نۇرغۇن ئىستېمالچىلار يېڭى بىر ئەۋلاد iPhone زادى 4Gلىق تورنى قوللامدۇ-يوق دېگەن مەسىلىگە ئىنتايىن كۆڭۈل بۆلىدۇ، ھالبۇكى سامسۇڭمۇ ئوخشاشلا بۇ مەسىلىگە ئېتىبار بىلەن قارايدۇ. بۇ يىلنىڭ بېشىدا كورىيە ئاخبارات ۋاسىتىلىرىنىڭ خەۋىرىگە قارىغاندا، كورىيە تېلېگراف تىجارەت سودىگىرى SK Telecom نىڭ ئىسپاتلىشىچە LTE iPhone 5 ئىقتىدارىنى قوللايدىكەن.
خەۋەردە ئېيتىلىشىچە، SK Telecom ئالما بىلەن بىرلىككە كەلگەنلىكىنى ، كورىيىدە LTE ئىقتىدارىنى قوللايدىغانiPhone 5 نى ئېلان قىلماقچى ئىكەنلىكنى ئاشكارا ھالدا ئىپادىلىگەن. ناھايىتى تېزلا سامسۇڭ ئەگەر ئاخىردا راستىنىلا مۇشۇنداق بولسا ، ئۇنداقتا ئۇلار بىرىنچى ۋاقىتتا ( iPhone 5 بازارغا سېلىنىشتىن بۇرۇن ) ئالمىنىڭ ئۈستىدىن ئەرز قىلىدىغانلىقىنى جاكارلىغان.
بۇنىڭدىن سىرت سامسۇڭ ئىپادە بىلدۈرۈپ، كورىيەدىن باشقا يەنە ئامېرىكا ۋە ياۋروپادا ئالما ئۈستىدىن ئەرز قىلىدىغانلىقىنى، شۇنداقلا سوت مەھكىمىسىنىڭ مەزكۇر دۆلەت ياكى رايوندا iPhone 5 نى سېتىشنى چەكلىشىنى تەلەپ قىلىدىغانلىقىنى، چۈنكى بۇ تىپتىكى يانفوننىڭ مۇقەررەر ھالدا ئۆزىنىڭ 4G LTE پاتېنتىغا دەخلى-تەرۇز قىلىدىغانلىقىنى ئېيتقان.
قىزىقارلىقى شۇكى، ھازىر ئامېرىكا خەلقئارالىق سودا تەشكىلاتى دەل HTC بىلەن ئالمىنىڭ پاتېنت دېلوسىنى تەكشۈرۈپ بىر تەرەپ قىلىۋاتقان بولۇپ، HTC ئالمىنى ئۆزلىرىنىڭ4G LTE تېخنىكىسىغا ئالاقىدار ئىككى خىل پاتېنتىغا دەخلى-تەرۇز قىلدى دېگەن، بۇ دېلونى قوبۇل قىلغان سودىيە Thomas Pender نىڭ كۆرسىتىشىچە ، ئالما بۇنىڭدىكى ئىككى پاتېنتنى ئىناۋەتسىز دەپ مۇئەييەنلەشتۈرۈشى ئىنتايىن تەس ئىكەن.
ئەگەرHTC ئەڭ ئاخىردا غەلىبە قىلسا ئۇنداقتا iPad ھەتتا iPhone 5 (ئەگەر4G لىق تورنى قوللىسا) مۇ سېتىشى چەكلىنىش تەقدىرىدىن قۇتۇلالمايدىكەن.