ﺩﯦﻠﻮ ﺗﯜﺭﻟﯩﺮﯨﺪﯨﻦ ﺋﻪﺧﻼﻕ ﻛﯩﺮﺯﺳﯩﻤﯩﺰﮔﻪ ﻧﻪﺯﻩﺭ(2)

<< ﺩﯦﻠﻮ ﺗﯜﺭﻟﯩﺮﯨﺪﯨﻦ ﺋﻪﺧﻼﻕ ﻛﯩﺮﺯﺳﯩﻤﯩﺰﮔﻪ ﻧﻪﺯﻩﺭ(1) | باش بەت | ﺩﯦﻠﻮ ﺗﯜﺭﻟﯩﺮﯨﺪﯨﻦ ﺋﻪﺧﻼﻕ ﻛﯩﺮﺯﺳﯩﻤﯩﺰﮔﻪ ﻧﻪﺯﻩﺭ(3) >>

ﺩﯦﻠﻮ ﺗﯜﺭﻟﯩﺮﯨﺪﯨﻦ ﺋﻪﺧﻼﻕ ﻛﯩﺮﺯﺳﯩﻤﯩﺰﮔﻪ ﻧﻪﺯﻩﺭ(2) - [ئىجتىمائى مەسىللەر]

ﻣﺎﻧﺎ ﺑﯘ ﮬﺎﺯﯨﺮ ﭼﻮﯓ ﺑﻮﻟﯩﯟﺍﺗﻘﺎﻥ، ﻛﻪﻟﮕﯜﺳﯩﺪﻩ ﺋﺎﻧﺎ ﺑﻮﻟﯘﺵ، ﭘﻪﺭﺯﻩﻧﺖ ﺗﻪﺭﺑﯩﻴﯩﻠﻪﺵ ﻣﻪﺳﺌﯘﻟﯩﻴﯩﺘﯩﻨﻰ ﺋﯜﺳﺘﯩﮕﻪ ﺋﺎﻟﯩﺪﯨﻐﺎﻥ ﻗﯩﺰﻟﯩﺮﯨﻤﯩﺰﺩﯨﻦ ﺑﯩﺮ ﻛﯚﺭﯛﻧﯜﺵ. ﻣﯩﻠﻠﻪﺗﻨﯩﯔ ﻛﯧﻠﻪﭼﯩﻜﻰ، ﺋﯜﻣﯩﺪﻯ ﺑﻮﻟﻐﺎﻥ ﺋﯚﺳﻤﯜﺭﻟﻪﺭﺩﯨﻦ ﺑﯩﺮ ﻛﯚﺭﯛﻧﯜﺵ. «ﺑﺎﻟﯩﻠﯩﺮﯨﻢ ﻣﻪﻛﺘﻪﭘﺘﻪ ﺑﯩﻠﯩﻢ ﺋﯩﮕﯩﻠﻪﭖ، ﮬﻪﺭ ﺗﻪﺭﻩﭘﻠﯩﻤﻪ ﻳﯧﺘﯩﺸﻜﻪﻥ ﺋﺎﺩﻩﻡ ﺑﻮﻟﯩﺪﯗ، ﻗﯩﺰ ﺑﺎﻟﯩﻨﻰ ﻳﺎﺧﺸﯩﺮﺍﻕ ﺋﻮﻗﯘﺗﯘﭖ ﻗﻮﻳﺴﺎﻕ ﭼﻰ ﺑﻮﻟﻤﯩﻐﺎﻧﺪﺍ ﺋﯚﺯ ﻛﯜﻧﯩﻨﻰ ﺋﯚﺯﻯ ﺋﺎﻟﯩﺪﯗ، ﺑﺎﻟﯩﻠﯩﻖ ﺑﻮﻟﺴﺎ ﭘﻪﺭﺯﻩﻧﺘﯩﻨﻰ ﻳﺎﺧﺸﻰ ﺗﻪﺭﺑﯩﻴﻠﯩﻴﻪﻟﻪﻳﺪﯗ» ﺩﯦﮕﻪﻥ ﺋﯜﻣﯩﺪﻟﻪﺭ ﺑﯩﻠﻪﻥ ﭘﻪﺭﺯﻩﻧﺘﻠﯩﺮﯨﻨﻰ ﺋﻮﻗﯘﯞﺍﺗﻘﺎﻥ ﺋﺎﺗﺎ- ﺋﺎﻧﯩﻼﺭ ﺑﯩﻠﯩﺸﻨﻰ، ﺋﺎﯕﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺭﯦﺌﺎﻟﻠﯩﻖ ﺋﯩﺪﻯ.
ﻣﻪﻳﻠﻰ ﺋﯧﺘﯩﺮﺍﭖ ﻗﯩﻼﻳﻠﻰ ﻳﺎﻛﻰ ﺋﯧﺘﯩﺮﺍﭖ ﻗﯩﻠﻤﺎﻳﻠﻰ «ﻳﯘﻗﯩﺮﯨﻘﯩﺪﻩﻙ ﺑﯚﺷﯜﻛﯩﺪﻩ ﺑﯘﺯﯗﻟﯘﭖ ﻛﻪﺗﻜﻪﻥ» ﻗﯩﺰﻻﺭﻧﯩﯔ ﻛﯚﭘﯩﻴﯩﭗ ﻛﯧﺘﯩﺸﯩﻨﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺩﯛﭺ ﻛﯧﻠﯩﯟﺍﺗﻘﺎﻥ ﻳﻪﻧﻪ ﺑﯩﺮ ﺋﯧﻐﯩﺮ ﻣﻪﺳﯩﻠﻪ.
ﺋﺎﻗﺴﯘﺩﯨﻜﻰ ﻣﻪﻟﯘﻡ ﺗﯧﺨﻨﯩﻜﻮﻡ ﻣﻪﻛﺘﻪﭘﻜﻪ ﺩﻩﺭﺱ ﺋﯚﺗﯜﯞﺍﺗﻘﺎﻥ ﺑﯩﺮ ﺩﻭﺳﺘﯘﻣﻨﯩﯔ ﺩﯦﻴﯩﺸﯩﭽﻪ ﺑﯘ ﻣﻪﻛﺘﻪﭘﺘﻪ ﻛﯧﭽﯩﺴﻰ ﻗﯩﺰﻻﺭ ﻳﺎﺗﺎﻕ ﺑﯩﻨﺎﺳﻰ ﺗﺎﻗﺎﻟﻐﺎﻧﺪﯨﻦ ﻛﯧﻴﯩﻦ ﺋﻮﻏﯘﻟﻼﺭﻧﯩﯔ ﻳﯧﻨﯩﻐﺎ ﭼﯩﻘﯩﺶ ﺋﯜﭼﯜﻥ ﻗﻪﯞﻩﺗﻠﯩﻚ ﻳﺎﺗﺎﻗﻨﯩﯔ ﺩﯦﺮﯨﺰﯨﺴﯩﺪﯨﻦ ﭼﯜﺷﻜﯩﻠﻰ ﺋﯘﺭﯗﻧﯘﭖ ﭘﯘﺗﯩﻨﻰ ﺳﯘﻧﺪﯗﺭﯗﯞﺍﻟﻐﺎﻥ ﻗﯩﺰ ﺋﻮﻗﯘﻏﯘﭼﯩﻼﺭﺩﯨﻦ ﺑﯩﺮ ﻗﺎﻧﭽﯩﺴﻰ ﺑﺎﺭ ﺋﯩﻜﻪﻥ. ﻣﻪﻳﻠﻰ ﻳﯘﻗﯩﺮﯨﻘﻰ ﺩﯦﻠﻮﺩﯨﻜﻰ ﻗﯩﺰﻻﺭﻧﯩﯔ ﺋﻪﮬﯟﺍﻟﻰ ﺑﻮﻟﺴﯘﻥ ﻳﺎﻛﻰ ﭘﯘﺗﯩﻨﻰ ﺳﯘﻧﺪﯗﺭﯗﯞﺍﻟﻐﺎﻥ ﻗﯩﺰﻻﺭﻧﯩﯔ ﺋﻪﮬﯟﺍﻟﻰ ﺑﻮﻟﻐﺎﻥ ﯞﻩ ﻳﺎﻛﻰ ﺟﻪﻣﺌﯩﻴﻪﺗﺘﯩﻜﻰ ﺋﯚﺯﯨﻤﯩﺰ ﻛﯚﺭﯛﭖ ﺗﯘﺭﯨﯟﺍﺗﻘﺎﻥ ﻛﯚﭘﻠﯩﮕﻪﻥ ﻗﯩﺰﻻﺭﻧﯩﯔ ﺋﻪﮬﯟﺍﻟﻰ ﺑﻮﻟﺴﯘﻥ ﺑﯩﺰﺩﻩ ﺋﻪﺧﻼﻕ ﺗﻪﺭﺑﯩﻴﯩﻤﯩﺰﮔﻪ، ﺗﻪﺷﯟﯨﻘﺎﺗﻠﯩﺮﯨﻤﯩﺰﺩﯨﻜﻰ ﻣﺎﺋﺎﺭﯨﭗ ﻣﯘﯞﺍﭘﯩﻘﻘﯩﻴﻪﺗﻠﯩﺮﯨﻤﯩﺰﮔﻪ ﮔﯘﻣﺎﻥ ﭘﻪﻳﺪﺍ ﻗﯩﻠﯩﺪﯗ. ﺗﻪﺷﯟﯨﻘﺎﺗﻠﯩﺮﯨﻤﯩﺰﺩﯨﻜﻰ «ﻣﻪﺩﻩﻧﯩﻴﻪﺗﺘﻪ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﯩﻤﯩﺰ، ﺋﻪﯞﻻﺩﻟﯩﺮﯨﻤﯩﺰ ﺋﻪﻗﻠﻰ ﯞﻩ ﺋﻪﺧﻼﻗﻰ ﺟﻪﮬﻪﺗﻠﻪﺭﺩﻩ ﺳﺎﻏﻼﻡ ﻳﯧﺘﯩﻠﯩﯟﺍﺗﯩﺪﯗ، ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﻣﻪﺯﮔﯩﻠﺪﻩ ﺗﯘﺭﯗﯞﺍﺗﯩﻤﯩﺰ» ﺩﯦﮕﻪﻧﺪﻩﻙ ﺋﯚﺯﯨﻤﯩﺰﻧﻰ ﺧﻮﺵ ﻗﯩﻠﯩﺪﯨﻐﺎﻥ ﮔﻪﭘﻠﻪﺭﮔﻪ ﻣﻪﺳﺨﯩﺮﯨﻠﯩﻚ ﺳﯘﺋﺎﻝ ﺗﺎﺷﻼﻳﺪﯗ. ﻛﯩﺸﯩﻠﻪﺭﺩﻩ «ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﻣﻪﺯﮔﯩﻞ ﻛﯧﻠﻪﭼﻪﻛﺘﻪ ﺩﯗﻧﻴﺎﻧﻰ ﺗﻪﯞﺭﯨﺘﯩﺪﯨﻐﺎﻥ ﻗﯩﺰﻻﺭ 16 ﻳﺎﺷﻘﺎ ﺗﻮﺷﻤﺎﻱ ﺗﯘﺭﯗﭖ ﺋﯩﭙﭙﯩﺘﯩﻨﻰ ﻳﻮﻗﯩﺘﯩﺪﯨﻐﺎﻥ ﻣﻪﺯﮔﯩﻠﻤﯘ؟، ﻗﻮﺭﺳﯩﻘﻰ ﯞﻩ ﻛﯩﻴﯩﻢ- ﻛﯧﭽﯩﻜﻰ ﺋﯜﭼﯜﻥ ﺷﯘﻧﺪﺍﻗﻼ ﭘﯘﻝ ﺋﯜﭼﯜﻥ ﺋﯩﻜﻜﯩﻠﻪﻧﻤﻪﻳﻼ ﺋﯩﭙﭙﯩﺘﯩﻨﻰ ﺳﺎﺗﯩﺪﯨﻐﺎﻥ ﻣﻪﺯﮔﯩﻠﻤﯘ؟»،«ﺋﯩﭙﭙﻪﺗﺴﯩﺰ ﻳﯧﺘﯩﻠﯩﯟﺍﺗﻘﺎﻥ ﻗﯩﺰﻻﺭ ﺳﺎﻏﻼﻡ ﻳﯧﺘﯩﻠﮕﻪﻥ ﺑﻮﻻﻣﺪﯗ؟»، «ﺧﻪﻟﻘﯩﻤﯩﺰﻧﯩﯔ ﻣﻪﻧﯩﯟﻯ ﺗﯜﯞﺭﯛﻛﻰ ﺑﻮﻟﻐﺎﻥ ﺋﯧﺘﯩﻘﺎﺩﺗﯩﻦ ﭼﻪﺗﻨﻪﭖ، ﺋﯚﺯﮔﯩﻠﻪﺭﻧﯩﯔ ﺋﯩﺪﯨﻴﯩﺴﻰ، ﻗﯩﻤﻤﻪﺕ ﻗﺎﺭﺍﺷﻠﯩﺮﯨﻨﻰ ﻗﺎﺭﯨﻐﯘﻻﺭﭼﻪ ﻗﯘﺑﯘﻝ ﻗﯩﻠﯩﭗ، ﺋﻪﺧﻼﻕ ﺑﯘﺯﯗﻟﯘﺷﯩﻨﻰ ﺋﻪﯞﺝ ﺋﺎﻟﺪﯗﺭﯞﯦﺘﯩﺶ ﻣﻪﺩﻩﻧﯩﻴﻪﺕ ﺗﻪﺭﻩﻗﻘﯩﻲ ﻗﯩﻼﻣﺪﯗ؟» ﺩﯦﮕﻪﻧﺪﻩﻙ ﺳﻮﺋﺎﻟﻼﺭﻧﻰ ﭘﻪﻳﺪﺍ ﻗﯩﻠﯩﺪﯗ.
ﺧﻪﻟﻘﯩﻤﯩﺰ ﺋﻪﺯﻩﻟﺪﯨﻦ ﺋﻪﺧﻼﻗﯩﻲ ﭘﻪﺯﯨﻠﻪﺗﻜﻪ ﺋﯧﺘﯩﺒﺎﺭ ﺑﯧﺮﯨﺪﯨﻐﺎﻥ ﺧﻪﻟﻖ ﺋﯩﺪﻯ. ﻣﯘﻛﻪﻣﻤﻪﻝ ﺋﻪﺧﻼﻕ- ﭘﻪﺯﯨﻠﻪﺕ ﺋﯩﺪﯨﻴﯩﻤﯩﺰ ﺋﯘﺯﯗﻧﺪﯨﻦ ﺗﺎﺭﺗﯩﭗ ﻣﻪﯞﺟﯘﺕ ﺋﯩﺪﻯ. ﺑﻮﻟﯘﭘﻤﯘ ﺋﺎﻳﺎﻟﻼﺭ ﯞﻩ ﻗﯩﺰﻻﺭ ﺋﻪﺧﻼﻗﯩﻲ ﺟﻪﮬﻪﺗﺘﻪ ﺋﺎﻻﮬﯩﺪﻩ ﺳﻪﺯﮔﯜﺭ ﺋﯩﺪﻯ. ﻛﻼﺳﺴﯩﻚ ﭼﯚﭼﻪﻛﻠﯩﺮﯨﻤﯩﺰﺩﻩ ﺋﺎﺟﺎﻳﯩﭗ ﺋﻪﺧﻼﻗﻠﯩﻖ ﻗﯩﺰﻻﺭ، ﭘﺎﺭﺍﺳﻪﺗﻠﯩﻚ ﺋﺎﻳﺎﻟﻼﺭ ﺋﻮﺑﺮﺍﺯﻯ ﻛﯚﭖ ﺋﯩﺪﻯ. ﻣﺎﻗﺎﻝ- ﺗﻪﻣﺴﯩﻠﻠﯩﺮﯨﻤﯩﺰﺩﯨﻤﯘ ﺋﻪﺧﻼﻕ- ﭘﻪﺯﯨﻠﻪﺕ ﺑﻮﻟﯘﭘﻤﯘ ﺋﺎﻳﺎﻟﻼﺭ ﺋﻪﺧﻼﻗﯩﻨﻰ ﻣﻪﺯﻣﯘﻥ ﻗﯩﻠﻐﺎﻥ ﺋﺎﺟﺎﻳﯩﭗ ﺳﺎﺑﺎﮬﻪﺗﻠﯩﻚ ﭘﯩﻜﯩﺮﻟﻪﺭ، ﺋﯧﺴﯩﻞ ﺩﯗﺭﺩﺍﻧﯩﻠﻪﺭ ﭼﺎﻗﻨﺎﭖ ﺗﯘﺭﺍﺗﺘﻰ. ﺧﻪﻟﻘﭙﻪﺭﯞﻩﺭ ﻳﺎﺯﻏﯘﭼﯩﻤﯩﺰ ﺋﻪﺧﺘﻪﻡ ﺋﯚﻣﻪﺭ «ﻳﯩﮕﺎﻧﻪ ﺋﺎﺭﺍﻝ» ﺭﻭﻣﺎﻧﻰ ﺑﯩﻠﻪﻥ ﺑﯩﺮ ﭼﺎﻏﻼﺭﺩﯨﻜﻰ ﺋﯘﻳﻐﯘﺭ ﺋﻪﺧﻼﻗﯩﻨﯩﯔ، ﺋﯘﻳﻐﯘﺭ ﺋﯧﺘﯩﻘﺎﺩﯨﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺧﯘﺩﺩﻯ ﺋﯧﺴﯩﻞ ﺭﻩﺳﯩﻤﺪﻩﻙ ﻛﯚﺯ ﺋﺎﻟﺪﯨﻤﺪﺍ ﻧﺎﻣﺎﻳﻪﻥ ﻗﯩﻠﯩﭗ ﺑﻪﺭﮔﻪﻥ ﺋﯩﺪﻯ. ﺗﺎﻻﻧﺘﻠﯩﻖ ﻳﺎﺯﻏﯘﭼﻰ ﺳﻪﻣﻪﺕ ﺩﻭﮔﺎﻳﻠﯩﻤﯘ «ﮬﺎﻳﺎﺕ ﺷﺎﻣﺎﻟﻠﯩﺮﻯ» ﺭﻭﻣﺎﻧﯩﺪﺍ ﺋﺎﻳﻨﯘﺭ، ﺑﯘﺳﺎﺭﻩﻡ ﻗﺎﺗﺎﺭﻟﯩﻖ ﭘﻪﺯﯨﻠﻪﺕ ﺋﯩﮕﯩﻠﯩﺮﯨﻨﯩﯔ ﺋﻮﺑﺮﺍﺯﻯ ﺋﺎﺭﻗﯩﻠﯩﻖ ﺑﯩﺰﺩﻩ ﺑﯩﺮ ﭼﺎﻏﻼﺭﺩﯨﻜﻰ ﺋﺎﻳﺎﻟﻼﺭ ﺋﻪﺧﻼﻗﯩﻨﯩﯔ ﻗﺎﻧﺪﺍﻕ ﺋﯩﻜﻪﻧﻠﯩﻜﯩﻨﻰ ﺳﯜﺭﻩﺗﻠﻪﭖ ﺑﻪﺭﮔﻪﻥ ﺋﯩﺪﻯ. ﮬﺎﺯﯨﺮﻗﻰ ﻗﻪﺷﻘﻪﺭ ﻛﻮﭼﯩﻠﯩﺮﯨﺪﯨﻦ ﺋﺎﻳﻨﯘﺭ، ﺑﯘﺳﺎﺭﻩﻣﻠﻪﺭﻧﯩﯔ ﺋﯩﺰﻟﯩﺮﯨﻨﻰ ﺗﺎﭘﺎﻻﻳﻤﯩﺰﻣﯘ؟ ﮬﺎﺯﯨﺮﻗﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﯨﻦ ﺧﯧﻨﻴﺎ ﺳﺎﻳﯩﺖ، ﺋﺎﻧﺎﺭﺧﺎﻧﻨﯩﯔ ﺭﻭﮬﯩﻨﻰ، ﯞﯨﺠﺪﺍﻥ ﺳﯩﻤﺎﺳﯩﻨﻰ ﺋﯩﺰﺩﻩﺷﻜﻪ ﺟﯜﺭﺋﻪﺕ ﻗﯩﻼﻻﻳﻤﯩﺰﻣﯘ؟
ﺋﻪﺷﯘ ﮔﯜﺯﻩﻝ ﺋﻪﺧﻼﻗﻠﯩﺮﯨﻤﯩﺰ، ﺗﻪﯞﺭﻩﻧﻤﻪﺱ ﺋﯧﺘﯩﻘﺎﺩﻟﯩﺮﯨﻤﯩﺰ، ﺋﯩﻤﺎﻥ ﺑﯩﻠﻪﻥ ﯞﯨﺠﺪﺍﻥ ﺑﯩﻠﻪﻥ ﻳﺎﺷﺎﭖ ﺋﯚﺗﻜﻪﻥ ﺩﻩﯞﺭﯨﻠﯩﺮﯨﻤﯩﺰ، ﻣﯘﮬﻪﺑﺒﻪﺕ- ﻧﻪﭘﺮﻩﺕ ﺋﯧﻨﯩﻖ ﭼﺎﻏﻠﯩﺮﯨﻤﯩﺰ، ﮬﺎﻳﺎﺗﻠﯩﻖ ﺑﯩﻠﻪﻥ ﺋﯚﻟﯜﻣﻨﯩﯔ ﻣﯘﻧﺎﺳﯩﯟﯨﺘﯩﻨﻰ ﺋﻪﻗﻠﯩﻲ ﺗﻪﭘﻪﻛﻜﯜﺭ ﺑﯩﻠﻪﻥ ﺩﻩﯕﺴﻪﭖ، ﺋﺎﺩﻩﻣﺪﻩﻙ ﻳﺎﺷﯩﻴﺎﻟﯩﻐﺎﻥ ﺋﺎﺩﻩﻣﻠﯩﺮﯨﻤﯩﺰ ﺋﻪﻣﺪﻯ ﻛﻪﻟﻤﻪﺳﻜﻪ ﻛﻪﺗﺘﯩﻤﯘ؟ ﻧﯩﻤﯩﻠﻪﺭﻧﻰ ﻳﻮﻗﯘﺗﯘﭖ، ﻧﯧﻤﯩﻠﻪﺭﮔﻪ ﺋﯧﺮﯨﺸﯩﯟﺍﺗﯩﻤﯩﺰ؟ ﺭﺍﺳﺖ ﮔﻪﭘﻨﻰ ﺩﯦﮕﻪﻧﺪﻩ ﺑﺎﺭﻏﺎﻧﭽﻪ ﻗﻮﺭﻗﯘﻧﭽﺎﻕ ﺑﻮﻟﯘﭖ ﻛﻪﺗﺘﯘﻕ. ﮬﻪﻕ ﺋﯩﺶ ﻗﯩﻠﯩﺸﺘﯩﻨﻤﯘ ﻗﻮﺭﻗﺘﯘﻕ. ﮬﻪﻗﯩﻘﯩﻲ ﺳﯚﺯﻟﻪﺷﺘﯩﻨﻤﯘ ﻗﻮﺭﻗﺘﯘﻕ. ﺩﯗﻧﻴﺎﺩﺍ ﺋﯘﻳﻐﯘﺭﻧﯩﯔ ﺟﯧﻨﯩﺪﯨﻨﻤﯘ ﺗﺎﺗﻠﯩﻖ ﺟﺎﻥ ﺑﺎﺭﻣﯩﻜﯩﻦ؟ ﻣﺎﻧﺎ ﺑﯩﺮ ﭼﺎﻏﻼﺭﺩﺍ ﮬﻪﻗﯩﻘﯩﻲ ﺋﺎﺩﻩﻣﻠﯩﺮﯨﻤﯩﺰ ﺑﺎﺭ ﻗﻮﯞﻡ ﺋﯩﺪﯗﻕ. ﻳﯩﻠﻼﺭﻧﯩﯔ ﺋﯚﺗﯜﺷﻰ، ﺩﻩﯞﺭﯨﻨﯩﯔ ﺋﺎﻟﻤﯩﺸﯩﺸﻰ ﺑﯩﻠﻪﻥ ﺑﺎﺭﺍ- ﺑﺎﺭﺍ ﺗﯘﺭﻗﯩﻤﯩﺰ ﺋﺎﺩﻩﻣﺪﻩﻙ ﺗﯘﺭﻏﺎﻥ ﺑﯩﻠﻪﻥ ﺭﻭﮬﯩﻤﯩﺰ ﺋﺎﺩﻩﻣﻠﯩﻜﺘﯩﻦ ﻳﺎﺗﻼﺷﺘﻰ. ﺩﯗﻧﻴﺎﻏﺎ ﺋﯩﻨﺴﺎﻥ ﻧﯩﻤﯩﺸﻘﺎ ﻛﻪﻟﺪﻯ؟ ﺋﯩﻨﺴﺎﻥ ﻗﺎﻧﺪﺍﻕ ﻳﺎﺷﯩﺸﻰ ﻛﯧﺮﻩﻙ؟ ﺋﯩﻨﺴﺎﻧﺪﻩﻙ ﻳﺎﺷﺎﺵ ﺋﯜﭼﯜﻥ ﻧﯩﻤﯩﻠﻪﺭﻧﻰ ﻗﯩﻠﯩﺸﻰ ﻛﯧﺮﻩﻙ؟ ﺩﯦﮕﻪﻥ ﺳﻮﺋﺎﻟﻼﺭﻧﻰ ﺋﯚﺯﯨﻤﯩﺰﮔﻪ ﻗﻮﻳﯘﺷﺘﯩﻦ ﺋﯚﻟﮕﯜﺩﻩﻙ ﻗﻮﺭﻗﺘﯘﻕ. «ﺋﯩﺸﻪﻛﻨﯩﯔ ﺩﯛﻣﺒﯩﺴﯩﮕﻪ ﺋﺎﭘﺘﺎﭖ ﭼﯜﺷﺴﻪ ﻗﻮﻟﯘﯕﻨﻰ ﻗﺎﻗﻼ»، «ﺋﺎﺗﺎﯕﻨﻰ ﺋﯚﻟﺘﯜﺭﮔﻪﻧﮕﻪ ﺋﺎﻧﺎﯕﻨﻰ ﺑﻪﺭ» ﺩﯦﮕﻪﻧﺪﻩﻙ ﻛﻮﺭ ﻣﻪﻧﺘﯩﻘﯩﻠﻪﺭﻧﻰ ﺷﯘﺋﺎﺭ ﻗﯩﻠﯩﭗ ﺗﻮﯞﻻﭖ، ﺯﺍﻣﺎﻥ ﻗﺎﻧﺪﺍﻕ ﻛﻮﻟﺪﯗﺭﻻﺗﺴﺎ ﺷﯘﻧﺪﺍﻕ ﺋﯘﺳﯘﻝ ﺋﻮﻳﻨﺎﭖ، ﻳﯩﻠﺘﯩﺰﯨﻤﯩﺰﺩﯨﻦ، ﺋﻪﺳﻠﻰ ﺋﻪﻗﯩﺪﯨﻠﯩﺮﯨﻤﯩﺰﺩﯨﻦ ﻳﺎﺗﻼﺷﻘﺎﻥ ﺑﯩﺮ ﺋﻪﯞﻻﺩﻧﻰ ﻳﯧﺘﯩﺸﺘﯜﺭﯛﭖ ﭼﯩﻘﺘﯘﻕ. ﺗﯩﻠﻰ ﺋﯘﻳﻐﯘﺭﻧﯩﯔ ﺑﻮﻟﻐﺎﻥ ﺑﯩﻠﻪﻥ ﺩﯨﻠﻰ ﺋﯘﻳﻐﯘﺭﻏﺎ ﻳﺎﺕ ﺑﻮﻟﻐﺎﻥ؛ ﭼﯩﺮﺍﻳﻰ ﺋﯘﻳﻐﯘﺭ ﺑﻮﻟﻐﺎﻥ ﺑﯩﻠﻪﻥ ﻳﯜﺭﯨﻜﻰ ﺋﯘﻳﻐﯘﺭ ﺋﯜﭼﯜﻥ ﺳﻮﻗﻤﺎﻳﺪﯨﻐﺎﻥ» ﻗﯧﻨﻰ ﺋﯘﻳﻐﯘﺭﻧﯩﯔ ﺑﻮﻟﻐﯩﻨﻰ ﺑﯩﻠﻪﻥ ﺟﯧﻨﻰ ﺋﯘﻳﻐﯘﺭ ﺋﯜﭼﯜﻥ ﭼﯩﻘﻤﺎﻳﺪﯨﻐﺎﻥ؛ ﺩﺍﺩﯨﺴﻰ، ﺋﺎﭘﯩﺴﻰ ﺋﯘﻳﻐﯘﺭ ﺑﻮﻟﻐﺎﻥ ﺑﯩﻠﻪﻥ ﺋﯘﻳﻐﯘﺭﻧﻰ ﭘﻪﺱ ﻛﯚﺭﯨﺪﯨﻐﺎﻥ؛ ﺋﯩﺴﻤﻰ ﺋﯘﻳﻐﯘﺭﭼﻪ ﺑﻮﻟﻐﺎﻥ ﺑﯩﻠﻪﻥ ﯞﯗﺟﯘﺩﯨﺪﯨﻦ ﺋﯘﻳﻐﯘﺭﻏﺎ ﺧﺎﺱ ﮬﯧﭽﻨﯩﻤﻪ ﺗﺎﭘﻘﯩﻠﻰ ﺑﻮﻟﻤﺎﻳﺪﯨﻐﺎﻥ، ﺋﯩﺪﯨﻴﯩﺴﻰ، ﻗﯩﻠﯩﻘﻠﯩﺮﻯ، ﺋﻪﺧﻼﻗﻰ ﺋﯘﻳﻐﯘﺭﻏﺎ ﻳﺎﺕ ﺑﯩﺮ ﺗﯜﺭﻛﯜﻡ ﻣﺎﯕﻘﯘﺭﺗﻼﺭ ﺗﻮﭘﻰ ﺑﺎﺭﻟﯩﻘﻘﺎ ﻛﻪﻟﺪﻯ. ﺋﻪﺧﻼﻗﯩﻲ ﺟﻪﮬﻪﺗﺘﯩﻜﻰ ﺑﯘﺯﯗﻟﯘﺵ ﺋﯧﻐﯩﺮﻟﯩﺸﯩﭗ ﺷﯘ ﺩﻩﺭﯨﺠﯩﮕﻪ ﺑﺎﺭﺩﯨﻜﻰ، ﻳﯘﻗﯩﺮﯨﻘﻰ ﺩﯦﻠﻮﺩﯨﻜﯩﺪﻩﻙ ﺋﯩﭙﭙﻪﺗﺴﯩﺰ ﻗﯩﺰﻻﺭ ﻛﯚﭘﻪﻳﺪﻯ. ﻳﯧﺸﻰ ﺑﺎﺭﻏﺎﻧﭽﻪ ﻛﯩﭽﯩﻜﻠﻪﭖ ﺑﺎﺭﺩﻯ. «ﺑﺎﭼﻜﺎ ﺟﺎﻻﭖ» ﺩﯦﻴﯩﻠﯩﺪﯨﻐﺎﻥ ﺑﯘﻧﺪﺍﻕ ﻗﯩﺰﻻﺭﻧﯩﯔ ﻧﯚﯞﻩﺗﺘﻪ ﻣﯘﺋﻪﻳﻴﻪﻥ ﺟﻪﻣﺌﯩﻴﻪﺗﻠﻪﺷﻜﯩﻨﻰ ﺋﺎﺷﻜﺎﺭﻩ ﭘﺎﻛﯩﺖ ﺑﻮﻟﯘﭖ ﻗﺎﻟﺪﻯ.
ﺋﻪﻟﯟﻩﺗﺘﻪ ﺷﯘﻧﯩﻤﯘ ﺋﯧﺘﯩﺮﺍﭖ ﻗﯩﻠﯩﺶ ﻛﯧﺮﻩﻛﻜﻰ، ﻗﯩﺰﻟﯩﺮﯨﻤﯩﺰﻧﯩﯔ ﺋﯩﭙﭙﻪﺗﺴﯩﺰﻟﯩﺸﯩﺸﻰ ﻧﺎﻣﺮﺍﺗﻠﯩﻖ، ﺟﯩﻨﺎﻳﻪﺕ، ﺟﻪﻣﺌﯩﻴﻪﺕ، ﺋﺎﺋﯩﻠﻪ، ﺋﯩﺸﺴﯩﺰﻟﯩﻖ، ﺯﻩﮬﻪﺭﻟﯩﻚ ﭼﯧﻜﯩﻤﻠﯩﻚ ﻗﺎﺗﺎﺭﻟﯩﻖ ﻛﯚﭖ ﺧﯩﻞ ﺋﺎﻣﯩﻠﻼﺭ ﺑﯩﻠﻪﻧﻤﯘ ﻣﯘﻧﺎﺳﯩﯟﻩﺗﻠﯩﻚ. ﺋﻪﻣﻤﺎ ﻧﺎﻣﺮﺍﺗﻠﯩﻖ ﺑﯩﻠﻪﻥ ﺋﯩﺸﺴﯩﺰﻟﯩﻖ ﺋﺎﻣﯩﻠﻠﯩﺮﯨﻨﻰ ﻛﯚﺗﯜﺭﯛﭖ ﭼﯩﻘﯩﭗ ﺑﯘ ﺧﯩﻞ ﺋﻪﺧﻼﻕ ﻛﯩﺮﺯﯨﺴﯩﻨﻰ ﺋﺎﻗﻼﺵ ﻛﯩﺸﯩﻨﻰ ﻗﺎﻳﯩﻞ ﻗﯩﻼﻟﻤﺎﻳﺪﯗ. ﻳﯘﻗﯩﺮﯨﻘﻰ ﺩﯦﻠﻮﺩﯨﻜﻰ ﺋﻮﻗﯘﻏﯘﭼﻰ ﻗﯩﺰﻻﺭﻧﯩﯔ ﺑﯘ ﺟﻪﮬﻪﺗﺘﯩﻜﻰ ﺋﻪﮬﯟﺍﻟﯩﻐﺎ ﻗﺎﺭﺍﭖ ﺑﺎﻗﺴﺎﻗﻼ ﮬﻪﻣﻤﻪ ﭼﯜﺷﯩﻨﯩﺸﻠﯩﻚ ﺑﻮﻟﯩﺪﯗ. ﺑﯘ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﺋﯩﻠﯩﻠﯩﺮﯨﻨﯩﯔ ﺧﯧﻠﻰ ﮬﺎﻟﻠﯩﻖ ﺋﺎﺋﯩﻠﻪ ﺋﯩﻜﻪﻧﻠﯩﻜﻰ، ﻣﻪﻛﺘﻪﭘﻜﻪ ﺑﯧﺮﯨﺪﯨﻐﺎﻥ ﺧﯩﺮﺍﺟﻪﺗﻠﻪﺭﻧﻰ ﺗﻮﻟﯘﻕ ﺑﻪﺭﮔﻪﻧﻠﯩﻜﻰ، ﻗﯩﺰﻟﯩﺮﯨﻨﻰ ﺧﯩﺮﺍﺟﻪﺗﺘﯩﻦ ﻗﯩﺴﯩﭗ ﻗﻮﻳﻤﯩﻐﺎﻧﻠﯩﻘﻰ، ﻗﯩﺰﻻﺭﻧﯩﯔ ﺑﯘ ﭘﯘﻟﻼﺭﻧﻰ ﺩﯦﺴﻜﻮﺧﺎﻧﯩﻐﺎ ﺧﻪﺟﻠﯩﮕﻪﻧﻠﯩﻜﻰ ﻣﻪﻟﯘﻡ. ﺋﻪﻣﻤﺎ ﮬﺎﻟﻠﯩﻖ ﺗﯘﺭﻣﯘﺵ ﺋﯘﻻﺭﻧﯩﯔ ﻗﯩﺰﻟﯩﻖ ﺋﯩﭙﭙﯩﺘﯩﻨﻰ ﺳﺎﻗﻼﭖ ﻗﯧﻠﯩﺸﻘﺎ ﻗﺎﺩﯨﺮ ﺑﻮﻻﻟﻤﯩﻐﺎﻥ. ﺑﻪﺵ ﻗﯩﺰﻧﯩﯔ ﺋﯩﭽﯩﺪﯨﻜﻰ ﺗﯚﺗﻰ ﺟﯩﻨﺎﻳﻪﺗﺘﯩﻦ ﺑﯘﺭﯗﻧﻼ ﻗﯩﺰﻟﯩﻖ ﺋﯩﭙﭙﯩﺘﯩﻨﻰ ﻳﯘﻗﯘﺗﯘﭖ ﺑﻮﻟﻐﺎﻥ. ﺑﯘﻧﯩﯔ ﺳﻪﯞﻩﭘﭽﯩﺴﻰ ﻗﺎﻧﺪﺍﻗﺘﯘﺭ ﺟﯩﻨﺎﻳﻪﺕ ﺋﻪﻣﻪﺱ، ﺑﻪﻟﻜﻰ ﺋﺎﺷﯘ ﻗﯩﺰﻻﺭﺩﯨﻜﻰ ﺋﯧﺘﯩﻘﺎﺩﺳﯩﺰﻟﯩﻖ ﮬﻪﻡ ﺋﻪﺧﻼﻕ ﺋﯧﯖﯩﺪﯨﻦ ﺋﯩﺒﺎﺭﻩﺕ. ﮔﻪﭖ ﺑﯘ ﻳﻪﺭﮔﻪ ﻛﻪﻟﮕﻪﻧﺪﻩ ﺋﺎﻟﺪﯨﻤﯩﺰﺩﺍ ﭘﻪﻳﺪﺍ ﺑﻮﻟﯩﺪﯨﻐﺎﻥ ﺑﯩﺮ ﻗﺎﺗﺎﺭ ﺳﻮﺋﺎﻟﻼﺭﻧﻰ ﻳﺎﻧﺪﺍﭖ ﺋﯚﺗﯜﭖ ﻛﯧﺘﯩﺸﻜﻪ ﺋﺎﻣﺎﻟﺴﯩﺰ ﻗﺎﻟﯩﻤﯩﺰ. ﺋﻪﺷﯘ ﺳﻮﺋﺎﻟﻼﺭﻏﺎ ﺟﺎﯞﺍﭖ ﺑﯧﺮﯨﺶ ﺋﯜﭼﯜﻥ ﺗﯩﺮﯨﺸﯩﭗ ﻛﯜﺭﻩﺷﻜﻪ ﻣﻪﺟﺒﯘﺭ ﺑﻮﻟﯩﻤﯩﺰ.
ﺋﺎﺋﯩﻠﻪ ﺗﻪﺭﺑﯩﻴﯩﺴﻰ ﻗﯩﺰﻟﯩﺮﯨﻤﯩﺰﺩﺍ ﻗﯩﺰﻻﺭ ﺋﻪﺧﻼﻗﯩﻨﯩﯔ ﻣﯧﻐﯩﺰﻯ ﺑﻮﻟﻐﺎﻥ ﺋﯩﭙﭙﻪﺕ ﺋﯧﯖﯩﻨﻰ ﻧﯧﻤﻪ ﺋﯜﭼﯜﻥ ﻳﯧﺘﯩﻠﺪﯛﺭﯛﭖ ﭼﯩﻘﺎﻟﻤﺎﻳﺪﯗ؟ ﻣﻪﻛﺘﻪﭖ ﺗﻪﺭﺑﯩﻴﯩﺴﻰ ﻗﯩﺰﻻﺭﻧﻰ ﺋﻪﺧﻼﻗﻰ ﺑﯘﺯﯗﻟﯘﺷﺘﯩﻦ ﻧﯧﻤﻪ ﺋﯜﭼﯜﻥ ﺗﻮﺳﯘﭖ ﻗﺎﻻﻟﻤﺎﻳﺪﯗ؟ ﺟﻪﻣﺌﯩﻴﻪﺕ ﺋﻪﺧﻼﻗﻰ ﺑﯘﺯﯗﻟﯘﺷﻨﻰ ﻧﯧﻤﻪ ﺋﯜﭼﯜﻥ ﺋﻪﻳﯩﺒﻠﻪﺷﻜﻪ ﻗﺎﺩﯨﺮ ﺑﻮﻻﻟﻤﺎﻳﺪﯗ؟ ﺋﻪﻛﺴﯩﭽﻪ ﻧﯧﻤﻪ ﺋﯜﭼﯜﻥ ﺑﯘﺯﯗﻟﯘﺷﻨﻰ ﻛﯜﭼﻪﻳﺘﯩﺪﯗ؟
ﻣﯧﻨﯩﯖﭽﻪ ﺗﻪﺭﺑﯩﻴﯩﺴﯩﺰ ﻗﯧﻠﯩﺶ ﮬﺎﺯﯨﺮﻗﯩﺪﻩﻙ ﺋﯧﻐﯩﺮ ﻛﯩﺮﺯﯨﺴﻘﺎ ﭘﯧﺘﯩﭗ ﻗﯧﻠﯩﺸﯩﻤﯩﺰﺩﯨﻜﻰ ﺗﯜﭖ ﺳﻪﯞﻩﭖ ﺑﻮﻟﺴﺎ ﻛﯧﺮﻩﻙ. ﺗﺎﺭﯨﺨﯩﻤﯩﺰﻧﻰ ﯞﺍﺭﺍﻗﻼﭖ، ﺧﻪﻟﻘﯩﻤﯩﺰﻧﯩﯔ ﺗﻪﺭﺑﯩﻴﻪ (ﺭﻭﮬﯩﻴﺘﯩﻤﯩﺰﺩﯨﻦ، ﺋﻪﻧﺌﻪﻧﯩﻤﯩﺰﺩﯨﻦ، ﻳﯩﻠﺘﯩﺰﯨﻤﯩﺰﺩﯨﻦ ﭼﻪﺗﻨﻪﭖ ﻛﻪﺗﻜﻪﻥ ﺗﻪﺭﺑﯩﻴﻪ ﻣﻪﻥ ﻛﯚﺯﺩﻩ ﺗﯘﺗﻘﺎﻥ ﺗﻪﺭﺑﯩﻴﻪ ﺋﻪﻣﻪﺱ) ﭘﯘﺭﺳﻪﺗﻠﯩﺮﯨﮕﻪ ﻗﺎﻧﭽﯩﻠﯩﻚ ﺋﯧﺮﯨﺸﻜﻪﻧﻠﯩﻜﯩﻨﻰ ﺗﻪﻛﺸﯜﺭﺳﻪﻛﻼ ﮬﻪﻣﻤﻪ ﭘﺎﻛﯩﺖ ﺋﺎﻳﺎﻥ ﺑﻮﻟﯩﺪﯗ. ﺑﻮﺭﺍﻥ- ﭼﺎﭘﻘﯘﻧﻠﯘﻕ ﺋﯘﺯﺍﻕ ﺋﯚﺗﻤﯜﺷﻨﻰ ﻗﻮﻳﯘﭖ ﺗﯘﺭﯗﭖ، ﺋﯚﺗﻜﻪﻥ ﺑﯩﺮ ﺋﻪﺳﯩﺮﻧﻰ ﺋﻪﺳﻠﻪﭖ ﻛﯚﺭﯨﺪﯨﻐﺎﻥ ﺑﻮﻟﺴﺎﻕ، ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﺍ ﺧﻪﻟﻘﯩﻤﯩﺰﻧﯩﯔ ﻛﯜﻧﻰ ﺟﯩﯔ ﺷﯘﺭﯨﻦ، ﻳﺎﯓ ﺯﯨﯖﺸﯩﻦ، ﺷﯩﯔ ﺷﯩﺴﻪﻱ ﻗﺎﺗﺎﺭﻟﯩﻖ ﺋﺎﻟﺪﺍﻣﭽﻰ،ﻗﺎﻧﺨﻮﺭ ﺟﺎﻟﻼﺗﻼﺭﻧﯩﯔ ﺯﯗﻟﯩﻤﻰ ﺗﯩﺮﻭﺭﯨﺴﺘﯩﻚ ﺳﯩﻴﺎﺳﻰ ﺋﺎﺳﺘﯩﺪﺍ ﺋﯚﺗﺘﻰ. ﺷﯘﻧﺪﺍﻗﻼ، ﻳﻪﻧﻪ ﺋﺎﺷﯘﻻﺭﻧﯩﯔ ﺭﻩﺯﯨﻞ ﺳﯩﻴﺎﺳﯩﺘﯩﻨﯩﯔ ﻧﻪﺗﯩﺠﯩﺴﯩﺪﻩ، ﮬﻪﻣﺪﻩ ﺑﻮﺭﺍﻥ- ﭼﺎﭘﻘﯘﻥ، ﺳﯩﻴﺎﺳﯩﻲ ﺩﺍﯞﺍﻟﻐﯘﺷﻼﺭ ﺋﯩﭽﯩﺪﻩ ﺋﯚﺗﯜﭖ ﻛﻪﺗﺘﻰ. ﺋﻪﺭﻛﯩﻦ ﻣﯘﮬﯩﺖ ﺋﯩﭽﯩﺪﻩ ﺗﻪﺭﺑﯩﻴﻪ ﺋﯧﻠﯩﺶ، ﺗﻪﺭﺑﯩﻴﻪ ﺋﺎﺭﻗﯩﻠﯩﻖ ﺋﯚﺯﯨﻨﻰ ﻛﯜﭼﻪﻳﺘﯩﺶ ﭘﯘﺭﺳﻪﺗﻠﯩﺮﻯ ﻧﯧﺴﯩﭗ ﺑﻮﻟﻤﯩﺪﻯ.
20- ﺋﻪﺳﯩﺮﻧﯩﯔ ﻛﯧﻴﯩﻨﻜﻰ ﻳﯧﺮﯨﻤﻰ ﺑﺎﺷﻠﯩﻨﯩﺶ ﺑﯩﻠﻪﻥ ﺗﻪﯓ ﺋﺎﻳﯩﻘﻰ ﺋﯜﺯﯛﻟﻤﻪﺱ3 ﻳﯩﻠﻼﺭ ﺩﺍﯞﺍﻣﻼﺷﻘﺎﻥ ﺳﯩﻴﺎﺳﯩﻲ ﮬﻪﺭﯨﻜﻪﺗﻠﻪﺭ ﺧﻪﻟﻘﯩﻤﯩﺰﻧﯩﯔ ﺗﻪﺭﺑﯩﻴﯩﻠﯩﻨﯩﺶ ﭼﯜﺷﯩﻨﻰ ﺋﯜﺯﯨﻞ- ﻛﯧﺴﯩﻞ ﺑﯩﺘﭽﯩﺖ ﻗﯩﻠﯩﯟﻩﺗﺘﻰ. ﺧﻪﻟﻘﯩﻤﯩﺰﮔﻪ ﺑﯘﻧﺪﺍﻕ ﭘﯘﺭﺳﻪﺕ ﻳﻪﻧﯩﻼ ﻧﯧﺴﯩﭗ ﺑﻮﻟﻤﯩﺪﻯ. ﻗﻮﻝ ﺋﯩﻠﻜﯩﺪﻩ ﻣﯜﻟﻜﻰ ﺑﺎﺭﻻﺭ ﺋﻪﺳﻠﻰ- ﯞﻩﺳﻠﯩﺪﯨﻦ ﺗﺎﻣﺎﻣﻪﻥ ﺋﺎﻳﺮﯨﻠﺪﻯ. ﺑﯩﻠﯩﻤﻰ ﺑﺎﺭﻻﺭ ﺯﯨﻨﺪﺍﻧﻐﺎ ﺗﺎﺷﻼﻧﺪﻯ. ﮬﻪﻣﻤﻪ ﺋﺎﺩﻩﻡ ﮬﺎﻳﺎﺕ ﻳﺎﺷﺎﺵ ﮬﻪﻟﻪﻛﭽﯩﻠﯩﮕﯩﺪﻩ ﻗﯧﻠﯩﭗ، ﺗﻪﺭﺑﯩﻴﯩﻠﯩﻨﯩﺶ ﺩﯦﮕﻪﻧﻨﻰ ﺋﻮﻳﻼﺷﻘﯩﻤﯘ ﭼﻮﻟﯩﺴﻰ ﺗﻪﮔﻤﯩﺪﻯ. ﯞﯨﻼﻳﯩﺘﯩﻤﯩﺰﺩﯨﻜﻰ ﺋﻪﮬﯟﺍﻟﻨﻰ ﻣﯩﺴﺎﻟﻐﺎ ﺋﺎﻟﯩﺪﯨﻐﺎﻥ ﺑﻮﻟﺴﺎﻕ، ﺑﺎﻱ ﻧﺎﮬﯩﻴﯩﺪﻩ ﺳﯜﻧﺌﯩﻲ ﭘﻪﻳﺪﺍ ﻗﯩﻠﯩﻨﻐﺎﻥ ﺋﺎﭼﺎﺭﭼﯩﻠﯩﻘﺘﺎ ﻣﯩﯖﻼﭖ ﺋﺎﺩﻩﻣﻠﻪﺭ ﺋﺎﭺ ﻗﯧﻠﯩﭗ ﺋﯚﻟﺪﻯ. ﺋﯚﺯ ﺋﯧﺘﯩﻘﺎﺩﻯ ﺑﻮﻳﯩﭽﻪ ﮬﺎﺭﺍﻡ ﮔﯚﺵ ﻳﯧﻤﻪﻳﺪﯨﻐﺎﻥ ﺧﻪﻟﻖ ﺋﯚﻟﻤﻪﺳﻠﯩﻚ ﺋﯜﭼﯜﻥ ﺋﯩﺸﻪﻙ، ﺋﯩﺖ ﮔﯚﺷﻠﯩﺮﯨﻨﻰ ﻳﯧﻴﯩﺸﻜﻪ ﻣﻪﺟﺒﯘﺭ ﺑﻮﻟﺪﻯ. ﺗﺎﺷﻼﻧﺪﯗﻕ ﺳﯚﯕﻪﻛﻠﻪﺭﻧﻰ، ﺋﻮﺕ- ﭼﯚﭘﻠﻪﺭﻧﻰ ﻳﻪﭖ ﺑﯧﻘﯩﭙﻤﯘ ﮬﺎﻳﺎﺗﯩﻨﻰ ﺳﺎﻗﻼﺷﻘﺎ ﻛﯚﺯﻯ ﻳﻪﺗﻤﯩﮕﻪﻧﻠﯩﺮﻯ ﺋﺎﺩﻩﻡ ﮔﯚﺷﻰ (ﺋﺎﭼﻠﯩﻘﺘﺎ ﺋﯚﻟﮕﻪﻧﻠﻪﺭﻧﯩﯔ ﮔﯚﺷﻰ) ﻳﯧﻴﯩﺸﻜﻪ ﻣﻪﺟﺒﯘﺭ ﺑﻮﻟﺪﻯ. (ﻣﻪﻥ ﺑﯘ ﮬﻪﻗﺘﻪ ﺋﻪﮬﯟﺍﻝ ﺋﯩﮕﯩﻠﻪﭖ ﺑﯩﺮ ﻗﯩﺴﯩﻢ ﺋﯧﻨﯩﻖ ﺋﯘﭼﯘﺭﻏﺎ ﺋﯩﮕﻪ ﺑﻮﻟﺪﯗﻡ) ﺋﺎﭼﻠﯩﻘﺘﺎ ﺋﯚﻟﮕﻪﻧﻠﻪﺭﻧﻰ ﻗﺎﺋﯩﺪﻩ- ﻳﻮﺳﯘﻥ ﺑﻮﻳﯩﭽﻪ ﻳﯘﻳﯘﭖ- ﺗﺎﺭﺍﭖ ﺩﻩﭘﻨﻪ ﻗﯩﻠﯩﺸﻘﯩﻤﯘ ﻣﯘﻣﻜﯩﻦ ﺑﻮﻟﻤﯩﺪﻯ. ﺋﺎﺩﻩﻡ ﮔﯚﺷﻰ ﻳﯩﮕﻪﻧﻠﯩﺮﻯ ﺋﺎﭼﺎﺭﭼﯩﻠﯩﻖ ﺋﯚﺗﯜﭖ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﺋﯚﺯﯨﻨﯩﯔ ﻧﯩﻤﯩﺶ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﯩﭗ ﭘﯘﺷﺎﻳﻤﺎﻧﺪﺍ ﺳﺎﺭﺍﯓ ﺑﻮﻟﯘﭖ، ﺳﯚﺭﯨﻠﯩﭗ ﻳﯜﺭﯛﭖ ﺋﯚﻟﯜﭖ ﺗﯜﮔﻪﺷﺘﻰ. ﺷﯘ ﻳﯩﻠﻼﺭﺩﺍ ﻳﻪﻧﻪ ﺑﺎﺭﻟﯩﻖ ﺋﻪﻧﺌﻪﻧﯩﻠﯩﺮﯨﻤﯩﺰ ﻛﻮﻧﯩﻠﯩﻖ ﻗﺎﺗﺎﺭﺩﺍ ﺋﻪﻳﯩﺒﻠﻪﻧﺪﻯ. ﮬﻪﺗﺘﺎ ﻛﯧﻴﯩﻢ- ﻛﯧﭽﻪﻙ، ﻳﺎﺳﯩﻨﯩﺶ، ﻗﺎﺋﯩﺪﻩ- ﻳﻮﺳﯘﻧﻠﯩﺮﯨﻤﯩﺰﻣﯘ ﭼﻪﺗﺘﻪ ﻗﺎﻟﺪﻯ. ﺋﯧﺘﯩﻘﺎﺩ ﺧﻮﺭﻻﻧﺪﻯ، ﺭﻭﮪ ﺧﻮﺭﻻﻧﺪﻯ... ﺋﯚﺯﮔﯩﻠﻪﺭﻧﯩﯔ ﻛﯚﺯﯨﮕﻪ ﺳﯩﻐﻤﯩﻐﺎﻥ ﮬﻪﻣﻤﯩﻼ ﻧﻪﺭﺳﯩﻤﯩﺰ ﻛﯜﺭﻩﺷﻜﻪ ﺗﺎﺭﺗﯩﻠﺪﻯ. ﻗﺎﻧﯘﻥ ﻳﻮﻕ،ﺗﻪﺭﺗﯩﭗ ﻳﻮﻕ، ﺋﺎﺩﺍﻟﻪﺕ ﻳﻮﻕ، ﭘﯘﻗﺮﺍﻻﺭ ﺧﺎﺗﯩﺮﺟﻪﻣﺴﯩﺰﻟﯩﻚ ﺋﯩﭽﯩﺪﻩ، ﻗﻮﺭﻗﯘﻧﭻ ﺋﯩﭽﯩﺪﻩ، ﯞﻩﮬﯩﻤﻪ ﺋﯩﭽﯩﺪﻩ ﻗﺎﻻﻥ. ﺑﯘﻧﺪﺍﻕ ﺟﻪﻣﺌﯩﻴﻪﺗﺘﻪ ﺗﻪﺭﺑﯩﻴﻪ ﻣﻪﺳﯩﻠﯩﺴﯩﺪﯨﻦ ﺳﯚﺯ ﺋﯧﭽﯩﺶ ﻣﯘﻣﻜﯩﻨﻤﯘ؟ ﺋﯘﻧﯩﯔ ﻧﻪﺗﯩﺠﯩﺴﻰ ﺷﯘ ﺑﻮﻟﺪﯨﻜﻰ، ﺋﯧﺘﯩﻘﺎﺩ ﺳﯘﺳﻼﺷﺘﻰ، ﺩﯨﻨﺴﯩﺰ، ﺋﻪﺧﻼﻗﺴﯩﺰ، ﺋﯧﺘﯩﻘﺎﺩﺳﯩﺰ، ﺋﯩﻤﺎﻧﺴﯩﺰ ﺋﺎﺩﻩﻣﻠﻪﺭ ﺋﺎﯞﯗﭖ ﺑﺎﺭﺩﻯ.
ﺋﯩﺴﻼﮬﺎﺕ ﺋﯧﭽﯩﯟﯦﺘﯩﺶ ﺳﯩﻴﺎﺳﯩﺘﻰ ﻳﻮﻟﻐﺎ ﻗﻮﻳﯘﻟﻐﺎﻧﺪﯨﻦ ﻛﯧﻴﯩﻦ، ﺟﻪﻣﺌﯩﻴﻪﺗﻨﯩﯔ ﺋﯚﺯﮔﯩﺮﯨﺸﻰ ﻧﺎﮬﺎﻳﯩﺘﻰ ﺗﯧﺰ ﺑﻮﻟﺪﻯ. ﺋﻪﺳﯩﺮﻟﻪﭖ ﺗﻪﺭﺑﯩﻴﯩﺴﯩﺰ ﻗﺎﻟﻐﺎﻥ ﺧﻪﻟﻖ ﺋﯚﺯﯨﻨﻰ ﺗﻮﻧﯘﭖ ﺋﯜﻟﮕﯜﺭﻣﻪﻳﻼ ﺋﯩﺴﻼﮬﺎﺕ- ﺋﯧﭽﯩﯟﯦﺘﯩﺶ ﺋﯧﻘﯩﻤﯩﻐﺎ ﻗﻮﺷﯘﻟﯘﭖ ﻛﻪﺗﺘﻰ. ﺑﯘ ﺋﯧﻘﯩﻤﺪﺍ ﺧﯩﻠﻤﯘ- ﺧﯩﻞ ﻗﯩﻤﻤﻪﺕ ﻗﺎﺭﯨﺸﻰ، ﺧﯩﻠﻤﯘ- ﺧﯩﻞ ﻣﻪﺩﻩﻧﯩﻴﻪﺕ ﮬﺎﺩﯨﺴﯩﺴﻰ، ﺗﯜﺭﻟﯜﻙ ﺋﯩﺪﯨﻴﻪ- ﻛﯚﺯ- ﻗﺎﺭﺍﺵ ﺋﺎﺷﻜﺎﺭﻩ ﯞﻩ ﻳﯘﺷﯘﺭﯗﻥ ﺭﻩﯞﯨﺸﺘﻪ ﺗﻪﯕﻼ ﻣﻪﯞﺟﯘﺕ ﺋﯩﺪﻯ. ﺋﯘﻳﻐﯘﺭﻧﯩﯔ ﺋﻪﻧﺌﻪﻧﯩﺴﯩﮕﻪ، ﻗﯩﻤﻤﻪﺕ ﻗﺎﺭﯨﺸﯩﻐﺎ، ﺭﻭﮬﯩﻴﯩﺘﯩﮕﻪ، ﺋﯧﺘﯩﻘﺎﺩﯨﻐﺎ ﻳﺎﺕ ﻧﻪﺭﺳﯩﻠﻪﺭﻣﯘ ﻛﯚﭖ ﺋﯩﺪﻯ. ﺷﯘﯕﺎ ﻗﯘﺑﯘﻝ ﻗﯩﻠﻐﺎﻧﺪﺍ ﺋﺎﯞﺍﻝ ﺩﻩﯕﺴﻪﭖ ﻛﯚﺭﯛﭖ، ﭘﺎﻳﺪﺍ- ﺯﯨﻴﺎﻧﻨﻰ ﺋﻮﻳﻠﯘﺷﯘﭖ، ﻣﯘﯞﺍﭘﯩﻘﻘﯩﻴﻪﺗﻠﯩﺮﯨﻨﻰ ﻗﯘﺑﯘﻝ ﻗﯩﻠﯩﺸﻰ ﻛﯧﺮﻩﻙ ﺋﯩﺪﻯ. ﻗﺎﺭﺍ ﻗﯘﻳﯘﻕ ﻗﯘﺑﯘﻝ ﻗﯩﻠﯩﺸﻨﯩﯔ ﺋﺎﻗﯩﯟﯨﺘﻰ ﺋﺎﻟﺪﯨﻦ ﻛﯚﺭﯛﺵ ﻛﯧﺮﻩﻙ ﺋﯩﺪﻯ. ﺋﻪﻣﻤﺎ، ﺑﯘﻧﯩﯔ ﺋﯜﭼﯜﻥ ﺳﺎﭘﺎ ﻛﯧﺮﻩﻙ ﺋﯩﺪﻯ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺷﻪﺧﺴﻜﻪ ﺗﺎﻳﯩﻨﯩﭗ ﺑﯘﻧﻰ ﺋﻮﺭﯗﻧﺪﯨﻐﯩﻠﻰ ﺑﻮﻟﻤﺎﻳﺘﺘﻰ. ﺑﯘﻧﺪﺍﻕ ﺳﺎﭘﺎﻧﻰ، ﺷﺎﺭﺍﺋﯩﺘﻨﻰ ﺋﻪﺳﯩﺮﻟﻪﭖ ﺗﻪﺭﺑﯩﻴﯩﺴﯩﺰ ﻗﺎﻟﻐﺎﻥ ﺧﻪﻟﻖ ﺗﻮﭘﯩﺪﯨﻦ ﺗﻪﻟﻪﭖ ﻗﯩﻠﯩﺶ ﻣﯘﻣﻜﯩﻨﻤﯘ؟ ﻧﻪﺗﯩﺠﯩﺪﻩ ﺭﻩﯕﮕﺎﺭﻩﯓ ﺋﯚﺯﮔﯩﺮﯨﺶ ﯞﻩ ﺑﯩﻨﻮﺭﻣﺎﻝ ﺗﻪﺭﻩﻗﻘﯩﻴﺎﺕ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﮕﻪ ﻳﯧﯖﻰ ﺑﯩﺮ ﻛﯩﺮﺯﯨﺲ ﺋﯧﻠﯩﭗ ﻛﻪﻟﺪﻯ. ﺑﯘ ﻛﯩﺮﺯﯨﺲ ﺩﻩﻝ ﺋﯧﺘﯩﻘﺎﺩ ﯞﻩ ﺋﻪﺧﻼﻕ ﻛﯩﺮﺯﯨﺴﻰ ﺋﯩﺪﻯ.
ﺷﯘﻧﺪﺍﻕ ﺋﯧﻴﺘﯩﺸﻘﺎ ﺑﻮﻟﯩﺪﯗﻛﻰ، ﻛﯩﺮﯨﺰﯨﺴﻜﻪ ﺗﻮﻳﯘﻧﻐﺎﻥ ﺑﯩﺮ ﺋﻪﯞﻻﺩ ﻧﯚﯞﻩﺗﺘﯩﻜﻰ ﺋﺎﺋﯩﻠﻪ ﺗﻪﺭﺑﯩﻴﯩﺴﻰ، ﻣﻪﻛﺘﻪﭖ ﺗﻪﺭﺑﯩﻴﯩﺴﻰ ﯞﻩ ﺟﻪﻣﺌﯩﻴﻪﺕ ﺗﻪﺭﺑﯩﻴﯩﺴﯩﺪﯨﻦ ﺗﯜﺯﯛﻟﮕﻪﻥ ﺗﻪﺭﺑﯩﻴﻪ ﺳﯧﺴﺘﯩﻤﯩﻤﯩﺰﻧﻰ ﺭﯦﺌﺎﻟﻠﯩﻖ ﺋﺎﺭﻗﯩﻠﯩﻖ ﻛﯜﭼﻠﯜﻙ ﻣﻪﺳﺨﯩﺮﻩ ﻗﯩﻠﺪﻯ. ﺋﯩﭙﭙﻪﺗﺴﯩﺰ ﻗﯩﺰﻻﺭ، ﻏﺎﻳﯩﺴﯩﺰ ﺋﻮﻏﯘﻟﻼﺭ، ﺋﯧﺘﯩﻘﺎﺩﺳﯩﺰ ﺋﻪﯞﻻﺩ، ﻣﺎﯕﻘﯘﺭﺗﻼﺷﻘﺎﻥ ﻳﺎﺷﻼﺭﻧﯩﯔ ﺭﯦﺌﺎﻟﻠﯩﻘﻨﻰ ﺑﯩﺰﻧﻰ ﺗﻪﺭﺑﯩﻴﻪ ﺳﯧﺴﺘﯩﻤﯩﻤﯩﺰﻧﻰ ﻗﺎﻳﺘﺎ ﻛﯚﺯﯨﺘﯩﭗ ﭼﯩﻘﯩﺸﻘﺎ ﺋﯜﻧﺪﻩﻳﺪﯗ. ﺋﯩﺴﻼﮬﺎﺕ ﺋﯧﭽﯩﯟﯦﺘﯩﺶ ﺳﯩﻴﺎﺳﯩﺘﯩﻨﯩﯔ ﺷﺎﭘﺎﺋﯩﺘﻰ ﺑﯩﻠﻪﻥ ﺋﯧﺮﯨﺸﻜﻪﻥ ﭘﯘﺭﺳﯩﺘﯩﻤﯩﺰﺩﯨﻜﻰ ﺗﻪﺭﺑﯩﻴﯩﺪﻩ ﻛﻪﻣﺘﯜﻛﻠﯜﻙ ﺑﺎﺭﻣﯘ- ﻳﻮﻕ؟ ﺩﯦﮕﻪﻧﻨﻰ ﻣﯘﻻﮬﯩﺰﻩ ﻗﯩﻠﯩﭗ ﻛﯚﺭﯛﺷﻜﻪ ﻣﻪﺟﺒﯘﺭ ﻗﯩﻠﯩﺪﯗ.
ﺋﺎﺋﯩﻠﻪ ﺗﻪﺭﺑﯩﻴﯩﻤﯩﺰﻧﻰ ﻛﯚﺯﻩﺗﺴﻪﻙ ﺷﯘ ﭘﺎﻛﯩﺖ ﺋﺎﻳﺎﻧﻜﻰ، ﺑﺎﻟﯩﻼﺭﻧﻰ ﺗﻪﺭﺑﯩﻴﯩﻠﻪﺷﺘﻪ ﺋﻪﻗﻠﯩﻤﯩﺰ ﻛﺎﻡ، ﺳﺎﭘﺎﻳﯩﻤﯩﺰ ﺗﯚﯞﻩﻥ ﺑﻮﻟﺪﻯ. ﺋﯚﺯﯨﻤﯩﺰﺩﻩ ﺗﻮﻏﺮﺍ ﺑﯩﺮ ﺋﯩﺪﯨﻴﻪ ﺑﻮﻟﻤﯩﻐﺎﭼﻘﺎ، ﺑﺎﻟﯩﻼﺭﻧﻰ ﭘﯩﻼﻧﻠﯩﻖ، ﻣﻪﻗﺴﻪﺗﻠﯩﻚ ﺗﻪﺭﺑﯩﻴﯩﻠﻪﺷﻜﻪ ﻗﺎﺩﯨﺮ ﺑﻮﻻﻟﻤﯩﺪﯗﻕ. ﺋﯚﺯﯨﻤﯩﺰﺩﻩ ﺋﯧﺘﯩﻘﺎﺩ ﺑﻮﻟﻤﯩﻐﺎﭼﻘﺎ، ﺑﺎﻟﯩﻼﺭﻏﺎ ﺑﯩﺮﻩﺭ ﺋﯧﺘﯩﻘﺎﺩﻧﻰ ﺑﺎﻟﯩﻠﯩﻖ ﭼﺎﻏﺪﯨﻦ ﺑﺎﺷﻼﭖ ﻧﯩﺸﺎﻧﻠﯩﻖ ﺳﯩﯖﺪﯛﺭﻩﻟﻤﯩﺪﯗﻕ. ﺑﺎﻟﯩﻼﺭ ﺳﺎﻏﻼﻡ ﭼﻮﯓ ﺑﻮﻟﺴﺎ ﺧﺎﺗﯩﺮﺟﻪﻡ ﺑﻮﻟﺪﯗﻕ. ﺭﻭﮬﯩﻲ ﺟﻪﮬﻪﺗﺘﯩﻜﻰ ﺳﺎﻏﻼﻣﻠﯩﻘﯩﻐﺎ ﻛﯚﯕﯜﻝ ﺑﯚﻟﻪﻟﻤﯩﺪﯗﻕ. ﺷﻪﮬﻪﺭﻟﻪﺭﺩﻩ ﺋﺎﻧﯩﻼﺭ ﺋﻮﻏﯘﺯ ﺳﯜﺗﻠﯩﺮﯨﻨﻰ ﺑﺎﻟﯩﻼﺭﺩﯨﻦ ﺋﺎﻳﺎﺷﺘﻰ. ﺋﺎﻧﯩﺴﯩﻨﻰ ﺋﯩﻤﯩﭗ ﭼﻮﯓ ﺑﻮﻟﯘﺷﻘﺎ ﺑﯘﻳﺮﯗﻟﻐﺎﻥ ﺑﻮﯞﺍﻗﻼﺭ، ﮬﺎﻳﯟﺍﻥ ﺳﯜﺗﯩﻨﻰ ﺋﯩﻤﯩﭗ ﭼﻮﯓ ﺑﻮﻟﺪﻯ. ﺋﺎﻧﯩﻼﺭ ﺑﻮﯞﺍﻗﻼﺭﻧﯩﯔ ﮬﺎﻳﯟﺍﻥ ﺧﯘﻳﻠﯘﻕ ﺑﻮﻟﯘﭖ ﻗﯧﻠﯩﺸﯩﺪﯨﻦ ﺋﻪﻧﺴﯩﺮﯨﻤﻪﻱ، ﺑﺎﻟﯩﻼﺭﻧﻰ ﺋﯧﻤﯩﺘﺴﻪ ﺋﯚﺯﯨﻨﯩﯔ ﺳﻪﺗﻠﯩﺸﯩﭗ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﺪﻯ. ﺷﯘﻧﺪﺍﻕ ﻗﯩﻠﯩﭗ ﺑﻮﯞﺍﻕ ﺗﯘﻏﯘﻟﯘﭘﻼ ﺷﻪﺧﺴﯩﻴﻪﺗﭽﯩﻠﯩﻜﻨﯩﯔ ﻗﯘﺭﺑﺎﻧﻰ ﺑﻮﻟﺪﻯ. ﺷﻪﮬﻪﺭﺩﯨﻜﻰ ﺧﯩﺰﻣﻪﺗﭽﻰ ﺋﺎﺗﺎ- ﺋﺎﻧﯩﻼﺭ ﻛﯜﻧﺪﯛﺯﻯ ﺧﯩﺰﻣﻪﺕ، ﻛﻪﭼﻠﯩﺮﻯ ﺋﻮﻟﺘﯘﺭﯗﺵ، ﻗﺎﺗﺎﺭ ﭼﺎﻱ ﺩﯦﮕﻪﻧﺪﻩﻛﻠﻪﺭ ﺑﯩﻠﻪﻥ ﺋﺎﻟﺪﯨﺮﺍﺵ ﻳﯜﺭﯛﺷﯜﭖ، ﺑﺎﻟﯩﻠﯩﺮﻯ ﺑﯩﻠﻪﻥ ﻛﯚﭘﺮﻩﻙ ﺑﯩﺮﮔﻪ ﺑﻮﻟﯘﺷﻘﺎ، ﻛﯚﭘﺮﻩﻙ ﺳﯩﺮﺩﯨﺸﯩﺸﻘﺎ ﯞﺍﻗﯩﺖ ﭼﯩﻘﯩﺮﺍﻟﻤﯩﺪﻯ. ﺑﺎﻟﯩﻼﺭﻧﯩﯔ ﻛﯚﺭﮔﯩﻨﻰ ﺋﺎﻧﺎ ﺋﻮﺭﻧﯩﺪﺍ ﮬﺎﻟﯩﺪﯨﻦ ﺧﻪﯞﻩﺭ ﺋﯧﻠﯩﯟﺍﺗﻘﺎﻥ ﭼﺎﻻ ﺳﺎﯞﺍﺕ ﺑﺎﻻ ﺑﺎﻗﻘﯘﭼﻰ ﻗﯩﺰﻻﺭ ﺑﻮﻟﺪﻯ. ﺑﯘ ﻗﯩﺰﻻﺭﻧﯩﯔ ﺳﺎﭘﺎﺳﻰ ﺗﯚﯞﻩﻥ ﺑﻮﻟﻐﺎﭼﻘﺎ، ﺑﺎﻟﯩﻼﺭﻧﯩﯔ ﻗﻮﺭﺳﯩﻘﯩﻨﻰ ﺑﺎﻗﻘﺎﻧﺪﯨﻦ ﺑﺎﺷﻘﺎ، ﺋﺎﺩﻩﻣﻠﯩﻚ ﻳﻮﻟﯩﻐﺎ ﻳﯧﺘﻪﻛﻠﻪﭖ ﻣﺎﯕﺎﻟﻤﯩﺪﻯ. ﻳﻪﻧﻪ ﺑﯩﺮ ﻗﯩﺴﯩﻢ ﺋﺎﺗﺎ- ﺋﺎﻧﯩﻼﺭ ﻛﯚﯕﯜﻟﻨﯩﯔ ﻛﻪﻳﻨﯩﮕﻪ ﻛﯩﺮﯨﺸﯩﭗ ﺑﺎﻟﯩﻼﺭ ﺋﯜﭼﯜﻥ ﻗﯘﺭﺑﺎﻧﻠﯩﻖ ﺑﯧﺮﯨﺸﻜﯩﻤﯘ ﻗﺎﺩﯨﺮ ﺑﻮﻻﻟﻤﺎﻱ، ﺑﺎﻟﯩﻼﺭﻧﻰ ﻳﯩﻤﻪﻛﻠﯩﻚ ﻛﻮﭼﯩﻐﺎ ﺗﺎﺷﻼﺷﺘﻰ. ﻳﻪﻧﻪ ﺑﯩﺮ ﻗﯩﺴﯩﻤﻠﯩﺮﻯ ﮬﻪﺗﺘﺎ ﺑﯩﻠﺪﯛﺭﯛﭖ ﻳﯜﺭﯛﭖ ﺳﯩﺮﺗﺘﺎ ﺋﺎﺷﻨﺎ ﺋﻮﻳﻨﺎﭖ ﺋﻪﺧﻼﻗﺴﯩﺰﻟﯩﻖ ﺋﯘﺭﯗﻗﯩﻨﻰ ﺑﺎﻟﯩﻠﯩﺮﯨﻨﯩﯔ ﻗﻪﻟﺒﯩﮕﻪ ﺗﯧﺮﯨﺸﺘﻰ... ﻳﯧﺰﯨﻼﺭﺩﺍ ﺩﯦﮭﻘﺎﻥ ﺩﺍﺩﺍ ﺋﯧﺘﯩﺰﺩﺍ، ﮬﺎﺷﺎﺭﺩﺍ، ﺋﺎﻧﯩﻼﺭ ﺋﯧﺘﯩﺰﺩﺍ، ﻗﺎﺯﺍﻥ ﺑﯧﺸﯩﺪﺍ، ﺑﺎﻟﯩﻠﯩﺮﯨﻐﺎ ﻗﺎﺭﺍﺷﻘﺎ ﭼﻮﻟﯩﺴﻰ ﺗﻪﮔﺴﻪ ﻳﺎﺧﺸﯩﺮﺍﻕ ﺑﯧﻘﯩﺸﻘﺎ ﻗﺎﺩﯨﺮ ﺑﻮﻻﻟﻤﺎﻱ ﺑﺎﻟﯩﻠﯩﺮﯨﻨﻰ ﭼﻮﯓ ﻗﯩﻠﺪﻯ. ﺷﯘﻧﺪﺍﻕ ﻗﯩﻠﯩﭗ ﺑﺎﻟﯩﻼﺭﻧﯩﯔ ﺋﺎﺋﯩﻠﯩﺪﯨﻦ ﻛﯚﺭﯨﺪﯨﻐﺎﻥ ﺧﻮﺷﺎﻟﻠﯩﻘﻰ، ﺑﺎﻟﯩﻠﯩﻖ ﮬﯘﺯﯗﺭﻟﯩﺮﻯ، ﺑﺎﻟﯩﻠﯩﻖ ﭼﺎﻏﺪﺍ ﺋﺎﺗﺎ- ﺋﺎﻧﯩﺴﯩﺪﯨﻦ ﺋﯚﮔﯩﻨﯩﺪﯨﻐﺎﻥ ﺋﺎﺩﯨﻤﯩﻴﻠﯩﻚ ﻳﻮﻟﻠﯩﺮﻯ ﭼﺎﻻ ﻗﺎﻟﺪﻯ. ﺗﯘﻧﺠﻰ ﺋﯘﺳﺘﺎﺯ ﺑﻮﻟﻐﺎﻥ ﺋﺎﺗﺎ- ﺋﺎﻧﺎ ﺑﺎﻟﯩﻠﯩﺮﯨﻐﺎ ﭼﺎﻻ ﺗﻪﺭﺑﯩﻴﯩﻠﯩﻚ ﺗﯘﻧﺠﻰ ﺗﺎﻣﻐﯩﺴﯩﻨﻰ ﺑﺎﺳﺘﻰ.
ﻣﻪﻛﺘﻪﭖ ﺑﺎﻟﯩﻼﺭﻧﯩﯔ ﺋﺎﺩﯨﻤﯩﻴﻠﯩﻚ ﻳﻮﻟﯩﺪﯨﻜﻰ ﻳﻪﻧﻪ ﺑﯩﺮ ﺑﯚﺷﯜﻛﻰ ﺋﯩﺪﻯ. ﺑﯘ ﺑﯚﺷﯜﻙ ﺑﺎﻟﯩﻼﺭﻧﯩﯔ ﻗﺎﻧﺪﺍﻕ ﺋﺎﺩﻩﻡ ﺑﻮﻟﯘﺷﯩﻨﻰ ﻣﻪﻟﯘﻡ ﻧﻮﻗﺘﯩﺪﯨﻦ ﺑﻪﻟﮕﯩﻠﻪﭖ ﻗﻮﻳﯩﺪﯨﻐﺎﻥ ﺋﯩﻘﺘﯩﺪﺍﺭﻏﺎ ﺋﯩﮕﻪ ﺋﯩﺪﻯ. ﺋﻪﻣﻤﺎ ﺑﯘ ﺑﯚﺷﯜﻙ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺋﻪﺳﻠﻰ ﻳﯩﻠﺘﯩﺰﯨﻤﯩﺰ، ﺋﻪﻧﺌﻪﻧﯩﻤﯩﺰ، ﻗﯩﻤﻤﻪﺕ ﻗﺎﺭﯨﺸﻰ ﺑﻮﻳﯩﭽﻪ ﺋﻪﺧﻼﻕ ﭘﻪﺯﯨﻠﻪﺕ ﯞﻩ ﺋﯧﺘﯩﻘﺎﺩ ﺋﯩﮕﯩﺴﻰ ﻗﯩﻠﯩﭗ ﺗﻪﺭﺑﯩﻴﻠﻪﭖ ﭼﯩﻘﺎﻟﻤﯩﺪﻯ. ﺑﺎﻟﯩﻼﺭ ﻣﻪﻛﺘﻪﭘﻜﻪ ﻛﯩﺮﯨﭙﻼ ﺑﯩﻠﯩﺶ ﺩﺍﺋﯩﺮﯨﺴﯩﺪﯨﻦ، ﮬﻪﺯﯨﻢ ﻗﯩﻠﯩﺶ ﺋﯩﻘﺘﯩﺪﺍﺭﯨﺪﯨﻦ ﮬﺎﻟﻘﯩﭗ ﻛﻪﺗﻜﻪﻥ ﻧﻪﺭﺳﯩﻠﻪﺭﻧﻰ ﺋﯚﮔﻪﻧﺪﻯ. ﭼﯜﺷﻪﻧﻤﯩﺴﻪ ﻳﺎﺩﯨﻼﭖ ﺑﯧﺮﯨﭗ، ﻛﯚﭼﯜﺭﯛﭖ ﺑﯧﺮﯨﭗ ﺋﯩﻤﺘﯩﮭﺎﻧﺪﯨﻦ ﺋﯚﺗﯜﭖ ﺷﻪﻛﯩﻠﯟﺍﺯﻟﯩﻘﺘﯩﻦ ﺗﯘﻧﺠﻰ ﻧﻪﭖ ﺋﺎﻟﺪﻯ. ﻳﯘﻗﯩﺮﻯ ﺋﯚﺭﻟﻪﭖ ﺋﻮﻗﯘﻏﺎﻧﺴﯧﺮﻯ ﻛﯚﭖ ﻧﻪﺭﺳﯩﻠﻪﺭ ﺋﯚﮔﯩﻨﯩﻠﺪﻯ. ﺋﻪﻣﻤﺎ ﺋﺎﺩﻩﻡ ﺑﻮﻟﯘﺵ ﻳﻮﻟﻰ ﮬﻪﻗﻘﯩﺪﻩ ﺋﯚﮔﯩﺘﯩﻠﻤﯩﺪﻯ. ﻣﯩﻠﻠﯩﻲ ﺋﻪﺧﻼﻕ، ﻏﯘﺭﯗﺭ، ﺋﯧﺘﯩﻘﺎﺩ، ﺋﻪﻧﺌﻪﻧﻪ، ﻣﯩﻠﻠﯩﻲ ﺭﻭﮪ ﻗﺎﺗﺎﺭﻟﯩﻖ ﺗﻮﻟﯩﻤﯘ ﺯﯙﺭﯛﺭ ﺑﻮﻟﻐﺎﻥ ﻧﻪﺭﺳﯩﻠﻪﺭ ﺩﻩﺭﺳﻠﯩﻚ ﻛﯩﺘﺎﺑﺘﺎ ﺑﻮﻟﻤﯩﻐﯩﻨﻰ ﺋﯜﭼﯜﻥ ﺩﻩﺭﺳﺨﺎﻧﯩﺪﺍ ﺳﯚﺯﻟﻪﻧﻤﯩﺪﻯ. ﻗﯩﺰﻻﺭ ﺋﯜﭼﯜﻥ ﺋﻪﯓ ﺯﯙﺭﯛﺭ ﺑﻮﻟﻐﺎﻥ ﻗﯩﺰﻻﺭ ﺋﻪﺧﻼﻗﻰ، ﺋﯩﭙﭙﻪﺕ ﺗﻪﺭﺑﯩﻴﯩﺴﻰ، ﻗﯩﺰﻟﯩﻖ ﺋﯩﭙﭙﯩﺘﯩﻨﯩﯔ ﻗﯩﺰﻻﺭ ﮬﺎﻳﺎﺗﯩﻐﺎ، ﺋﻪﯞﻻﺩ ﻛﯧﻠﻪﭼﯩﻜﯩﮕﻪ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ، ﻣﻪﻧﯩﯟﯨﻠﯩﻜﻨﻰ ﺋﺎﺳﺎﺱ ﻗﯩﻠﻐﺎﻥ ﺋﯧﺘﯩﻘﺎﺩ ﺗﻪﺭﺑﯩﻴﯩﺴﻰ ﺩﯦﮕﻪﻧﻠﻪﺭﻣﯘ ﺗﻪﺭﺑﯩﻴﯩﻨﯩﯔ ﺳﯩﺮﺗﯩﺪﺍ ﻗﺎﻟﺪﯗﺭﯗﻟﺪﻯ. ﺩﻩﺭﺳﺨﺎﻧﯩﺪﺍ ﺗﯩﻠﻐﺎ ﺋﯧﻠﯩﻨﻤﯩﻐﺎﭼﻘﺎ، ﻛﯩﭽﯩﻚ ﭼﺎﻏﺪﯨﻦ ﺑﺎﺷﻼﭖ ﻗﯩﺰﻻﺭ ﻗﻪﻟﺒﯩﺪﻩ ﻳﻪﺭﻟﻪﺷﻤﯩﺪﻯ. ﻗﯩﺰﻻﺭ ﺭﻭﮬﯩﻴﯩﺘﯩﮕﻪ ﺳﯩﯖﯩﭗ ﻛﯩﺮﻩﻟﻤﯩﺪﻯ... ﺋﺎﺩﻩﻣﮕﻪ ﺋﻪﯓ ﺯﯙﺭﯛﺭ ﻧﻪﺭﺳﯩﻠﻪﺭﻧﻰ ﭼﻪﺗﺘﻪ ﻗﺎﻟﺪﯗﺭﯗﭖ، ﺋﺎﺩﯨﻤﯩﻴﻠﯩﻜﻜﻪ ﻳﺎﺭﺩﯨﻤﻰ ﺑﻮﻟﻤﯩﻐﺎﻥ ﻧﻪﺭﺳﯩﻠﻪﺭﻧﻰ ﺯﻭﺭﻻﭖ ﺋﯚﮔﯩﺘﯩﺶ ﻧﯚﯞﻩﺗﺘﯩﻜﻰ ﻣﺎﺋﺎﺭﯨﭙﯩﻤﯩﺰﻧﯩﯔ ﺋﻪﺟﻪﻟﻠﯩﻚ ﺋﺎﺟﯩﺰﻟﯩﻘﻰ ﺑﻮﻟﯘﭖ ﻗﺎﻟﺪﻯ. ﺷﯘﻧﺪﺍﻕ ﻗﯩﻠﯩﭗ ﻣﻪﻛﺘﻪﭘﻤﯘ ﺑﺎﻟﯩﻼﺭﻏﺎ ﭼﺎﻻ ﺗﻪﺭﺑﯩﻴﯩﻨﯩﯔ ﻳﻪﻧﻪ ﺑﯩﺮ ﺗﺎﻣﻐﯩﺴﯩﻨﻰ ﺑﺎﺳﺘﻰ.
ﺋﺎﺗﺎ- ﺋﺎﻧﯩﻼﺭ ﺟﻪﻣﺌﯩﻴﻪﺕ ﺗﻪﺭﺑﯩﻴﯩﺴﯩﻨﯩﯔ ﺑﺎﻟﯩﻠﯩﺮﯨﻨﻰ ﻳﺎﺧﺸﻰ ﺗﻪﺭﻩﭘﻜﻪ ﻳﯧﺘﻪﻛﻠﯩﺸﯩﻨﻰ، ﺗﻮﻏﺮﺍ ﻗﯩﻤﻤﻪﺕ ﻗﺎﺭﯨﺸﻰ ﺗﯩﻜﻠﻪﭖ، ﮬﺎﻳﺎﺗﻠﯩﻖ ﻣﯘﺳﺎﭘﯩﺴﯩﺪﻩ ﺋﺎﺩﻩﻣﻠﯩﻚ ﻗﯩﻤﻤﯩﺘﻰ ﺑﯩﻠﻪﻥ ﻳﺎﺷﺎﺷﻘﺎ ﻳﻮﻝ ﻛﯚﺭﺳﯩﺘﯩﺸﻨﻰ ﺋﯜﻣﯩﺪ ﻗﯩﻠﺪﻯ. ﺋﻪﻣﻤﺎ ﺟﻪﻣﺌﯩﻴﻪﺕ ﺗﻪﺭﺑﯩﻴﯩﺴﻰ ﺑﯘﻧﺪﺍﻕ ﺋﯜﻣﯩﺪﻧﯩﯔ ﮬﯚﺩﺩﯨﺴﯩﺪﯨﻦ ﭼﯩﻘﺎﻟﻤﯩﺪﻯ. ﺑﺎﻟﯩﻼﺭﻧﯩﯔ ﺟﻪﻣﺌﯩﻴﻪﺗﺘﻪ ﻛﯚﺭﮔﯩﻨﻰ، ﮬﯧﺲ ﻗﯩﻠﻐﯩﻨﻰ ﺋﻮﻗﯘﺗﻘﯘﭼﻰ ﺩﻩﺭﺳﺨﺎﻧﯩﺪﺍ ﺳﯚﺯﻟﻪﻧﮕﻪﻥ ﺋﻮﺧﺸﯩﻤﺎﻳﺪﯨﻐﺎﻥ ﻳﻪﻧﻪ ﺑﯩﺮ ﺩﯗﻧﻴﺎ ﺑﻮﻟﺪﻯ. ﻛﯧﻠﻪﭼﻪﻛﻨﯩﯔ ﺑﯘ «ﺋﯩﮕﯩﻠﯩﺮﻯ» ﺟﻪﻣﺌﯩﻴﻪﺗﺘﻪ ﺋﯚﺯﻯ ﺋﯜﻣﯩﺪ ﻗﯩﻐﻼﻥ ﺋﻮﺭﯗﻧﻐﺎ، ﺋﺎﻟﻘﯩﺸﻘﺎ، ﺋﯧﺘﯩﺒﺎﺭﻏﺎ ﺋﯧﺮﯨﺸﻪﻟﻤﯩﺪﻯ. ﺋﯘﻧﯩﯖﻐﺎ ﺋﯧﺮﯨﺸﻪﻟﻤﻪﻳﻼ ﻗﺎﻟﻤﺎﺳﺘﯩﻦ، ﻗﻮﺭﺳﺎﻕ ﺑﯧﻘﯩﺶ ﺋﯜﭼﯜﻥ ﺋﯩﺶ ﺗﯧﭙﯩﺸﯩﻤﯘ ﺗﻪﺳﻜﻪ ﭼﯜﺷﺘﻰ. ﺋﯚﮔﻪﻧﮕﻪﻥ ﻧﻪﺭﺳﯩﻠﯩﺮﻯ ﺭﯦﺌﺎﻟﻠﯩﻘﻰ ﻳﻮﻕ، ﺋﻪﮬﻤﯩﻴﻪﺗﺴﯩﺰ ﺑﯩﻠﯩﻨﺪﻯ. ﻣﺎﺗﯧﻤﺎﺗﯩﻜﺎ ﺩﻩﺭﺳﯩﺪﻩ ﺋﯚﮔﻪﻧﮕﻪﻥ ﻣﯘﺭﻩﻛﻜﻪﭖ ﻧﻪﺭﺳﯩﻠﻪﺭ ﺋﺎﺋﯩﻠﯩﺪﯨﻜﻰ ﺋﯜﺯﯛﻟﯜﭖ ﻛﻪﺗﻜﻪﻥ ﺗﻮﻙ ﻳﻮﻟﯩﻨﻰ ﺋﻮﯕﺸﺎﺷﻘﺎ ﺋﻪﺳﻘﺎﺗﻤﯩﺪﻯ. ﺋﯚﮔﻪﻧﮕﻪﻥ ﺑﯩﻠﯩﻤﻠﻪﺭ ﺟﺎﻥ ﺑﯧﻘﯩﺸﻘﺎ ﮬﯧﭽﻨﯩﻤﯩﮕﻪ ﺩﺍﻝ ﺑﻮﻻﻟﻤﯩﺪﻯ. ﻧﻪﺗﯩﺠﯩﺪﻩ ﻗﯩﺰﻻﺭ ﺧﯘﺩﺍ ﻳﺎﺭﺍﺗﻘﺎﻥ ﺩﻩﺳﻤﺎﻳﯩﺴﯩﻨﻰ ﺑﺎﺯﺍﺭﻏﺎ ﺳﯧﻠﯩﺶ، ﺑﯩﺮ ﻗﯩﺴﯩﻢ ﺋﻮﻏﯘﻟﻼﺭ ﺋﯚﺯ ﻳﻮﻟﯩﺪﯨﻦ ﭼﻪﺗﻨﻪﺷﻜﻪ ﺑﺎﺷﻠﯩﺪﻯ.
ﺗﻪﺭﺑﯩﻴﯩﺪﯨﻜﻰ ﻛﻪﻣﺘﯜﻛﻠﯜﻙ ﺑﯘﻧﯩﯔ ﺑﯩﻠﻪﻧﻼ ﺗﯜﮔﯩﻤﻪﻳﺪﯗ. ﺗﯚﯞﻩﻧﺪﯨﻜﻰ ﻏﻪﻟﯩﺘﻪ ﻛﯚﺭﯛﻧﯜﺷﻠﻪﺭﮔﻪ ﻗﺎﺭﺍﭖ ﺑﺎﻗﺎﻳﻠﻰ:
ﺑﺎﻻﻏﻪﺗﻜﻪ ﻳﻪﺗﻜﻪﻥ ﺋﻮﻏﯘﻝ ﺋﺎﻧﯩﺴﯩﻐﺎ ﺑﯩﺮ ﺗﻮﺧﯘﻧﯩﻤﯘ ﺑﻮﻏﯘﺯﻻﭖ ﺑﯧﺮﻩﻟﻤﯩﺪﻯ. ﺋﺎﺋﯩﻠﻪ، ﻣﻪﻛﺘﻪﭖ، ﺟﻪﻣﺌﯩﻴﻪﺕ ﺋﯘﻧﯩﯖﻐﺎ ﺋﯚﮔﻪﺗﻤﯩﮕﻪﻥ ﺋﯩﺪﻯ. ﺋﺎﻧﺎ ﺋﻮﻏﻠﯩﻐﺎ ﻗﺎﺭﺍﭖ ﺋﯜﻣﯩﺪﺳﯩﺰﻟﻪﻧﺪﻯ.
ﺑﺎﻻﻏﻪﺗﻜﻪ ﻳﻪﺗﻜﻪﻥ ﺋﻮﻏﯘﻟﻨﯩﯔ ﺋﺎﺗﯩﺴﻰ ﯞﺍﭘﺎﺕ ﺑﻮﻟﺪﻯ. ﺋﻮﻏﯘﻝ ﻣﯧﻴﺖ ﻧﺎﻣﯩﺰﯨﻨﻰ ﺋﻮﻗﯘﺷﻨﻰ ﺑﯩﻠﻤﯩﺪﻯ. ﭼﯜﻧﻜﻰ ﺑﯘﻣﯘ ﺋﯚﮔﯩﺘﯩﻠﻤﯩﮕﻪﻥ ﺋﯩﺪﻯ.
ﺑﺎﻟﯩﻠﯩﻖ ﺑﻮﻟﻐﺎﻥ ﺋﻮﻏﯘﻝ ﺋﺎﭘﯩﺴﯩﻨﯩﯔ ﻗﻪﺑﺮﯨﺴﯩﻨﻰ ﻳﻮﻗﻼﭖ ﺑﯧﺮﯨﭗ ﻳﯩﻐﻼﭖ- ﻳﯩﻐﻼﭖ ﻗﺎﻳﺘﯩﭗ ﻛﻪﻟﺪﻯ. ﻳﯩﻐﻼﺷﺘﯩﻦ ﺑﺎﺷﻘﺎ ﮔﻪﭖ ﻗﯩﻼﻟﻤﯩﺪﻯ. ﭼﯜﻧﻜﻰ ﺋﯘﻧﯩﯖﻐﺎ ﻗﻪﺑﺮﻩ ﻳﻮﻗﻠﯩﻐﺎﻧﺪﺍ ﺋﻮﻗﯘﻟﯩﺪﯨﻐﺎﻥ ﺋﺎﻳﻪﺕ- ﺩﯗﺋﺎﻻﺭ ﺋﯚﮔﯩﺘﯩﻠﻤﯩﮕﻪﻥ ﺋﯩﺪﻯ.
ﺑﺎﻻﻏﻪﺗﻜﻪ ﻳﻪﺗﻜﻪﻥ ﺋﻮﻏﯘﻝ ﺳﺎﯞﺍﻗﺪﯨﺸﯩﻨﯩﯔ ﻳﺎﻛﻰ ﺗﯘﻏﻘﯩﻨﯩﯔ ﻧﺎﻣﺎﺯ ﭘﻪﺗﯩﺴﯩﮕﻪ ﺑﺎﺭﺩﻯ. ﺋﻪﻣﻤﺎ ﺑﯧﺮﯨﭗ ﺑﯘﺗﺘﻪﻙ ﻗﺎﺭﺍﭖ ﺗﯘﺭﯗﺷﺘﯩﻦ ﺑﺎﺷﻘﯩﻨﻰ ﻗﯩﻼﻟﻤﯩﺪﻯ. ﭼﯜﻧﻜﻰ ﺋﯘﻧﯩﯖﻐﺎ ﻧﺎﻣﺎﺯ ﭘﻪﺗﯩﺴﯩﮕﻪ ﺑﺎﺭﻏﺎﻧﺪﺍ ﻧﯧﻤﻪ ﻗﯩﻠﯩﺶ ﺋﯚﮔﯩﺘﯩﻠﻤﯩﮕﻪﻥ ﺋﯩﺪﻯ.
ﺋﻮﻏﯘﻝ ﭼﻮﯕﻼﺭ ﺋﺎﺭﯨﺴﯩﺪﺍ ﻏﻪﺭﻕ ﻣﻪﺳﺖ، ﺋﺎﻻ- ﺗﺎﻏﯩﻞ ﺳﯚﺯﻟﯩﺪﻯ. ﺋﯘﻧﯩﯖﻐﺎ ﺋﻪﺧﻼﻕ ﺋﯚﮔﯩﺘﯩﻠﻤﯩﮕﻪﻥ ﺋﯩﺪﻯ.
ﻗﯩﺰ ﺑﻮﻳﯩﻐﺎ ﻳﯧﺘﻪ- ﻳﻪﺗﻤﻪﻳﻼ ﺋﯩﭙﭙﯩﺘﯩﻨﻰ ﻳﻮﻗﺎﺗﺘﻰ. ﺋﯘﻧﯩﯖﻐﺎ ﻗﯩﺰﻻﺭ ﺋﻪﺧﻼﻗﯩﻨﯩﯔ ﻗﺎﻧﺪﺍﻕ ﺑﻮﻟﯘﺵ ﻛﯧﺮﻩﻛﻠﯩﻜﻰ، ﻗﯩﺰﻟﯩﻘﻰ ﺑﺎﺭ ﻳﺎﺭﯨﺘﯩﻠﯩﺸﻨﯩﯔ ﺋﯚﺯﯨﻼ ﻗﺎﻧﺪﺍﻕ ﭼﻮﯕﻘﯘﺭ ﮬﯩﻜﯩﻤﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﻰ، ﺋﯘﻧﻰ ﻳﻮﻗﯩﺘﯩﺸﻨﯩﯔ ﻧﯩﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻧﻠﯩﻘﻰ، ﺋﺎﺋﯩﻠﯩﻤﯘ، ﻣﻪﻛﺘﯩﭙﯩﻤﯘ، ﺟﻪﻣﺌﯩﻴﻪﺗﻤﯘ ﺋﯚﮔﻪﺗﻤﯩﮕﻪﻥ ﺋﯩﺪﻯ.
ﻳﻪﻧﻪ ﻧﯘﺭﻏﯘﻥ- ﻧﯘﺭﻏﯘﻥ ﻛﯚﺭﯛﻧﯜﺷﻠﻪﺭ ﺑﺎﺭ. (ﮬﻪﻣﻤﯩﻨﻰ ﺳﺎﻧﺎﭖ ﺑﻮﻟﯘﺷﻤﯘ ﻣﯘﻣﻜﯩﻦ ﺋﻪﻣﻪﺱ) ﺋﻪﻣﻤﺎ ﺑﺎﻟﯩﻼﺭ ﻳﺎﻗﺘﯘﺭﯗﺩﯨﻐﺎﻥ ﺗﯧﻠﯟﯦﺰﯗﺭ، ﺭﺍﺩﯨﺌﻮ، ﮔﯧﺰﯨﺖ- ﮊﻭﺭﻧﺎﻟﻼﺭ ﺑﯘ ﮬﻪﻗﺘﻪ ﮬﯩﭻ ﻧﻪﺭﺳﻪ ﺋﯚﮔﻪﺗﻤﻪﻳﺘﺘﻰ. ﺋﻪﺟﺪﺍﺩﻻﺭ ﺋﯧﺘﯩﻘﺎﺩﯨﻨﻰ، ﮔﯜﺯﻩﻝ ﺋﻪﺧﻼﻗﻠﯩﺮﯨﻨﻰ، ﺋﺎﺩﻩﻣﻠﯩﻚ ﻳﻮﻟﻠﯩﺮﯨﻨﻰ ﺳﯚﺯﻟﻪﻳﺪﯨﻐﺎﻥ، ﺋﯚﮔﯩﻨﯩﺪﯨﻐﺎﻥ ﺳﻮﺭﯗﻥ ﻳﻮﻕ ﺋﯩﺪﻯ.
ﺷﯘ ﻧﻪﺭﺳﻪ ﺋﺎﻳﺎﻧﻜﻰ، ﺑﯘ ﺧﯩﻞ ﺭﻭﮪ ﺋﯘﻳﻐﯘﺭ ﮬﺎﻳﺎﺗﯩﻨﯩﯔ، ﺋﯘﻳﻐﯘﺭ ﺗﯘﺭﻣﯘﺷﯩﻨﯩﯔ ﭘﯜﺗﻜﯜﻝ ﺳﺎﮬﻪﺳﯩﮕﻪ ﺳﯩﯖﯩﭗ ﻛﻪﺗﻜﻪﻥ ﺑﯘ ﻣﻪﻧﯩﯟﻯ ﺗﯜﯞﺭﯛﻙ ﺋﯘﻳﻐﯘﺭ ﺭﻭﮬﯩﻴﯩﺘﯩﻨﯩﯔ ﭼﻮﯕﻘﯘﺭ ﻳﯧﺮﯨﺪﯨﻦ ﺋﻮﺭﯗﻥ ﺋﺎﻟﻐﺎﻥ. ﺋﯘﻳﻐﯘﺭﻧﯩﯔ ﺋﻪﺧﻼﻗﻰ- ﻣﯩﺰﺍﻧﻠﯩﺮﻯ، ﻗﯩﻤﻤﻪﺕ ﻗﺎﺭﺍﺷﻠﯩﺮﻯ، ﮬﺎﻛﯩﻤﯩﻴﻪﺕ ﭼﯜﺷﻪﻧﭽﯩﻠﯩﺮﻯ، ﺗﯩﺮﯨﻜﭽﯩﻠﯩﻚ ﻗﯩﻠﯩﺶ ﺋﯩﺪﯨﻴﯩﻠﯩﺮﻯ، ﮬﺎﻻﻝ ﺑﯩﻠﻪﻥ ﮬﺎﺭﺍﻡ، ﭘﺎﻛﻠﯩﻖ ﺑﯩﻠﻪﻥ ﻧﺎﭘﺎﻛﻠﯩﻖ، ﮔﯜﺯﻩﻟﻠﯩﻚ ﺑﯩﻠﻪﻥ ﺳﻪﺗﻠﯩﻚ، ﻳﺎﺧﺸﯩﻠﯩﻖ ﯞﻩ ﻳﺎﻣﺎﻧﻠﯩﻖ، ﻗﻪﮬﺮﯨﻤﺎﻧﻠﯩﻖ ﯞﻩ ﻣﯘﻧﺎﭘﯩﻘﻠﯩﻖ ﮬﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﻯ؛ ﺗﯘﺭﻣﯘﺵ ﻗﯘﺭﯗﺵ، ﭘﻪﺭﺯﻩﻧﺖ ﺗﻪﺭﺑﯩﻴﯩﻠﻪﺵ، ﺑﯩﻠﯩﻢ ﺋﯚﮔﯩﺘﯩﺶ ﻗﺎﺗﺎﺭﻟﯩﻖ ﺗﯘﺭﻣﯘﺵ ﭘﻪﻟﺴﻪﭘﻠﯩﺮﻯ ﺑﯘ ﺭﻭﮬﻨﻰ ﻣﯧﻐﯩﺰ ﻗﯩﻠﯩﭗ، ﺋﻪﯞﻻﺩﻣﯘ- ﺋﻪﯞﻻﺩ ﺩﺍﯞﺍﻣﻠﯩﺸﯩﭗ ﺑﯩﺰﮔﯩﭽﻪ ﻳﯧﺘﯩﭗ ﻛﻪﻟﮕﻪﻥ. ﺷﯘﯕﺎ ﺋﯘﻳﻐﯘﺭﻻﺭﻧﯩﯔ ﺋﺎﺩﻩﻡ ﺑﻮﻟﯘﺵ ﻳﻮﻟﻰ، ﺋﺎﺩﻩﻡ ﺑﻮﻟﯘﺵ ﺋﯩﺪﯨﻴﯩﺴﻰ ﺋﻪﺷﯘ ﻣﯧﻐﯩﺰﯨﺪﯨﻦ ﭼﻪﺗﻨﯩﺴﻪ، ﻳﯩﻠﺘﯩﺰﯨﺪﯨﻦ، ﺋﻪﻧﺌﻪﻧﯩﻠﻪﺭﺩﯨﻦ ﭼﻪﺗﻨﯩﮕﻪﻥ ﺑﻮﻟﯩﺪﯗ. ﺋﯘﻳﻐﯘﺭ ﺋﻪﺧﻼﻗﻰ ﺋﯘﻧﯩﯖﺪﯨﻦ ﭼﻪﺗﻨﯩﺴﻪ ﺑﯘﺯﯗﻟﯘﺷﻘﺎ ﻣﺎﯕﻐﺎﻥ ﺑﻮﻟﯩﺪﯗ. ﺗﻪﺭﺑﯩﻴﻠﯩﺮﯨﻤﯩﺰ ﺋﯘﻧﯩﯖﺪﯨﻦ ﭼﻪﺗﻨﯩﺴﻪ ﻣﯘﻛﻪﻣﻤﻪﻝ ﺗﻪﺭﺑﯩﻴﻪ ﺑﻮﻻﻟﻤﺎﻳﺪﯗ. ﻳﯘﻗﯩﺮﯨﺪﺍ ﺑﯩﺰ ﻛﯚﺯﻩﺗﻜﻪﻥ ﺗﻪﺭﺑﯩﻴﯩﻠﻪﺭﻧﯩﯔ ﭼﺎﻻ ﺑﻮﻟﯘﭖ ﻗﯧﻠﯩﺶ ﺳﻪﯞﻩﺑﻰ ﺩﻩﻝ ﻣﯘﺷﯘ ﻳﻪﺭﺩﻩ. ﺑﯘ ﺭﻭﮪ ﺋﻪﺟﺪﺍﺩﻟﯩﺮﯨﻤﯩﺰ ﻗﺎﻟﺪﯗﺭﯗﭖ ﻛﻪﺗﻜﻪﻥ ﻣﯘﻗﻪﺩﺩﻩﺱ ﺭﻭﮪ.
ﺟﯘﯕﺨﯘﺍ ﺧﻪﻟﻖ ﺟﯘﻣﮭﯘﺭﯨﻴﯩﺘﻰ ﻗﺎﻧﯘﻥ ﺋﺎﺭﻗﯩﻠﯩﻖ ﺋﯩﺪﺍﺭﻩ ﻗﯩﻠﯩﻨﯩﺪﯨﻐﺎﻥ ﺩﯙﻟﻪﺕ. ﺟﯘﻣﮭﯘﺭﯨﻴﻪﺕ ﺋﺎﺳﺎﺳﯩﻲ ﻗﺎﻧﯘﻥ ﺗﯜﺯﯛﺵ ﯞﻩ ﺗﯜﺭﻟﯜﻙ ﻗﺎﻧﯘﻥ- ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﯩﺮﯨﺶ ﻳﻮﻟﻰ ﺑﯩﻠﻪﻥ ﭘﯘﻗﺮﺍﻻﺭﻧﯩﯔ ﮬﻮﻗﯘﻕ- ﻣﻪﻧﭙﻪﺋﯩﺘﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﺎﻥ. ﺋﺎﺳﺎﺳﯩﻲ ﻗﺎﻧﯘﻥ- ﺑﻪﻟﮕﯩﻠﯩﻤﯩﺪﻩ ﭘﯘﻗﺮﺍﻧﯩﯔ ﺑﯩﻠﯩﻢ ﺋﯧﻠﯩﺶ ﮬﻮﻗﯘﻗﻰ ﯞﻩ ﻣﻪﺟﺒﯘﺭﯨﻴﯩﺘﻰ ﺑﻮﻟﯩﺪﯗ. ﺩﯙﻟﻪﺕ ﻳﺎﺷﻼﺭﻧﻰ، ﺋﯚﺳﻤﯜﺭﻟﻪﺭﻧﻰ، ﺑﺎﻟﯩﻼﺭﻧﻰ ﺋﻪﺧﻼﻗﻰ، ﺟﯩﺴﻤﺎﻧﯩﻲ ﺟﻪﮬﻪﺗﺘﯩﻦ ﺋﻪﺗﺮﺍﭘﻠﯩﻖ ﻳﯧﺘﯩﻠﺪﯛﺭﯨﺪﯗ. ﺋﺎﺳﺎﺳﯩﻲ ﻗﺎﻧﯘﻧﺪﯨﻜﻰ ﺑﯩﻠﯩﻢ ﺋﯧﻠﯩﺶ ﮬﻮﻗﯘﻗﻰ ﮬﻪﺭ ﺗﻪﺭﻩﭘﻠﯩﻤﻪ ﺑﯩﻠﯩﻢ ﺋﯩﮕﯩﻠﻪﺵ ﮬﻮﻗﯘﻗﻰ، ﺋﻪﺗﺮﺍﭘﻠﯩﻖ ﻳﯧﺘﯩﻠﯩﺶ ﮬﻪﺭ ﺗﻪﺭﻩﭘﺘﯩﻦ ﺋﻪﺗﺮﺍﭘﻠﯩﻖ ﻳﯧﺘﯩﻠﯩﺸﻨﻰ ﺑﯩﻠﺪﯛﺭﯨﺪﯗ. ﺟﯜﻣﻠﯩﺪﯨﻦ ﺩﯨﻨﯩﻲ ﺑﯩﻠﯩﻤﻠﻪﺭﻧﻰ ﺋﯚﮔﯩﻨﯩﺶ، ﻣﯩﻠﻠﯩﻲ ﺋﻪﺧﻼﻗﻘﺎ ﺩﺍﺋﯩﺮ ﺑﯩﻠﯩﻤﻠﻪﺭﻧﻰ ﺋﯚﮔﯩﻨﯩﺶ، ﻣﯩﻠﻠﯩﻲ ﺋﻪﺧﻼﻗﻘﺎ ﺩﺍﺋﯩﺮ ﺑﯩﻠﯩﻤﻠﻪﺭﻧﻰ ﺋﯚﮔﯩﻨﯩﺸﻨﻰ ﭼﻪﺗﻜﻪ ﻗﺎﻗﻤﺎﻳﺪﯗ. ﺑﻪﻟﻜﻰ ﻣﯘﺳﯘﻟﻤﺎﻥ ﺋﺎﻣﻤﯩﻨﯩﯔ ﺑﯘﻧﺪﺍﻕ ﮬﻮﻗﯘﻗﯩﻨﻰ ﻗﻮﻏﺪﺍﻳﺪﯗ. ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺧﻪﻟﻘﻨﯩﯔ ﭘﻪﺭﺯﻩﻧﺘﻠﯩﺮﯨﻨﯩﯔ ﺯﯙﺭﯛﺭ ﺑﻮﻟﻐﺎﻥ ﺩﯨﻨﯩﻲ ، ﺋﻪﺧﻼﻗﻰ ﺗﻪﺭﺑﯩﻴﻪ ﺋﺎﻟﻤﺎﻱ ﺗﯘﺭﯗﭖ ﺗﻪﺭﺑﯩﻴﯩﻠﯩﻨﯩﺸﻰ ﺋﯩﻨﺘﺎﻳﯩﻦ ﺯﯙﺭﯛﺭ ﺑﻮﻟﻐﺎﻥ ﺑﯘﻧﺪﺍﻕ ﺗﻪﻟﯩﻤﻠﻪﺭﻧﯩﯔ ﭼﻪﺗﺘﻪ ﻗﺎﻟﺪﯗﺭﯗﻟﯘﺷﻰ ﻗﺎﻧﯘﻧﺪﯨﻜﻰ ﻳﺎﺷﻼﺭﻧﻰ، ﺋﯚﺳﻤﯜﺭﻟﻪﺭﻧﻰ، ﺑﺎﻟﯩﻼﺭﻧﻰ ﺋﻪﺗﺮﺍﭘﻠﯩﻖ ﻳﯧﺘﯩﻠﺪﯛﺭﯛﺵ ﺗﻪﻟﯩﭙﯩﮕﻪ، ﺟﯜﻣﻠﯩﺪﯨﻦ ﺋﺎﺳﺎﺳﯩﻲ ﻗﺎﻧﯘﻥ ﺭﻭﮬﯩﻐﺎ ﺋﯘﻳﻐﯘﻥ ﻛﻪﻟﻤﻪﻳﺪﯗ. ﻳﯩﻠﺘﯩﺰﺩﯨﻦ ﺑﺎﺷﻼﻧﻐﺎﻥ ﺋﺎﺋﯩﻠﻪ ﺗﻪﺭﺑﯩﻴﯩﺴﻰ؛ ﻣﯩﻠﻠﯩﻲ ﺋﻪﺧﻼﻕ ﭼﻪﺗﺘﻪ ﻗﺎﻟﺪﯗﺭﯗﻟﻐﺎﻥ، ﺗﻪﺷﻪﺑﺒﯘﺱ ﻗﯩﻠﯩﻨﻤﺎﻳﺪﯨﻐﺎﻥ، ﺋﯩﻨﺴﺎﻥ ﺭﻭﮬﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺶ، ﺋﯩﻨﺴﺎﻥ ﺭﻭﮬﯩﻨﻰ ﻗﯘﺗﻘﯘﺯﯗﺵ ﺋﯩﻘﺘﯩﺪﺍﺭﻯ ﻳﻮﻕ ﺳﯜﻧﺌﯩﻴﻠﻪﺷﻜﻪﻥ ﺟﻪﻣﺌﯩﻴﻪﺕ ﺗﻪﺭﺑﯩﻴﯩﺴﻰ؛ ﺭﻭﮬﯩﻤﯩﺰﻏﺎ، ﻗﯧﻨﯩﻤﯩﺰﻏﺎ، ﺋﻪﻗﯩﺪﯨﻤﺪﯨﺰﮔﻪ ﻳﺎﺕ ﺋﯧﺘﯩﻘﺎﺩ ﺗﻪﺭﺑﯩﻴﯩﺴﻰ ﮬﻪﺭﮔﯩﺰﻣﯘ، ﻳﺎﺷﻼﺭﻧﻰ، ﺋﯚﺳﻤﯜﺭﻟﻪﺭﻧﻰ، ﺑﺎﻟﯩﻼﺭﻧﻰ ﻣﯘﻛﻪﻣﻤﻪﻟﻠﯩﻜﻜﻪ ﺑﺎﺷﻼﺷﻘﺎ، ﺋﻪﺗﺮﺍﭘﻠﯩﻖ ﻳﯧﺘﯩﻠﺪﯛﺭﯛﺷﻜﻪ ﻗﺎﺩﯨﺮ ﺑﻮﻻﻟﻤﺎﻳﺪﯗ. ﻧﻪﺗﯩﺠﯩﺪﻩ ﻣﯘﺷﯘ ﺩﯦﻠﻮﺩﯨﻦ ﺋﺎﺷﻜﺎﺭﻻﻧﻐﺎﻧﻐﺎ ﺋﻮﺧﺸﺎﺵ ﺋﯩﭙﭙﻪﺗﺴﯩﺰ ﻗﯩﺰﻻﺭ ﺗﯜﺭﻛﯜﻡ- ﺗﯜﺭﻛﯜﻣﻠﻪﭖ ﻳﯧﺘﯩﺸﯩﭗ ﭼﯩﻘﯩﺪﯗ. ﺋﯘﻳﻐﯘﺭ ﺋﺎﺗﺎ- ﺋﺎﻧﯩﻠﯩﺮﻯ ﺟﻪﻣﺌﯩﻴﻪﺗﻜﻪ ﭼﯩﺮﺍﻳﻠﯩﻖ ﺟﺎﻻﭘﻼﺭﻧﻰ ﻛﯚﭘﻠﻪﭖ ﻳﯧﺘﯩﺸﺘﯜﺭﯛﭖ ﺑﯧﺮﯨﺪﯨﻐﺎﻥ؛ ﺑﯘ ﭼﯩﺮﺍﻳﻠﯩﻖ ﺟﺎﻻﭘﻼﺭ ﮬﺎﺯﯨﺮﻗﯩﺪﻩﻙ ﺟﯘﯕﮕﻮﻧﯩﯔ ﮬﻪﻣﻤﯩﻼ ﺷﻪﮬﯩﺮﯨﮕﻪ ﻳﯘﻟﺘﯘﺯﺩﻩﻙ ﺗﺎﺭﯨﻠﯩﭗ، ﭘﺎﮬﯩﺸﯟﺍﺯﻻﺭﻧﯩﯔ ﮬﯘﺯﯗﺭﻟﯩﻨﯩﺸﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﭗ ﺑﯧﺮﯨﺪﯨﻐﺎﻥ؛ ﻧﺎﺧﺸﺎ- ﺋﯘﺳﯘﻝ ﻣﺎﻛﺎﻧﻰ ﺩﻩﭖ ﺗﻮﻧﯘﻟﻐﺎﻥ ﺋﻪﺯﯨﺰ ﻳﯘﺭﺕ ﻗﺎﻳﺘﯩﺪﯨﻦ «ﺋﻮﻏﺮﻯ- ﺟﺎﻻﭖ» ﻣﺎﻛﺎﻧﻰ ﺩﻩﭖ ﺗﻮﻧﯘﻟﺪﯨﻐﺎﻥ ﮬﺎﻟﻪﺕ ﺭﻭﻳﺎﭘﻘﺎ ﭼﯩﻘﯩﺪﯗ...
ﺟﯘﯕﺨﯘﺍ ﺧﻪﻟﻖ ﺟﯘﻣﮭﯘﺭﯨﻴﯩﺘﻰ ﺋﯘﻳﻐﯘﺭﻻﺭ ﺋﺎﻣﻤﯩﺴﯩﺪﯨﻦ ﺋﯩﺴﻼﻡ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﻣﯘﺳﯘﻟﻤﺎﻧﻼﺭ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺪﯗ. ﺑﯘ ﺋﻪﻟﯟﻩﺗﺘﻪ ﮬﻪﻣﻤﯩﮕﻪ ﺋﺎﻳﺎﻥ ﭘﺎﻛﯩﺖ. ﺋﺎﺳﺎﺳﯩﻲ ﻗﺎﻧﯘﻧﻨﯩﯔ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﻳﺪﯨﻐﺎﻧﻠﯩﻘﯩﻤﯘ ﺋﺎﺷﻜﺎﺭﻩ ﭘﺎﻛﯩﺖ. ﺑﯘ ﻳﻪﺭﺩﻩ ﻛﯩﺸﻠﻪﺭ ﺗﯩﻠﻐﺎ ﺋﯧﻠﯩﺸﺘﯩﻦ ﺋﯧﮭﺘﯩﻴﺎﺕ ﻗﯩﻠﯩﺪﯨﻐﺎﻥ ﻳﻪﻧﻪ ﺑﯩﺮ ﭘﺎﻛﯩﺘﻤﯘ ﻣﻪﯞﺟﯘﺕ. ﻧﯚﯞﻩﺗﺘﻪ ﺗﯧﻠﯧﯟﺯﯨﻴﻪ، ﺭﺍﺩﯨﺌﻮ، ﮔﯧﺰﯨﺖ- ﮊﯗﺭﻧﺎﻝ ﻗﺎﺗﺎﺭﻟﯩﻘﻼﺭ ﻛﯩﺸﯩﻠﻪﺭﻧﯩﯔ ﺑﯩﻠﯩﻢ ﺋﯩﮕﯩﻠﯩﺸﻰ، ﺟﻪﻣﺌﯩﻴﻪﺗﻨﻰ ﭼﯜﺷﯜﻧﯩﺸﯩﺪﻩ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﻗﻮﺭﺍﻟﻐﺎ ﺋﺎﻳﻼﻧﺪﻯ. ﺗﻪﺷﯟﯨﻘﺎﺕ ﺳﺎﻟﻤﯩﻘﻰ ﺟﻪﮬﻪﺗﺘﻪ ﺋﺎﺗﯧﺌﯩﺰﻣﻠﯩﻖ ﺗﻪﺭﺑﯩﻴﯩﺴﻰ ﻣﯘﺗﻠﻪﻕ ﺋﯜﺳﺘﯜﻧﻠﯜﻛﻨﻰ ﺋﯩﮕﯩﻠﯩﺪﻯ. ﺷﯘﯕﺎ ﺑﯩﺰ ﺩﯦﻤﻪﻛﭽﻰ ﺑﻮﻟﻐﺎﻥ، ﻛﯩﺸﻠﻪﺭ ﺗﯩﻠﻐﺎ ﺋﯧﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﯨﺪﯨﻐﺎﻥ ﭘﺎﻛﯩﺖ ﺷﯘﻛﻰ، ﺗﻪﺷﯟﯨﻘﺎﺗﻠﯩﺮﯨﻤﯩﺰ، ﻣﻪﺗﺒﯘﺋﺎﺗﻠﯩﺮﯨﻤﯩﺰ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺋﺎﻣﻤﯩﻨﯩﯔ ﻧﯧﻤﯩﮕﻪ ﺋﯩﻨﺘﯩﻠﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻏﺎ ﻧﯩﻤﯩﻠﻪﺭ ﺯﯙﺭﯛﺭﻟﯜﻛﯩﻨﻰ، ﺑﯘ ﺧﯩﻞ ﺋﺎﻣﻤﯩﻨﯩﯔ ﭘﻪﺭﺯﻩﻧﺘﻠﯩﺮﻯ ﺋﯜﭼﯜﻥ ﺗﻪﺷﯟﯨﻘﺎﺗﺘﯩﻦ ﻣﯘﺋﻪﻳﻴﻪﻥ ﺋﻮﺭﯗﻥ ﺑﯧﺮﯨﺶ ﻛﯧﺮﻩﻛﻠﯩﻜﯩﻨﻰ ﺋﻪﺳﺘﯩﻦ ﭼﯩﻘﯩﺮﯨﭗ ﻗﻮﻳﺪﻯ.
ﺭﯦﺌﺎﻟﻠﯩﻖ ﺷﯘﻛﻰ، ﻧﯚﯞﻩﺗﺘﻪ «ﺟﯘﯕﮕﻮ ﻣﯘﺳﯘﻟﻤﺎﻧﻠﯩﺮﻯ» ﮊﻭﺭﻧﯩﻠﯩﺪﯨﻦ ﺑﺎﺷﻘﺎ ﺑﯘ ﺟﻪﮬﻪﺗﺘﻪ ﺋﯩﺰﭼﯩﻞ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺋﺎﺧﺒﺎﺭﺍﺕ، ﻧﻪﺷﺮﯨﻴﺎﺕ، ﺗﻪﮬﺮﯨﺮﺍﺕ ﺋﻮﺭﯗﻧﻠﯩﺮﯨﻨﻰ ﻛﯚﺭﮔﯩﻠﻰ ﺑﻮﻟﻤﺎﻳﺪﯗ. ﺭﺍﺩﯨﺌﻮ، ﺗﯧﻠﯧﯟﺯﯨﻴﻪ ﺟﯩﻨﺴﻰ ﺋﺎﺟﯩﺰﻟﯩﻘﻨﻰ ﺩﺍﯞﺍﻻﺵ ﺗﻮﻏﺮﯨﺴﯩﺪﯨﻜﻰ ﺗﯧﺘﯩﻘﺴﯩﺰ ﺋﯧﻼﻧﻼﺭﻧﻰ ﺗﻪﻛﺮﺍﺭ- ﺗﻪﻛﺮﺍﺭ ﺑﯧﺮﯨﺪﯗﻛﻰ، ﺋﯘﻳﻐﯘﺭ ﺋﯧﺘﯩﻘﺎﺩﯨﺪﯨﻜﻰ، ﺭﻭﮬﯩﺪﯨﻜﻰ، ﺋﻪﺧﻼﻗﯩﺪﯨﻜﻰ ﺋﯘﻧﯩﯖﺪﯨﻦ ﺋﯧﻐﯩﺮ ﻛﯧﺴﻪﻟﻠﯩﻜﻠﻪﺭﻧﻰ ﺩﺍﯞﺍﻻﺵ ﮬﻪﻗﻘﯩﺪﻩ ﺑﯩﺮ ﻧﻪﺭﺳﻪ ﺩﯦﮕﯩﻠﻰ ﺑﻮﻟﻤﺎﻳﺪﯗ. ﻣﻪﻛﺘﻪﭘﻠﻪﺭﺩﻩ ﺗﺎﻏﻼﺭ، ﺳﯘﻻﺭ، ﮬﺎﺷﺎﺭﻩﺗﻠﻪﺭ ﺗﻮﻏﺮﯨﻠﯩﻖ ﺳﯚﺯﻟﯩﻨﯩﺪﯗﻛﻰ، ﺋﻪﯓ ﺯﯙﺭﯛﺭ ﺑﻮﻟﻐﺎﻥ ﺋﯧﺘﯩﻘﺎﺩ، ﻗﯩﺰﻻﺭ ﺋﻪﺧﻼﻗﻰ، ﺋﻮﻏﯘﻟﻼﺭ ﺋﻪﺧﻼﻗﻰ، ﻳﻪﻧﻪ ﺋﯘﺯﯗﻧﺪﯨﻦ- ﺋﯘﺯﯗﻧﻐﺎ ﺳﻮﺯﯗﻟﻐﺎﻥ، ﮬﺎﻳﺎﺳﯩﺰ ﺗﻪﺭﺟﯩﻤﻪ ﻓﯩﻠﯩﻤﻠﯩﺮﻯ ﺗﻪﻛﺮﺍﺭ- ﺗﻪﻛﺮﺍﺭ ﺑﯧﺮﯨﻠﯩﺪﯗ. ﺋﻪﻣﻤﺎ ﺩﯨﻨﯩﻲ ﺋﯚﻟﯩﻤﺎ، ﺩﯨﻨﯩﻲ ﺋﺎﻟﯩﻢ ﯞﻩ ﭘﯩﺸﯟﺍﻟﯩﺮﯨﻤﯩﺰﻧﯩﯔ ﻳﺎﺷﻼﺭﻏﺎ، ﺑﺎﻟﯩﻼﺭﻏﺎ ﺷﯘﻧﺪﺍﻗﻼ ﮬﻪﻣﻤﯩﻤﯩﺰﮔﻪ ﻣﻪﻟﯘﻡ ﻗﺎﺭﺍﺗﻤﯩﻠﯩﻘﻰ ﺑﻮﻟﻐﺎﻥ ﺋﻪﺧﻼﻕ- ﭘﻪﺯﯨﻠﻪﺕ ﺗﻪﺭﺑﯩﻴﻠﯩﺮﻯ، ﺋﺎﺩﻩﻡ ﺑﻮﻟﯘﺵ ﻳﻮﻟﯩﻨﻰ ﭼﯜﺷﻪﻧﺪﯛﺭﯨﺪﯨﻐﺎﻥ ﺗﻪﺭﺑﯩﻴﯩﻠﯩﺮﻯ ﺑﯧﺮﯨﻠﻤﻪﻳﺪﯗ. ﺭﺍﺩﯨﺌﻮﺩﺍ ﺗﻪﺷﯟﯨﻘﺎﺕ ﺋﯜﭼﯜﻥ ﭘﯘﻝ ﺑﯧﺮﯨﭗ ﻳﺎﺯﺩﯗﺭﯗﻟﻐﺎﻥ ﻧﻪﺭﺳﯩﻠﻪﺭ ﺋﯘﺯﯗﻧﺪﯨﻦ- ﺋﯘﺯﯗﻧﻐﺎ ﺋﺎﯕﻠﯩﺘﯩﻠﯩﺪﯗ. ﺋﻪﻣﻤﺎ ﺋﯘﻳﻐﯘﺭﻻﺭﻏﺎ ﺋﻪﯓ ﭼﯩﺮﺍﻳﻠﯩﻖ ﺋﺎﯕﻠﯩﻨﯩﺪﯨﻐﺎﻥ ﺋﺎﺩﻩﻡ ﺑﻮﻟﯘﺵ ﻳﻮﻟﻠﯩﺮﻯ ﮬﻪﻗﻘﯩﺪﻩ ﺳﺎﯞﺍﺕ ﺋﺎﯕﻠﯩﺘﯩﻠﻤﺎﻳﺪﯗ. ﻧﻪﺗﯩﺠﯩﺪﻩ ﻳﻪﻧﯩﻼ ﺋﻪﺩﻩﭖ- ﺋﻪﺧﻼﻕ ﯞﻩ ﺋﯧﺘﯩﻘﺎﺩ ﺟﻪﮬﻪﺗﺘﻪ ﻳﯧﺘﻪﻛﻠﻪﺷﻜﻪ ﺋﯧﺮﯨﺸﻪﻟﻤﻪﻱ ﺧﺎﻟﯩﻐﺎﻥ ﺧﯩﻠﻤﯘ- ﺧﯩﻞ ﻧﻪﺭﺳﯩﻠﻪﺭﻧﻰ ﺋﯩﺪﯨﻴﯩﺴﯩﮕﻪ ﺳﯩﯖﺪﯛﺭﯛﯞﯦﻠﯩﭗ، ﭘﺎﺟﯩﺌﻪ ﻳﻮﻟﯩﻐﺎ ﻗﺎﺭﺍﭖ ﻣﺎﯕﯩﺪﯗ...
ﺷﯘﻧﺪﺍﻕ ﺋﯧﻴﺘﯩﺸﻘﺎ ﺑﻮﻟﯩﺪﯗﻛﻰ، ﺑﯘﻧﺪﺍﻕ ﮬﺎﻟﻪﺕ ﺩﯦﻤﻮﻛﺮﺍﺗﯩﻴﯩﮕﻪ ﻗﺎﺭﺍﭖ ﻛﯧﺘﯩﯟﺍﺗﻘﺎﻥ، ﻗﺎﻧﯘﻥ ﺋﯩﺪﺍﺭﻩ ﻗﯩﻠﯩﺪﯨﻐﺎﻥ ﺩﯙﻟﻪﺗﺘﻪ ﺋﯘﺯﺍﻕ ﺩﺍﯞﺍﻣﻠﯩﺸﯩﭗ ﻛﻪﺗﺴﻪ ﺋﺎﺳﺎﺳﯩﻲ ﻗﺎﻧﯘﻧﻐﺎ ﺋﯩﺸﻪﻧﭽﯩﻨﯩﯔ ﺳﯘﺳﻠﯩﺸﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﺎﺳﺎﺳﯩﻲ ﻗﺎﻧﯘﻥ ﺭﻭﮬﯩﻐﺎ ﺋﯘﻳﻐﯘﻥ ﻛﻪﻟﻤﻪﻳﺪﯗ. ﺷﯘﻧﺪﺍﻕ ﺋﯩﻜﻪﻥ ﺗﻪﺭﺑﯩﻴﻪﺳﯩﺰﻟﯩﻜﻨﯩﯔ ﺋﺎﻗﯩﯟﯨﺘﯩﻨﻰ، ﭼﺎﻻ ﺗﻪﺭﺑﯩﻴﯩﻨﯩﯔ ﺋﺎﺟﯩﺰﻟﯩﻘﯩﻨﻰ ﺗﻮﻧﯘﭖ، ﻗﺎﻧﯘﻧﻐﺎ ﺋﯘﻳﻐﯘﻥ ﺑﯩﺮ ﺷﻪﻛﯩﻠﺪﻩ ﺋﺎﺳﺎﺳﯩﻲ ﻗﺎﻧﯘﻥ ﺭﻭﮬﻰ ﺑﻮﻳﯩﭽﻪ ﺑﺎﻟﯩﻼﺭﻧﻰ ﻗﯘﺗﻘﯘﺯﯗﺵ، ﻗﯩﺰﻻﺭﻧﻰ ﻗﯘﺗﻘﯘﺯﯗﺵ ﻳﻮﻟﯩﺪﺍ ﮬﻪﻕ ﮔﻪﭖ ﻗﯩﻠﯩﺶ ﮬﻪﻣﻤﯩﻤﯩﺰﻧﯩﯔ ﯞﯨﺠﺪﺍﻥ ﺑﯘﺭﭼﻰ ﺑﻮﻟﺴﺎ ﻛﯧﺮﻩﻙ.
ﻳﻪﻧﻪ ﺷﯘﻧﻰ ﺋﯘﻧﺘﯘﭖ ﻗﯧﻠﯩﺸﻘﺎ ﺑﻮﻟﻤﺎﻳﺪﯗﻛﻰ، ﻳﯘﻗﯩﺮﯨﻘﻰ ﺩﯦﻠﻮﺩﯨﻦ ﺋﺎﺷﻜﺎﺭﯨﻼﻧﻐﺎﻥ ﻣﻪﺧﭙﯩﻴﻪﺗﻠﯩﻜﻠﯩﺮﯨﻤﯩﺰﻣﯘ ﺑﯩﺰ ﻗﯩﺰﻟﯩﺮﯨﻤﯩﺰ ﺗﻮﻏﺮﯨﺴﯩﺪﺍ ﺋﻪﻧﺪﯨﺸﻪ ﭘﻪﻳﺪﺍ ﻗﯩﻠﯩﺸﻰ ﻛﯧﺮﻩﻙ. ﺋﻪﻧﻪ ﺷﯘﻧﺪﺍﻕ ﺋﺎﯓ ﭘﻪﻳﺪﺍ ﺑﻮﻟﻐﺎﻧﺪﯨﻼ ﺋﯩﭙﭙﻪﺗﺴﯩﺰ ﻗﯩﺰﻻﺭﻧﯩﯔ ﻛﯚﭘﯩﻴﯩﭗ ﺑﯧﺮﯨﺸﻨﻰ ﺗﻮﺳﯘﺵ ﺋﯜﭼﯜﻥ، ﮔﺎﯕﮕﯩﺮﯨﻐﺎﻥ ﺋﻪﯞﻻﺩﯨﻨﻰ ﻗﯘﺗﻘﯘﺯﯗﺵ ﺋﯜﭼﯜﻥ ﻧﯩﻤﯩﻠﻪﺭﻧﻰ ﻗﯩﻠﯩﺶ ﺯﯙﺭﯛﺭﻟﯩﻜﻰ ﮬﻪﻗﻘﯩﺪﻩ ﺋﯩﺰﺩﯨﻨﯩﺸﻜﻪ ﺑﺎﺷﻼﻳﻤﯩﺰ. ﭼﯜﻧﻜﻰ ﻳﯜﺭﻩﻙ ﭘﺎﺭﯨﻠﯩﺮﯨﻤﯩﺰ ﺋﯚﺯﯨﻤﯩﺰﻧﯩﯖﻜﻰ، ﺋﯩﺰﺩﻩﻧﮕﯜﭼﯩﻠﻪﺭ ﻛﯚﭖ ﺑﻪﺩﻩﻟﻠﻪﺭﻧﻰ ﺗﯚﻟﻪﭖ ﺑﻮﻟﺴﯩﻤﯘ ﻳﻮﻟﻨﻰ ﭼﻮﻗﯘﻡ ﺗﺎﭘﺎﻻﻳﺪﯗ.

داۋامى