يېقىندا غەربىي قىسىم سانلىق مەلۇمات شىركىتى، نۆۋەتتە 5 مىللىمېتىر قېلىنلىقتىكى دۇنيا بويىچە ئەڭ نېپىز قاتتىق دېسكىنى سىناق قىلىپ ياساۋاتقانلىقىنى ئېلان قىلغان بولۇپ، بۇ مەھسۇلاتقا ئارىلاش ساقلاش تېخنىكىسى ئىشلەتكەنلىكىنى، بۇ يېڭى مەھسۇلاتنىڭ ئەڭ نېپىز خاتىرە كومپيۇتېرنى بىر قەدەر چوڭ ساقلاش سىغىمى بولغان، قاتتىق ھالەتتىكى قاتتىق دېسكىلىق يۇقىرى ئىقتىدار بىلەن تەمىنلەيدىغانلىقىنى بىلدۈرگەن. بۇنىڭدىن ئىلگىرى، پەقەت Seagate  كارخانىسىلا ئارىلاش قاتتىق دېسكىنى كەڭ كۆلەمدە كېڭەيتكەن ھەمدە ئاللىقاچان ئىككى ئەۋلاد مەھسۇلاتنى تەرەققىي قىلدۇرغان. TOSHIBA مۇ يېڭىلا بۇ خىل مەھسۇلات كۆرگەزمىسىنى ئويۇشتۇرغان بولۇپ، ئۇلارنىڭ ھەممىسىلا 9.5 مىللىمېتىر قېلىنلىقتىكى قاتتىق دېسكا ئىدى. ئەمما غەربىي قىسىم سانلىق مەلۇمات شىركىتى سىناق قىلىپ ئىشلەۋاتقان بۇ مەھسۇلات بىراقلا ئەسلىدىكىدىن يېرىمى دىگۈدەك نېپىزلىتىلگەن بولۇپ، 7 مىللىمېتىر قېلىنلىقتىكى تىپىمۇ 30 پرسەنت ئەتراپىدا نېپىزلىتىلگەن.

  بۇ مەھسۇلات تېخى رەسمىي ئېلان قىلىنمىغانلىقتىن، غەربىي قىسىم سانلىق مەلۇمات شىركىتى بۇ خىل 5 مىللىمېتىر قېلىنلىقتىكى ئارىلاش قاتتىق دېسكىغا ئالاقىدار باشقا ئۇچۇرلارنى تېخى ئاشكارىلىمىغان. Acer ۋە ASUS بۇ غەربىي قىسىم سانلىق مەلۇمات شىركىتىنى قوللايدىغانلىقىنى بىلدۈرگەن، بۇنىڭدىن ئۇلارنىڭ كەلگۈسىدىكى دەرىجىدىن تاشقىرى خاتىرە كومپيۇتېرلىرىغا مۇشۇ خىل 5 مىللىمېتىر قېلىنلىقتىكى قاتتىق دېسكا سەپلىنىدىغانلىقىنى، كومپيۇتېرلارنىڭ تېخىمۇ نېپىزلىتىلىدىغانلىقىنى كۆرۈۋالغىلى بولىدۇ، ئەمما شۇ دەرىجىدىن تاشقىرى خاتىرە كومپيۇتېرلارنىڭ باھاسىمۇ شۇنىڭغا ماس ھالدا ئۆرلەپ بېرىشى مۇمكىن.


  غەربىي قىسىم سانلىق مەلۇمات شىركىتى 13- سېنتەبردىكى مەبلەغچىلەر كۈنىدە، بۇ مەھسۇلاتنى ئاشكارا كۆرگەزمە قىلىدىكەن.