بېيجىڭ ۋاقتى 25- سېنتەبر سوخۇ تېخنىكا خەۋىرىدە، iPhone5 يېقىندىن بۇيان تاراتقۇلارنىڭ قىزغىن مۇنازىرە قىلىدىغان تېمىسى بولۇپ قالغانلىقى، گۇگېل پاي باھاسى 24- سېنتەبر تۇيۇقسىزلا تارىختىكى ئەڭ يۇقىرى رېكورتنى ياراتقانلىقى ۋە Facebook ھەيۋىسىنىڭ ئۇنچە كۈچلۈك ئەمەس بولۇشىنىڭ گۇگېل پايچىكلىرىنى غەمدىن خالاس قىلغانلىقىغا ئالاقىدار خەۋەرلەر كۆرسىتىلگەن.
 
  شۇ كۈندىكى ئاخىرقى ھېسابتا، گۇگېلنىڭ پاي باھاسى 2.1 پرسەنت ئۆرلىگەن بولۇپ، 749.38 ئامېرىكا دوللىرىلىق باھادا يىغىۋېلىنغان، ئاخىرقى ھېسابتىن كېيىنكى پاي چېكى سودىسىدا، پاي باھاسى داۋاملىق ئۆرلەپ 751.33 ئامېرىكا دوللىرىغا يەتكەن بولۇپ، بۇ باھا پاي باھاسى تارىخىدا يارىتىلغان بىر رېكورت بولۇپ قالغان. نۆۋەتتە، گۇگېلنىڭ بازار باھاسى 245 مىلىيارد ئامېرىكا دوللىرىغا يەتكەن.

  يېقىنقى يىللاردىن بۇيان، گۇگېلنىڭ پاي باھاسى مۇقىم ھالدا 15 پرسەنت ئاشقان بولۇپ، گۇگېل تورىنىڭ ئىزدەش ئىقتىدارى يېتەكچى ئورۇندا تۇرغان، ئۇنىڭدىن باشقا Android مەشغۇلات سىستېمىسى كېڭىيىشكە باشلىغان، YouTube مۇ ياخشى بىر كىرىم مەنبەسى بولۇپ قالغان.

 ھەپتىنىڭ بىرىنچى كۈنىدىكى خۇاچى گۇرۇھىنىڭ بىر تۈرلۈك تەتقىقات دوكلاتى گۇگېلنىڭ پاي باھاسى ئۆرلىشىگە بىۋاسىتە سەۋەب بولۇپ قالغان. خۇاچى گۇرۇھىنىڭ مۆلچەرىچە، كەلگۈسى 12 ئاي ئىچىدە گۇگېل پاي باھاسى يەنىلا داۋاملىق ئۆرلەيدىكەن. بۇ ئورگان نىشاندىكى پاي باھاسىنى 740 ئامېرىكا دوللىرىدىن 850 ئامېرىكا دوللىرىغا يۇقىرىلىتىدىكەن.

    بۇ دوكلاتتا، گۇگېلغا مۇناسىۋەتلىك بىر قىسىم ئەندىشىلەر تېخىمۇ چوڭايتىۋېتىلگەن، بۇنىڭ ئىچىدە موتورولا كۆچمە شىركىتىنىڭ تەننەرخىنىڭ قانداق قىلىپ كۆچمە ئالاقە تورى ئارقىلىق ئېرىشىلگەنلىكى ۋە Facebook  نىڭ رىقابەت ھەيۋىسى قاتارلىقلارمۇ بار ئىكەن.

  يېقىندا، Facebook باش ئىجرائىيە ئەمەلدارى زاكبېرگنىڭ بىر قانچە ئىپادىسى گۇگېلغا بولغان ھەيۋىسىنى پەسەيتكەن مەنانى بىلدۈرگەن. بۇمۇ  Facebook نىڭ مۇناسىۋەتلىك كەسىپلەردە گۇگېل بىلەن رىقابەتلىشىپ قالمايدىغانلىقىدىن دېرەك بېرىدىكەن.

  ئۇنىڭدىن سىرت، گۇگېل ئاچقان Android سىستېمىسى، پۈتۈن يەر شارى بازىرىدا كۈنسېرى ئۆرلەش ۋەزىيتىدە تۇرۇۋاتىدۇ. IDC نىڭ ئالدىنقى ئايدىكى دوكلاتىدا كۆرسىتىلىشىچە، ئىككىنچى پەسىلنىڭ ئاخىرىدا Android سىستېمىسى پۈتۈن يەر شارى كۆچمە مەشغۇلات سىستېمىسى بازىرىدا 85 پرسەنتلىك ئۈلۈشنى ئىگەللىگەن بولۇپ، رىقابەت رەقىبى iOS دىنمۇ ئېشىپ كەتكەن. IDC دىمۇ، كۆچمە مەشغۇلات سىستېمىسى ئاللىقاچان گۇگېل ۋە ئالما «ئىككى مۇشتۇمزورلار مونوپۇل قىلىش» ۋەزىيتىنى شەكىللەندۈرگەن.