مېكسىكىدىكى قونچاق بالا ئارىلى(يەنە ئويۇنچۇق ئارىلى دەپمۇ ئاتىلىدۇ Isla De Las Muecas) ئىزچىل بىر خىل غەيرى جەلپ قىلىش كۈچىگە ئىگە بولۇپ، بۇ ئارالنى ئوراپ تۇرغان يېقىن ئەتراپتىكى قاناللار، نۇرغۇن قەدىمكى رىۋايەت ۋە ھېكايىلەر بار. قونچاق بالا ئارىلى Teshuilo كۆلىگە جايلاشقان بولۇپ، ئاڭلاشلارغا قارىغاندا ئۈچ قىزچاق بۇ ئارالدا بىرسى يارىلىنىپ، يەنە بىرسى تۇنجۇقتۇرۇلۇپ ئۆلتۈرۈلگەن ئىكەن. شۇ سەۋەپتىن، مەزكۇر ئارالمۇ جىن چاپلاشقان ئارال دەپ دۆلەت ئىچى سىرتىدا خېلىلا نامى بارمىش….

كېيىن ئارالغا كەلگۈچىلەرنىڭ دېيىشىچە، ئۇلار ئارالدىن نۇرغۇن تاشلىۋېتىلگەن قونچاقلارنى بايقىغان، ۋاقىتنىڭ ئۆتىشىگە ئەگىشىپ بۇ قونچاقلارنىڭ سانىمۇ كۈنسىرى كۆپىيىپ نەچچە مىڭدىن ئېشىپ كەتكەن. ھەتتا بەزى قونچاقلار دەرەخكە باغلاپ قويۇلغان بولۇپ، تېخىمۇ كۆپ قونچاقلار بۇ ئارالنىڭ مۇھىتىنى ئۆزگەرتىۋەتكەن، بۇ ئارالمۇ كۈندىن كۈنگە سىرلىقلىشىپ كىشىنىڭ تېنىنى شۈركەندۈرىغان بولۇپ قالغان. ئوخشاشلا بۇ جاينىڭمۇ شۇ يەرلىكتىكى داڭقى بارغانسىرى كۆتۈرۈلۈپ، داڭلىق ساياھەت رايونى بولۇپ قالغان.

تەھرىردىن:

بىلمىدىم كۆپچىلىك ئالۋاستى قونچاق(Chucky) فىلىمىنى كۆرگەن بولۇشى مۇمكىن. مېكسىكىدىكى بۇ قونچاق بالا ئارىلىنى كۆرۈپ نەق شۇ فىلىم يادىمغا كەچتى. كىچىك چېغىمىزدا تېشىغا 18 ياشقا توشمىغانلار ۋە ھامىلدار ئاياللار كۆرۈشكە بولمايدۇ دەپ يېزىپ پلاستىنكىسىنى ساتسا قىزىقىپ ئېلىپ كۆرگەن فىلىملەر ئىدى. بىرەر كۆرۈنۈش چاپلاپ قوياي دېسەم Youku, Tudou لاردىن قەتئىي مەنبە تېپىلمىدى، بىر پارچە رەسىمىنى چاپلاپ قويدۇم، بەلكىم ئېسىڭلارغا كېلىشى مۇمكىن.