بازار تەتقىقات شىركىتى IDC ئۆتكەن يىلى ئېلان قىلغان سانلىق مەلۇماتتا كۆرسىتىلىشىچە، بۇ يىل ئۈچىنچى پەسىلدە، ئاندروئىد ئۈسكۈنىلىرىنىڭ مال چىقىرىش مىقدارىنىڭ بازار ئىگىلەش نىسبىتى %75، ھالبۇكى ئالما iOS ئۈسكۈنىلىرىنىڭ %14.9 بولۇپ ئىككىنچى ئورۇندا تۇرغان. ئۆسۈش نۇقتىسىدىن ئېلىپ ئېيتقاندا، ئاندروئىد بىرقەدەر چوڭ ئىلگىرىلەش ھاسىل قىلدى، ئۆتكەن يىلى ئوخشاش پەسىلگە سېلىشتۇرغاندا، يەنى 2011-يىلى ئۈچىنچى پەسىلدە، ئاندروئىد ئۈسكۈنىلىرىنىڭ بازار نىسبىتى %57.5 بولغان، iOS نىڭ بولسا %13.8، ئېنىقكى، ئاندروئىد ئۈسكۈنىلىرى بازار نىسبىتىنىڭ ئۆسۈشى ناھايىتى روشەن.

شىمىت زىيارەت قوبۇل قىلغاندا، 20 يىل بۇرۇنقى مىكروسوفت ۋە ئالما ئوتتۇرىسىدىكى مەشغۇلات سىستېمىسى جېڭىنى مىسالغا ئالدى. ئەينى چاغدا مىكروسوفتنىڭ غەلىبە قىلىشىدىكى ئاساسلىق سەۋەب كۆپلىگەن كارخانىلار Windows سىستېمىسى بىلەن مەھسۇلاتنى مەھكەم باغلىغان، خۇددى بۈگۈندىكى ئاندروئىدقا ئوخشاش، ھالبۇكى ئالما پەقەت ئۆزىنىڭ مەھسۇلاتلىرىغا OS X مەشغۇلات سىستېمىسىنى قاچىلايدۇ. گەرچە ھازىر ئاندروئىدنى يېڭىپ چىقتى دېسەك سەل بالدۇرلۇق قىلسىمۇ، لېكىن نەتىجىسىدە كۆپ ئۆزگىرىش بولمايدۇ، ئاندروئىد ئۈسكۈنىلىرنىڭ بازار ئىگىلەش نىسبىتى ناھايىتى يۇقىرى، iOS   نىڭ بۇ نەتىجىنى ئۆرۈۋېتەلىشى تەس.