلقئارادا  بارغانسېرى يالغۇز قېلىشقا باشلىغان.
     ياپونىيە تەرەپ جۇڭگونىڭ ئاساسى ھوقۇقىنى قوغداشتىكى قارارى بىلەن ئىقتىدارىغا زىيادە سەل قارىغان بولۇپ، جۇڭگو دىپلوماتىيە مىنىستىرلىقى 10-چېسلا بايانات ئېلان قىلىپ، دىياۋيۈ ئارىلى بىلەن ئۇنىڭ ئەتراپىدىكى دېڭىز تەۋەلىكىنىڭ سىزىقىنى ئېنىق بېكىتىپ چىقىپتۇ. بۇنىڭدىن شۇنى كۆرۈۋېلىشقا بۇلىدىكى دىياۋيۈ ئارىلى نۆۋەتتە جۇڭگونىڭ مەمۇرى باشقۇرۇشى ئىچىگە كىرگۈزۈلۈپتۇ، ئاڭلاشقا ئاساسلانغاندا جۇڭگو تەرەپ بۇ ئەتراپتىكى رايونلاردا ھەربىي مانېۋىر ئۆتكۈزىدىكەن. جۇڭگو خەلق ئازادلىق ئارمىيىسى نەنجىڭ ھەربىي رايونى ئالدىنقى ئايدا سەرقى دېڭىز رايونىدا ئۈزلۈكسىز ھەمكارلىق مانېۋىرى ئۆتكۈزۈپ، ئاساسى ھوقۇقىنى نامايان قىلىپتۇ، ئەگەر مانېۋىر جەريانىدا توسقۇنلۇق بولسا جۇڭگو تەرەپ چوقۇم بەلگىلىك چارە قوللىنىپ بۇنى ھەل قىلىدىكەن. ئەگەر ياپونىيە ئۈزلۈكسىز «دۆلەت ئىختىيارلىقىغا ئۆتكۈزۈش» ھەرىكىتى بىلەن شۇغۇللانسا جۇڭگو چوقۇم قايتۇرما ھۇجۇمغا ئۆتۈپ زەربە بېرىدىكەن. شۇنىڭدىن بىلىشكە بۇلىدىكى دىياۋيۈ ئارىلى بولسا جۇڭگونىڭ ئايرىلماس بىر قىسمى، دۆلىتىمىز ياپونىيىنىڭ بۇ ھەرىكىتىگە قاراپ تۇرمايدۇ.