شىنخۇا تورى 10-ئاينىڭ 6-كۈنى خەۋىرى، نۇر تورى تەرجىمىسى، يېقىندا جۇڭگولۇق داڭلىق چولپان جاڭ زېيى توغرىسىدا «تەكشۈرۈلۈۋېتىپتۇ، چېگرىدىن چىقىشى چەكلىنىپتۇ»دېگەن خەۋەرلەر تارقىلىپ زور مۇنازىرە پەيدا قىلدى. بۇ خەۋەرگە نىسبەتەن جاڭزىيى تەرەپ 29-سېنتەبىر ئوچۇق خەت ئېلان قىلىپ، بۇنداق سۆز-چۆچەكلەرنى قانۇنى ۋاسىتە ئارقىلىق بىر تەرەپ قىلىدىغانلىقىنى بىلدۈرگەن. شۇنداقلا شياڭگاڭ Hadlanesئادۋوكاتلىق ئورنى ئارقىلىق پىتنە-پاسات تارقاتقان ئاخبارات ۋاستىلىرىغا ئۇقتۇرۇش ئەۋەتكەن. جاڭزىيى تەرەپ:«بۇ قېتىم بىز پىتنە-پاسات تارقاتقانلارغا قاتتىق زەربە بەرمەكچى، بىز ئادىللىقنى، سەمىمىيلىك ۋە ھەقىقەتنى تەشەببۇس قىلماقچى. «ئالما كۈندىلىك خەۋىرى»شۇنداقلا مۇناسىۋەتلىك تاراتقۇلارنىڭ راست بولمىغان خەۋەرلەرنى تارقىتىشىغا قەتئىي يول قويمايمىز. بىز قانۇنىي ۋاسىتە ئارقىلىق ھوقۇقىمىزنى قوغدايمىز»دېگەن.

مانا مۇشۇنداق خەۋەرلەر بىلەن بىرگە يەنە جاڭزىيىنىڭ ھەر قايسى سورۇنلاردا سىياسىي، سودا ۋە تاماشا ساھەسىدىكى يۇقىرى تەبىقە زاتلىرى بىلەن بىرگە يېقىن مۇناسىۋەتتە چۈشكەن بىر يۈرۈش سۈرەتلىرى ئاشكارىلىنىپ يەنە بىر چوڭ غۇلغۇلا پەيدا قىلدى.

2008-يىلى BAZAARخەير-ساخاۋەت پائالىيىتى. جاڭزىيى ئالاھىدە مېھمان بولۇش سۈپىتى بىلەن سەھنىدە گۈزەللىكىنى نامايان قىلسا، سەھنىدىن چۈشكەندە ئالاھىدە تەكلىپ قىلىنغان داڭلىق ئەرباب شياڭگاڭ ئولىمپىك تەنھەرىكەت يىغىن ھەيئىتىنىڭ باشلىقى خوۋ جىن تىڭ بىلەن قىزغىن پاراڭلاشقان.

2011-يىلى جاڭزىيى داڭلىق ئەرباب رۈەن جاۋشياڭ بىلەن بىللە تاماق يېگەن ھەمدە ئىنتايىن يېقىن مۇناسىۋەتتە بولغان.

2009-يىلى جاڭ زېيى بېيجىڭدىكى مەلۇم يانفون ماركىسى ئۇيۇشتۇرغان پائالىيەتتە ئوبراز ۋەكىلى بولۇش سۈپىتى بىلەن قاتناشقان. ئاخبارات ئېلان قىلىش يىغىنى ئاخىرلاشقاندىن كېيىن ھەممەيلەن زىياپەتكە قاتناشقان. تەسىر كۈچى ئاجايىپ يۇقىرى جاڭ زېيى ئىنتايىن قىزغىن كەيپىيات بىلەن سورۇنغا قاتناشقان داڭلىق ئەربابلار بىلەن يېقىن مۇناسىۋەتتە بولغان.

2011-يىلى 3-ئاينىڭ 31-كۈنى، چەتئەلدىكى مەلۇم داڭلىق ماركا جۇڭگو شاڭخەيدە تۇنجى قېتىم پائالىيەت ئۇيۇشتۇرغان بولۇپ، جاڭزىيى قاتارلىق داڭلىق چولپانلار پائالىيەتكە ئالاھىدە مېھمان سۈپىتىدە قاتناشقان. شۇ كۈنى ئۇ ئېسىل قىياپىتى بىلەن يۇقىرى تەبىقە داڭلىق كىشىلىرىنىڭ ئالاھىدە دىققىتىنى تارتقان.

2010-يىلى 9-ئاينىڭ 15-كۈنى، جاڭ زېيى كورىيە سىئولدىكى مەلۇم تەشۋىقات پائالىيىتىگە قاتنىشىپ پائالىيەتتىكى داڭلىق كىشىلەرنىڭ دىققىتىنى تارتقان. بۇ پائالىيەتكە يەنە كورىيىنىڭ داڭلىق كىنو چولپىنى جىن يۈنجېن، دۇنياغا داڭلىق چولپان شىۋاشىڭگېرمۇ قاتناشقان ئىدى.

2001-يىلى 4-ئاينىڭ 7-كۈنى، «ھالقىلىق پەيت2»شياڭگاڭدا تەشۋىق قىلىنغان بولۇپ، شۇ كۈنى داڭلىق چولپان چېڭلوڭنىڭ 47ياشقا كىرگەن تۇغۇلغان كۈنى ئىدى. پائالىيەت ئۇيۇشتۇرغان تەرەپ يەنە مەخسۇس چېڭلوڭ ئۈچۈن تۇغۇلغان كۈنى ئۆتكۈزمەكچى بولغان بولۇپ،  بۇ ۋاقىتتا جاڭزىيى چېڭلوڭنىڭ ئالدىغا كېلىپ ئۇنى بەش قېتىم سۆيۈپ تۇغۇلغان كۈنلۈك سوۋغا بەرگەن. يۈزلىرى لەۋ سۇرۇخقا تولغان چېڭلوڭمۇ بۇ سوۋغىدىن ناھايىتى خوشالدەك كۆرۈنەتتى.

2010-يىلى 1-ئاينىڭ 6-كۈنى، جاڭ زېيى ۋە ۋاڭ جاۋېي بىرلىكتە جاۋ بېنشەن بىلەن كۆرۈشۈپ يېڭى فىلىم «بىر ئەۋلاد پېشۋالار»ئۈستىدە سۆھبەتلەشكەن ھەمدە بىللە غىزالانغان.

2008-يىلى 10-ئاي جاڭزىيى چەتئەللىك ئوغۇل دوستى ئايۋېي نېۋا بىلەن بىرگە مەلۇم مودا ماركا پائالىيىتىگە قاتناشقان. پائالىيەت ئاخىرىدا جاڭ زېيى مودا شاھى ئارمانىي بىلەن خاتىرە سۈرەتكە چۈشكەن. ئارمانىي جاڭزىيىنىڭ ئوغۇل دوستى نېۋانىڭ نەق مەيداندا بارلىقىنى بىر ياققا قايرىپ قويۇپ، جاڭزىيىغا ئالاھىدە يېقىنچىلىق قىلىپ كەتكەن.

2011-يىلى 7-ئاينىڭ 20-كۈنى، NBAچولپىنى كوبى بىريانت شاڭخەيدە ئېلىپ بېرىلغان مەلۇم ماشىنا ماركا پائالىيىتىگە قاتناشقان. شۇ كۈنى داڭلىق چولپان جاڭزىيىمۇ بۇ پائالىيەتكە قاتناشقان بولۇپ، ئۇ يانفونى بىلەن ئىزچىل ئۆزىنىڭ چوقۇنغۇچىسى كوبى بىريانتنى سۈرەتكە تارتقان. ئارىلىقتا ئۇ يەنە سەھنىدە كوبى بىريانت بىلەن ئىككى قېتىم قۇچاقلىشىپ ئىنتايىن يېقىن مۇناسىۋەتتە بولغان.