بېيجىڭ ۋاقتى 2012- يىلى 5- سېنتەبر كەچ سائەت 10:00 لاردا، نوكىيا ئامېرىكا نيويوركتا پۈتۈنلەي يېڭىچەWindows Phone 8 سۇپىسى ئاساسىدىكى Lumia يۈرۈشلۈك يانفون مەھسۇلاتلىرىدىن نوكىيا  Luima 820Lumia 920ۋە نوكىيا يانفونىنى ئېلان قىلغان بولۇپ، ئىككى خىل پاسوندىكى يانفون مەھسۇلاتى ئايرىم- ئايرىم ھالدا ئىلغار ۋە ئوتتۇرا سەۋىيەلىك يانفون ئىشلىتىدىغان ئىستېمالچىلارنى كۆزدە تۇتۇپ ياسالغان. بۇ ئىككى خىل پاسوندىكى يانفونغا ئايرىم- ئايرىم ھالدا 1.5GHzلىق گالتونSnapdragonS4 قوش يادرولۇق بىر تەرەپ قىلغۇچىسى ئىشلىتىلگەن ھەمدە ئىككىنچى ئەۋلاد سۈزۈك كۆرۈنۈشلۈك فوتوكامېرا تېخنىكىسى قوللىنىلغان بولۇپ، سىمسىز توك تولۇقلاش ئىقتىدارىغا ئىگە ھەمدە ياشلارنى كۆزدە تۇتقان ھالدا ھەر خىل رەڭلىك مودا نۇسخىلىرىمۇ تەييارلانغان.

 

   ئەمەلىيەتتە، بۇ قېتىمقى مەھسۇلات ئېلان قىلىش يىغىنىنىڭ ئېچىلىش مۇراسىمىدىن ئىلگىرىلا، بۇ ئىككى خىل مەھسۇلات نۇرغۇن كىشىلەرگە نىسبەتەن تونۇش بولۇپ كەتكەن.  Android سىستېمىسىنىڭ ھەيۋەتلىك لاگېرى ۋە ئالما iPhone نىڭ زەربىسى تەسىرىدە، نوكىيانىڭ بازاردىكى ئۈلۈشى ئۈزلۈكسىز تارىيىپ ماڭغان ئىدى. بۇ قېتىم نوكىيا بىلەن مىكروسوفتنىڭ بىرلىكتە ئامېرىكىداWindows Phone 8 سۇپىسى يانفونىنى ئېلان قىلىشى، بازار ئۈلۈشى توختىماي ئۆرلەۋاتقان Androidسىستېمىسى لاگېرى ۋە بىر قەدەر قوللىنىشچانiOS سىستېمىسىغا قارىتا ئېلان قىلىنغان بىر جەڭ بولۇپ، يېڭى سىستېمىدىكى بۇ يانفون مەھسۇلاتلىرىنىڭ بازاردا كۆڭۈلدىكىدەك ئالقىشقا ئېرىشىش - ئېرىشەلمەسلىكى نوكىيانىڭ تەقدىرىنى بەلگىلەيدىغان بىر ھالقىلىق جەڭ بولۇپ قېلىشى مۇمكىن.