ئىنتېرنېت ئۇچۇر دەۋرىدىكى كېيىنكى مەيدان چوڭ ئىنقىلاب، بەلكىم شۈبھىسىزكى ئەقلى تېلىۋېزور بولۇپ قېلىشى مۇمكىن. Steve Jobs ئۆزىنىڭ تەرجىمىھالىدا ئېيتىپ ئۆتكەن «مەن رەقەملىك تېلىۋېزورنى يېشىپ چىقتىم، بۇ بەلكىم ئالمىنىڭ كېيىنكى سىتراتېگىيىسى بولۇپ قېلىشى مۇمكىن» دېگەن سۆز يۇقارقى پەرەزنى تېخىمۇ كۈچلۈك ئاساسقا ئىگە قىلىشى مۇمكىن.

ئالما شىركىتى ئۆزگىچە لايىھەلەش ئىقتىدارىغا تايىنىپ مۇزىكا قويغۇچ، يان تېلېفون ساھەسىدە زور مۇۋاپىقىيەتلەرگە ئېرىشتى، شۇ سەۋەپتىن ئالما تېلىۋېزورىمۇ كۆپچىلىك ئىزچىل قىزىقىۋاتقان بىر مەسىلە بولۇپ قالدى. SmartHouse نىڭ ياپونىيەدىكى بىر چوڭ تىپتىكى تېلىۋېزور ئىشلەپچىقىرىش كارخانىسىدىن ئىگەللىشىچە، ئالما تېلىۋېزورى بەلكىم 2012-يىلى يىل ئوتتۇرىسىدا بازارغا سېلىنىشى مۇمكىنكەن، نۆۋەتتە ئۈچ خىل تىپتا لايىھەلەنگەن بولۇپ، بۇنىڭ ئارىسىدا ئەڭ كىچىكى 32 ديۇيىم، ئەڭ چوڭى 55 ديۇيم كېلىدىكەن.

ئۈچىنچى خىل تىپقا كەلسەك، ئېنىقلا 32 ۋە 55 ديۇيمنىڭ ئوتتۇرىسىدا بولۇشى مۇمكىن، كىشىلەر بەلكىم 42 ديۇيم بولۇشى مۇمكىن دەپ پەرەز قىلىشماقتا.

تىپىدىن باشقا، يۇقارقى بايانات يەنە ئىلگىرى تارقىلىپ يۈرگەن بىر پاراڭنىڭ راستلىقىنى ئىسپاتلىغان: ئالما تېلىۋېزورىغا ئەقلى ئىقتىدارى ئاۋازلىق ياردەمچى Siri بىرىكتۈرىۋېتىلىدىغان بولۇپ، ئاۋاز ئارقىلىق تېلىۋېزور كونترول قىلىش ئەمدى رەسمىي رېئاللىققا ئايلىنىدىكەن. نۆۋەتتە بىرەيلەن ئاللىقاچان Siri ئارقىلىق تېلىۋېزورنى كونترول قىلىپ مۇۋاپىقىيەت قازانغان.

قاتتىق دېتال سەپلىمىسى جەھەتتە، ئالما تېلىۋېزورى بەلكىم يېڭى مەركىزى بىر تەرەپ قىلغۇچ ئىشلىتىشى مۇمكىن، بۇ مەركىزى بىر تەرەپ قىلغۇچ بەلكىم iPad 3 كە سەپلىنىشى، كېيىنكى ئەۋلاد بۇيرۇتۇپ ياسالغان A6 تىپلىق ARM CPU بولۇپ قېلىشى مۇمكىن.