يېقىندىلا ئېلان قىلىنغان Lumia 920 ،  ، نوكىياغا ئاز بولىمغان شەرەپلەرنى ئېلىپ كەلگەن. بۇ يانفونغا ئىشلىتىلگەن 4.5 ديۇيىملىق ئېكراننىڭ پەرقلەندۈرۈشچانلىق 1280×768 غا يەتكۈزۈلگەن ھەمدە 1.5GHz لىق گالتون S4 قوش يادرولۇق بىر تەرەپ قىلغۇچ ئىشلىتىلگەن، RAM مۇ 1GB غا يەتكۈزۈلگەن، يانفون گەۋدىسىنىڭ ساقلاش بوشلۇقى 32GB چوڭلۇقىدا، ئەمما 8 مىلىيون پىكىسېللىق ئاساسىي فوتو كامېراسى يەنىلا كىشىنى ئۈمىدسىزلەندۈرىدۇ. «سۈزۈك كۆرۈنۈش» تېخنىكىسىدىكى نوكىيا PureView 808  نىڭ فوتو كامېراسىنىڭ پىكىسېل زىچلىقى ئاللىقاچان 41 مىلىيون پىكىسېلغا يەتكۈزۈلگەن ئىدى.
 

   كىشىنى خۇشال قىلىدىغان بىر تەرىپى، نوكىيا يۇقىرى دەرىجىلىك مۇئاۋىن باش درېكتورى كېۋىن.شىلدىس يېقىندا زىيارەت قوبۇل قىلغاندا، ئىچىگە 41 مىلىيون پىكىسېللىق فوتوكامېرا سەپلەنگەن نوكىيا Lumia يانفونىنىڭ ئۇزۇنغا قالماي بازارغا سېلىنىدىغانلىقىدىن بىشارەت بەرگەن. نوكىيانىڭ بۇ يۇقىرى دەرىجىلىك ئەمەلدارىنىڭ گەپ-سۆزىدە، 41 مىلىيون پىكىسېل بىلەن ئوپتىكا ئىلمىدىكى سىلكىنىشكە قارشى تېخنىكىسىنى بىر ۋاقىتتا مەيدانغا چىقىرىش نوكىيا ئىنژېنىرلىرىغا قىيىنغا توختىمايدىغاندەك مەنا ئىپادىلەنگەن. شۇنداقلا نۆۋەتتىكى نوكىيا Lumia 920 نىڭ پەقەتلا 8 مىلىيون پىكىسېللىق فوتو كامېرا لايھىەسىدىن قارىغاندىمۇ، كەلگۈسىدە ئالدىن بوشلۇق قالدۇرىدىغان، دەرىجە يۇقىرىلىتىلغان نۇسخىدىكى يانفوننى ياساپ چىقىش ئېھتىماللىقىنىمۇ نەزەردىن ساقىت قىلغىلى بولمايدۇ.
بۇنىڭدىن سىرت، ئىلگىرى نوكىيا يەنە بىر يېڭى پاتېنتنى تاپشۇرغان بولۇپ، بۇ يېڭى پاتېنت مەزمۇنى يۇقىرى پىكىسېللىق ئەقلىي ئىقتىدارلىق نېپىزلىتىلگەن يانفونغا چېتىلىشى مۇمكىن. ئەمما نۆۋەتتە نوكىيا Lumia 920 نىڭ يېڭىلا ئېلان قىلىنىشى بىلەن، ئوتتۇرا ۋە تۆۋەن سەۋىيەلىك يانفون تىپلىرىنىڭ ئوتتۇرىغا چىقىشى زۆرۈر بولغانلىقتىن، 41 مىلىيون پىكىسېللىق Lumia يانفونىنىڭ مەيدانغا چىقىشىغا خېلى ئۇزۇن بىر ۋاقىت كېتىشى مۇمكىن.