ئاقيول تورىنىڭ خەۋىرى:[فىرانسىيە ئاخبارات ئاگېنتلىقى،ۋاشىنگتون،11-سىنتەبىر تېلېگراممىسى]ئامېرىكا جۇمھۇرىيەتچىلەر پارتىيەسىنىڭ زۇڭتۇڭ نامزاتى رومنېي ئىران مەسىلىسىنى «زۇڭتۇڭ ئوبامانىڭ  ئەڭ چوڭ مەغلۇبىيىتى»،دېدى ھەم ئەگەر مەن زۇڭتۇڭ بولسام ، ئۇنىڭكىگە پۈتۈنلەي ئوخشىمايدىغان پوزىتسىيە تۇتقان بولاتتىم،دەپ ۋەدە بەردى .
   رومنېي  ئامېرىكا مەملىكەتلىك رادىيو شىركىتى مۇخبىرىنىڭ زىيارىتىنى قوبۇل قىلغاندا:«ئەڭ چوڭ مەغلۇبىيەت ئامېرىكا ۋە دۇنيا دۇچ كېلىۋاتقان  ئەڭ چوڭ تەھدىت بىلەن  ،جۈملىدىن يادرو قورالىغا ئىگە ئىران بىلەن مۇناسىۋەتلىك بولۇشى مۇمكىن»،دېدى. 
    رومنېي:« زۇڭتۇڭ بىزنى يادرو قورالىغا ئىگە ئىران بىلەن تېخىمۇ يىراقلاشتۇرالمىدى. ئەمەلىيەتتە ،  ئىران  ئۇزاققا قالماي يادرو قورالىغا ئېرىشىشى مۇمكىن ، ئۇنىڭ  يادرو ئىقتىدارى ئۇنى  تېخىمۇ كۈچەيتىدۇ»،دېدى.
    ئۇ:«زۇڭتۇڭ ئوباما نىجاد بىلەن ئالاقە قىلىش سىياسىتىنى بېكىتتى. لېكىن بۇ سىياسەت ئۈنۈم بېرىش ئۇ ياقتا تۇرسۇن،  ئەكسىچە، بىزنى يادرو قورالىغا  تېخىمۇ يېقىنلاشتۇردى». «ئىران مەسىلىسىدە، بىز قەتئىي ئوخشىمايدىغان پوزىتسىيە قوللىنىمىز. بىز قاتتىق جازالاش تەدبىرى قوللىنىمىز، بۇ قاتتىق جازالاش تەدبىرى بۇرۇنلا قوللىنىشى كېرەك ئىدى»،دېدى.
    [ئامېرىكا فۇكۇس ئاخبارات تورىنىڭ 11-سىنتەبىر خەۋىرى] ئامېرىكا جۇمھۇرىيەتچىلەر پارتىيەسىنىڭ زۇڭتۇڭ نامزاتى رومنېي 9-سىنتەبىر ئىقتىسادنى جانلاندۇرۇش تېمىسىدىن يىراقلاپ، ئۆزىنىڭ رادىكال دىپلوماتىيە سىياسىتى توغرىسىدا ھە دەپ گەپ ساتتى . ئۇ ئىرانغا «ۋەيران قىلىش خاراكتىرىدىكى جازالاش تەدبىرى »قوللىنىش تەكلىپىنى ئوتتۇرغا قويدى.
     رومنېي  زۇڭتۇڭ ئوبامانىڭ ئىران مەسىلىسىنى ھەل قىلىش ئۇسۇلىنى تەنقىد قىلدى. ئىران  يادرو قورالىغا ئېرىشىش ئۈچۈن پۈتۈن كۈچى بىلەن تىرىشىۋاتىدۇ.
    رومنېي مەملكەتلىك رادىيو شىركىتىنىڭ پرۇگراممىسىدا:«ئوباما زۇڭتۇڭ ئىران مەسىلىسىدە ھىچقانداق نەتىجە يارىتالمىدى . بۇ ئۇنىڭ (دىپلوماتىيە سىياسىتىدىكى)ئەڭ چوڭ مەغلۇبىيىتى»،دېدى.
    ئۇ:ئوبامانىڭ خاتالىقى شۇكى، ئۇ تەخىتكە چىققاندىن  كېيىن ئىران رەھبىرى بىلەن قارشىلاشماستىن بەلكى ئۇنىڭ بىلەن مۇرەسسەسەلەشمەكچى بولدى، دېدى.
   رومنېي:« ئۇ قوللانغان ئۇسۇلغا قەتئىي ئوخشىمايدىغان ئۇسۇل قوللىنىپ ئىران مەسىلىسىنى ھەل قىلىمەن. ۋەيران خاراكتىرلىك جازالاش تەدبىرىنى بۇرۇنلاش قوللىنىشىمىز كېرەك ئىدى»،دېدى. 
   ئۇ:  يادرو قورالىغا ئىگە ئىران ئامېرىكا ۋە  باشقا جايلار دۇچ كېلىۋاتقان  ئەڭ چوڭ تەھدىت ، دېدى.
   رومنېي ھازىرقى زۇڭتۇڭنى تەنقىد قىلغان بولسىمۇ، لېكىن ئوبامانىڭ تېخىمۇ قاتتىق جازالاش تەدبىرىنى قوللىنىشقا قارشى تۇرمايدىغانلىقىنى ئېتىراپ قىلدى . ئۇ يەنە: ئوباما بىن لادېننى يوقاتتى، بۇنى ئۇنىڭ بىر «ئۇلۇغ نەتىجىسى»دېيىشكە بولىدۇ،دېدى.
   رومنېي بۇ سۆزلەرنى قىلىشتىن ئىلگىرى، ئوباما قاتارلىق  كىشىلەر دېمۇكراتلار پارتىيەسىنىڭ قۇرۇلتىيىدا ھازىرقى ھۆكۈمەتنىڭ دىپلوماتىيە سىياسىدە قولغا كەلتۈرگەن نەتىجىلىرى  ھە دەپ مەدىھىيلىدى. 
    رومنېي بىلەن ئوباما  ئىران مەسىلىسى توغرىسىدا يۈزتۇرانە  بەس-مۇنازىرە قىلىش پۇرسىتىگە ئېرىشىشى مۇمكىن. 
    [رېيتېر ئاگېنتلىقى، ۋاشىنگتون، 11-سىنتەبىر تېلېگراممىسى] بۈگۈن ئېلان قىلىنغان، رېيتېر ئاگېنتلىقى  بىلەن ئىپسوس گۇرۇھى بىرلىشىپ ئېلىپ بارغان ئەل رايى سىنىقى تەكشۈرۈش نەتىجىسىدىن مەلۇم بولۇشىچە، ئوبامانىڭ قوللاشقا ئېرىشىش نىسبىتى جۇمھۇرىيەتچىلەر پارتىيەسىنىڭ زۇڭتوڭ نامزاتى رومېنيدىن ھېلىھەم يۇقىرى بولۇپ، ئامېرىكا دېمۇكرالار پارتىيەسى  قۇرۇلتىيى ئۆتكۈزۈلۈشتىن ئىلگىرى يەنىلا ئالدىدا تۇرۇش ئەۋزەللىكىنى ساقلاپ قالغان. 
    ئىپسوس گۇرۇھىنىڭ ئەل رايى سىنىقى تەھلىلچىسى كلاك:«بۇ دېمۇكراتلارنىڭ كېيىنكى سايلام ئۈچۈن ياخشى ئاساس سالغانلىقىدىن دېرەك بېرىدۇ»،دېدى.
    كلاك:جۇمھۇرىيەتچىلەر پارتىيەسى قۇرۇلتىيى ئاخىرلاشقاندىن كېيىن، رومنېينىڭ قوللاشقا ئېرىشىش نىسبىتى بىر مەھەل ئوبامانىڭكىدىن ئېشىپ كەتكەن ئىدى، لېكىن ھازىر ئوباما يەنىلا رومنېينىڭ ئالدىغا ئۆتۈپ كەتتى،دېدى. 
    كلاك:«ئومۇمىي سايلامغا يەنە خېلى ۋاقىت بولغاچقا، ھازىرقى ۋەزىپە شۇكى، سىياسىي ئاساسىي مۇقامنى ساقلاپ قېلىش»،دېدى. ئۇئۆزىنىڭ قىياسىنى تەكىتلىدى: 11-ئاينىڭ 6-كۈنى ئۆتكۈزۈلىدىغان ئومۇمىي سايلامدىن ئىلگىرى، ئوباما بىلەن رومنېينىڭ ئەل رايى سىنىقىدا ئېرىشىدىغان قوللاش نىسبىتىنىڭ پەرقى  كىچىكلىشى ، بۇ ئىككى نامزاتنىڭ قوللاشقا ئېرىشىش نىسبىتى ئاساسەن تەڭلىشىپ قېلىشى مۇمكىن. 
    رومنېينىڭ ئالى مەسلىھەتچىسى چەت ئەللەرنىڭ قارىشىغا رەددىيە بەردى ، يەنى ماساچۇسېتس ئىشتاتىنىڭ بۇ سابىق باشلىقى ئىنتايىن مۇھىم ئىشتاتتا ئېرىشكەن قولللاش نىسبىتىنىڭ ئوبامانىڭكىدىن تۆۋەن بولغانلىقى ئۇلارنى ساراسىمگە سالدى. ئۇلار: مۇشۇنداق ئەل رايى سىناق نەتىجىسى يېقىندا دېمۇكراتلار پارتىيەسى قۇرۇلتىيىنىڭ كەسكىن رىقابەتتىكى سايلام ئەھۋالىنى ئەمەس بەلكى ئۇلار تەشۋىقات پائالىيەتلىرىنىڭ ئۈنۈملۈك بولغانلىقىنى ئەكس ئەتتۈرۈپ بەردى،دېدى.
    رومنېينىڭ بىر ئالىي  مەسلىھەتچىسى:«ھازىرقى زۇڭتۇڭنىڭ ئەل رايى سىنىقىدا ئېرىشكەن قوللاشقا ئېرىشىش نىسبىتى   ٪50كىمۇ يەتمەيدۇ، بۇ ئۇنىڭ  ئىنتايىن ئوسال ئەھۋالدا تۇرىۋاتقانلىقىنى چۈشەندۈرۈپ بېرىدۇ»،دېدى.