|
(1) قىرغاق ۋە دېڭىز (شېئىرلار)
ئوبۇل ئوغلى قەلەمىي
بەك قارام توختىماي چايقىلار دېڭىز ، قىرغاقنىڭ لېۋىنى قانمايدۇ سۆيۈپ . تارتارمىش مىھرىنى قىيالماي قىرغاق ، ۋەسلىگە يېتەلمەي ئۆتەرمىش كۆيۈپ .
ئاشىقمىش ئەزەلدىن ئۇلار ئىككىسى ، قانمايلا يۈرۈيمىش بىر-بىرىگە دائىم . دېڭىزنىڭ داۋالغۇپ ئۆزىنى ئۇرۇشى ، ئىكەنغۇ- قىرغاققا قىلغىنى تازىم .
ئالارمىش بىر كۈنى قوينىغا دېڭىز ، قىرغاقنى تامامەن ۋاقتى سائىتى . شۇ سەۋەپ توختىماي دولقۇنلار ئىمىش، قالمىغاچ دەقىقە سەۋىر تاقىتى .
(2) كىمكىنە
كىمكىنە ئېرىقنى بىرگە ئاتلىغان ؟ كىمكىنە قەدەمنى بىرگە تاشلىغان ؟ كىمكىنە رىسقىنى بىرگە باغلىغان ؟ كىمكىنە بەختىنى بىرگە تاللىغان ؟
كىمكىنە بىر مېنى يىقىلىپ يۆلىگەن ؟ كىمكىنە مىھرىدىن بېرىلىپ سۆيگەن ؟ كىمكىنە بىر تاتلىق جىلمىيىپ كۈلگەن ؟ كىمكىنە مېنى دەپ قىينىلىپ ئۆلگەن ؟
كىمكىنە قولۇمنى تۇتماقچى بولغان ؟ كىمكىنە كۆڭلۈمنى ئۇتماقچى بولغان ؟ كىمكىنە يۈرىكىمنى يۇلماقچى بولغان ؟ كىمكىنە ئاھ مېنى بۇلماقچى بولغان ؟
كىمكىنە ئالدىمدىن ئۆتمەكچى بولغان ؟ كىمكىنە دېڭزىمدىن ئۈزمەكچى بولغان ؟ كىمكىنە باغرىمغا چۆكمەكچى بولغان ؟ كىمكىنە مەن ئۈچۈن ئۆلمەكچى بولغان ؟
كىمكىنە لەۋلىرى ئىسمىمنى يۈتكەن ؟ كىمكىنە تەلمۈرۈپ كېلشىمنى كۈتكەن ؟ كىمكىنە دېڭىزدىن جىسمىمنى سۈزگەن ؟ كىمكىنە يۈرىكىمنى بېرىشمنى كۈتكەن ؟
كىمكىنە قۇچاقلار كەرمەكچى بولغان ؟ كىمكىنە قىزىل گۈل بەرمەكچى بولغان ؟ كىمكىنە يېنىمغا كەلمەكچى بولغان ؟ كىمكىنە سىرىمنى يەشمەكچى بولغان ؟
(3) بەلكىم بۇ بىر كۈتمىگەن قىسمەت
چۇۋۇلغاندەك ئادەم ئۇۋىسى ، ھەممىلا يەر مىغ-مىغ ئادەمنىڭ ئىڭرىماقتا تاپىنى ئاستىدا ...
بىر-بىرىدىن ئالدىراش ئادەم ، بىر-بىرىنى يەيدىغان كەبىي . كەڭ-تارلىقى نامالۇم شەھەر ، كىم ئەقىللىق كىملەر بەك سەبىي ؟
بىر دوستۇمنى ئىزلىمەك بولۇپ، تېل نومۇرىغا تېلفۇن ئۇرۇپ . ئۇلىنىشقا ئامالسىز تېلىفۇن ، باتارىيە ئېلىنغان يۇلۇپ، ياكى سېلىنىپ قويۇلغان قۇلۇپ ...
چىقىمەن دىگەن ئالدىڭغا تېخى ، كۆرۈنمىدى سايىسى ھېلھەم . قالدى بەلكىم قىستاڭچىلىقتا ، ساقلىماققا ئامالسىز بىردەم .
توۋلىغىنىم شۇنداق ناخشىتى ، نەدە بولساق دىدار غەنىمەت . كېتىپ قالدىم ئامان بول دوستۇم ، بەلكىم بۇ بىر كۈتمىگەن قىسمەت .
(ئاپتۇر : شاڭخەي ئۈنۋېرسىتىتى شىنجاڭ قەشقەر قوش تىل ئوقۇتقۇچىلىرىنى تەربىيەلەش سىنىپىدا ) 上海市嘉定区城中路20号上海大学新疆培训2班(男生6号宿舍楼631宿舍)开来木.乌布力
|
