Iphone5 دۇنيا مىقياسىدا ئاۋسترالىيەدە ھەممىدىن بۇرۇن سېتىشقا باشلىنىدىغان بولغاچقا، دۇنيانىڭ ھەر قايسى جايلىرىدىن كەلگەن ئالدىن چاپارلار ئاۋسترالىيەدىكى ئالما مەھسۇلاتلىرى پارچە سېتىش دۇكىنىنىڭ ئالدىغا يىغىلدى. دۇكان ئالدىدىكى ئۆچىرەتتە ئالما شىركىتىنىڭ ھەمكارلىشىپ قۇرغۇچىسى ۋوزنىك بىلەن iFixit چۇۋۇپ چۈشەندۈرۈش گورۇپپىسىدىن باشقا يەنە نۇرغۇنلىغان تاراتقۇلارمۇ بار. بۇلارنىڭ ئىچىدە دۇنيادىكى تۇنجى Iphone5 نى قولغا كەلتۈرۈش ئارزۇسىدا بولىۋاتقان Mobile Phone Finder پەن-تېخنىكا تورىمۇ بار ئىدى، لېكىن بۇ قېتىم ئۇلار ئارماندا قالدى.Mobile Phone Finder تورى مەسئۇلىنىڭ ئېيتىشىچە، تۇنجى Iphone5 نى قولغا كەلتۈرۈش ئۈچۈن، شىركەت 3 كۈن بۇرۇنلا 5 نەپەر خىزمەتچىسىنى ئالما دۇكىنى ئالدىدا ئۆچرەتتە تۇرۇشقا ئىۋەتكەن. لېكىن ئەپسۇسلىنارلىقى دۇنيا بۇيىنچە تۇنجى Iphone5 سېتىۋېلىش سانىنى دۇكان ئېچىشتىن 17 سائەت بۇرۇن يېتىپ كەلگەن James بىلەن Tamsyn قولغا كەلتۈرگەن.ئاڭلاشلارغا قارىغاندا، ئالما شىركىتىنىڭ خادىملىرى ئۆچرەتنىڭ ئەڭ ئالدىدا تۇرغان Mobile Phone Finder نىڭ خادىملىرىنى كەينىگە ئىتتىرگەن، شۇ ئارىدا James بىلەن Tamsyn قا پۇرسەت چىقىپ ئەڭ ئالدىغا ئۆتىۋالغان. شۇنىڭ بىلەن بىرگە يەنە بەزىلەرنىڭ ئېيتىشىچە، ئالما شىركىتى تۇنجى Iphone5 نىڭ سودا تۈسىنى ئالغانلارنىڭ قولىغا چۈشىشىنى خالىمايدىكەن.دۇنيانىڭ ھەر قايسى جايلىرىدىكى Iphone5 نىڭ باھاسى: كانادا 699 كانادا دوللىرى (تەخمىنەن 4500 يۈەن خەلق پۇلى) ئەنگىلىيە 529 فوندىستىرلىڭ (تەخمىنەن 5500 يۈەن خەلق پۇلى) سىنگاپور 948 سىنگاپور دوللىرى (تەخمىنەن 4830 يۈەن خەلق پۇلى) جۇڭگو شىياڭگاڭ رايونى 5588 شياڭگاڭ پۇلى ( تەخمىنەن 4560 يۈەن خەلق پۇلى) ئاۋسترالىيە 799 ئاۋىستىرالىيە دوللىرى (تەخمىنەن 5250 يۈەن خەلق پۇلى) فىرانسىيە 679 ياۋرو (تەخمىنەن5550 يۈەن خەلق پۇلى) گېرمانىيە 679 ياۋرو (تەخمىنەن 

5550 يۈەن خەلق پۇلى)