ئاقيول تورىنىڭ خەۋىرى:

يېقىندا، ئۆزەك پلاستىنكىسى ياساش كارخانىسى گالتوننىڭ يۇقىرى دەرىجىلىك ئەمەلدارى  بېرلېندا، يېقىندا سېتىلىش ئالدىدا تۇرغان Windows RT نى ئەنئەنىۋى كومپيۇتېر ساھەسىدىن كۆچمە كومپيۇتېر ساھەسىگە قەدەم قويغان پېشىۋا دەپ كۆرسەتكەن، Windows RT مۇ ئەنئەنىۋى PC بازىرىنىڭ ئۇزۇنغا قالماي زاۋاللىقا يۈز تۇتىدىغانلىقىدىن بىشارەت بەرگەن. گالتوندىكى ستېۋ.موللىنكوف، بۇنىڭدىن كېيىنكى بارلىق ئېلېكترونلۇق ئۈسكىنىلەر كۆچمە مەشغۇلات سىستېمىلىرىنى ئىشلىتىدۇ، مىكروسوفتنىڭ مەھسۇلاتى بولغان Windows RT بۇنىڭ بىر ياخشى مىسالى بولالايدۇ دەپ قارىغان.
 

   ستېۋ.موللىنكوف يەنە كەلگۈسى توغرىسىدا توختىلىپ، كەلگۈسىدە بارلىق ئېلېكترون مەھسۇلاتلىرى ھازىر Andorid سىستېمىسىدا يۈرگۈزۈلۈۋاتقان Google Now غا ئوخشاشلا ئەقلىي ئىقتىدارلاشقان بولىدۇ. بۇ ئىقتىدارنىڭ مۇۋەپپىقىيەتلىك يۈرگۈزۈلۈشى، كىشىلەرنىڭ تېخىمۇ ياخشى تۇرمۇش كەچۈرۈشىگە ياردەم بېرەلەيدۇ دىگەن.
Windows RT بولسا، مىكروسوفت ئۆكتەبر ئايلىرىدا سېتىپ چىقارماقچى بولغان سىستېمىلىرىنىڭ بىرى، ئۇنىڭدىن كېيىن مەيدانغا چىقماقچى بولغانلىرىدىن يەنە Windows 8 مەشغۇلات سىستېمىسى ۋە Windows Phone 8 كۆچمە مەشغۇلات سىستېمىسى بار.